各位前輩們好久不見！我想對上一次我在這裡的時候應該都有成年幾前了，在此謹祝各位前輩們身體健康！香港既變化確實好大，同意sue姐姐講，貧富差距越來越大，有人幾千蚊一餐午飯為等閒事，有人卻為每日十元八塊爭崩頭。最近睇到免費報紙多左n多份，變相明益執紙皮賺外快既公公婆婆們，但我卻每日睇到佢地，一個個咁企響地鐵站度，等出閘既人比唔要既報紙佢地，我係好清楚咁睇到佢地既眼神，係何等期待一份可能響好多人心目中係不值一文既報紙。又見到某地鐵站每朝早上，大批長者排隊等羅某份「共產黨資金」支持既報紙，甚至有一些長者只為左區區一兩份報紙而口角、咒罵、甚至出手，我真係感到好難受，亦好憤怒，我地香港唔係標榜住「每年三萬五千美元人均gdp」嗎？我地既政府、我地既社會，係點樣滿口仁義道德咁對待一大群先驅者呢？當然，上有好者下必有壽延，當我聽到有權貴叫「香港人要自求多福」，有某地產霸權怨香港人「唔夠勤力」，而主流傳媒就好似集體得到「共（共產黨既共）識」，不停地將一大批自發性行出黎用行動抗爭既朋友，將之標鑯為「政棍」、「搞亂檔」、「阻礙交通」、「阻人發達」等一系列…而口講呢大堆野既人，卻正正係果d「坐到巴士叫司機飛站」既所謂「前輩」。無錯，香港人過慣穩定生活，乜野「抗爭」，who fucking care？不過我想請教各位前輩一件事，就係當制度本身已經成為另一種壓榨巿民大眾、助桀為虐既「暴力」，而當我地又基於無法響現行制度下表態或者制衡之下，咁我地可以做d乜呢？「理性思考」、「理性投票」？要學投共既民主黨，既做妓女，又要立貞節牌坊好嗎？或者索性收聲，一派關人隱事，「我地唔理政治呢d野」，搵錢最重要，生活安穩最重要，做一世地產商既房奴好嗎？p.s：我一直認為，「人民力量」只不過係一種鼓勵作用性質，從來都認為「抗爭」一向係講求自覺覺他，以個人發聲為原則。但我相信我會比較地認為，響一個惡霸橫行既世度，我地根本一世都唔可能循民主途經決定自己既前途，相比馬草泥又好、黃教主又好、長毛又好，佢地事實的確係用語言及肢體暴力，但唔係咁樣的話，咁可以點樣呢？
如果現時既所謂制度係有解決到問題、香港人逃避現實地標榜「理性」可以解決問題，咁點解社會到左今日會變成如此不堪？
無錯，港英年代無咁多噪音，但唔知大家有無細心唸過，點解呢？？
就算你話，香港人大多係英洋奴的話，咁實情我地宜家係「當家作主」，難道對我地既社會有要求，又係錯嗎？

[ 本帖最後由 bobbystar2100 於 2011-10-16 03:52 編輯 ]

引用:

原帖由 牛奶蛇 於 2011-10-16 06:39 發表 V 煞們打出打倒資本主義口號, 令人想起文革. 如果資本主義被打倒, 誰來替代. 社会主義嗎. 香港的90後衝動有餘, 智慧不足. 大陸人也不敢走回头路, 香港憤青却走過了头.  美國人沒有要打倒資本 ...

所謂「風水輪流轉」，或者呢個世界被「新自由主義」佔據太耐，而當每一種東西走過了頭、或者去到某一種至極，就會自然咁引起反思、甚至反抗，我會認為，呢個係對世界黎講係一件好事。資本主義唔應該消失，歷史亦足夠證明左人類仍不可能具足夠條件行共產主義，宜家有一班人行出黎，應該唔會對資本主義產生任何威脅，更唔會變成「文革」，因為呢場運動可幸的是，政黨係入唔到去抽水的。

