：中國缺乏一種精神：自信，呢點，在下認同，
       不過在下認為：
       中國，與其話 自卑，更貼切去講，不如話：
       係一個有 被害妄想 o既 民族！

       而且，仲有一個閣下無提及 o既原因：洗腦教育！

       其實，在下係起內地工作，一年入面八成時間都起大陸。

       ( 其他就唔知，不過 起碼香港 o既各大小討論區，在下可以
         同大家講，已經幾乎 被全部封鎖！
         在下係利用所謂 破網軟件上尼 o既。)

       起內地工作呢幾年，在下深切了解 何謂洗腦；
       總之，所有意見，只要唔 o岩聽，就必然係 別有用心！
       如果唔 o岩聽 o既意見，係外國人講 o既，必然係：
       外國勢