喊「打倒資本主義」不應該被標韱為「憤青」，社會運動既參與和構成本身就係憑著有著衝動和幹勁呢種成份，智慧足夠與否見人見智，作為一個成年人，甚至長者也好，都可以係衝動有餘，智慧不足的，「維園阿伯」、「黃大仙阿伯」、甚至共產黨，特區政府、曾蔭權，本身就係一個活生生既例子。

sue姐姐，如果要講黎智英，絕對可能要花更多的篇幅。不過如果要簡單地去立論的話，黎智英，絕對是個賤人，不過這個人賤得還有一點可貴之處，就是甘願當照妖鏡，擺明地賤，還能成功地將一些表面風骨的文人當成妓女一般，寫鹹古的十九才子就是一例。而且，還將賺來的錢支持一下民主運動，難能可貴的。（不過用錢來支持投共的民主黨則…）無可否認，香港人面對的問題，乃大部份發達國家都要面對的社會問題，年青一輩不再甘於捱苦，重過前人那種并手抵足的日子，當然，享受繁榮，物質豐富乃必然產生這種副作用。但不得不要提一個重要的問題，就是年青一輩過的所謂「溫室生活」，其實在某程度上，政府和整體社會絕不可能卸責。不知道sue姐姐有否留意，青年失業率到今日升至近二十巴仙，但青年整體投身社會工作的平均年齡則比二十年前的十七歲推遲至二十歲，無錯，因為書比以前易讀了，政府又巧立明目更多「副學士」、「榮譽學士」、「海外大學香港課程」、「中專」、「高級文憑」…之類的產物，一眾「研究型大學」們又樂於見到自己可以賺更多的學費，二來又配合政府企圖將青年推遲就業，將失業率的整體帳面值「摵帳」。但政府用這種近乎「精神自瀆」方式根本就是從頭到尾破壞原來香港的階級制度，各種學歷的階級崗位被徹底打亂，而商家們「當然想請個最好」的心態是理所當然的，於是，造成今日就業嚴重資源錯配，試想想，青年人們花怎麼多的錢去求學，卻不能學以所用，將心比己，即使以前的大學生都總會心有不甘吧，更何況今日？只是，今時今日的這種人比以前多十倍而已。所以，今日的前輩們普遍看不起年青人是正常的，而「騎牛搵馬」的心態我亦可以大膽地向各位前輩們講一句，唔work了，為什麼？因為政府的巧其名「知識型社會」之下，已經徹底地茶毒年青人，這可是比山埃更毒的毒藥。

[ 本帖最後由 bobbystar2100 於 2011-10-23 08:58 編輯 ]

引用:

原帖由 suewong 於 2011-10-22 11:42 發表 大吃小 - 恐龍吃細菌 ?!是否個別現象 ?其他地產商的發水樓/電油商加快減慢 ?

何止？

領匯將家興超級巿場從良景村趕走，然後迎接x佳x康的手法就是一例。

鐵路是公營產物，但到今日竟變成與民逐利，甚至參加大剝削的香港鐵路有限公司，政府不是大股東嗎？


要數十多年來，這個政府所作所為實不能以三言兩語，但在此想問問在座一些朋友，當一個經常叫大家愛國愛港的政權，它的背後居然做出如此所作所為，先不論「愛國」，但請問教人又如何去「愛港」？
愛港，是發自內心地去愛，而不是泛民族主義地愛，更不是要先以愛政權的程度再論愛港，這只有在法西斯的國家才會出現。

引用:

原帖由 mtpen 於 2011-10-23 18:43 發表 我發覺香港愈嚟愈多智慧型別有用心偽君子、真小人，肥佬黎、神亦棍乃表表者！  先前我述及窮人有真假之分，未及提到仲有一類叫「被提醒的窮人」！呢斑所謂窮人自知唔係咁慘，係班衰人教佢、提醒 ...

敢問前輩，香港堅尼系數是世上數一數二地高，僅次於印度，你認為一切都是反華集團的傑作嗎？

敢問前輩多一個問題，「中華」中的「華」字，中國共產黨是否代表了「華」字？

換言之，前輩是否認為，千錯萬錯都是西方反華集團的錯，中華人民共和國及其特區政府都是善意治港的，是嗎？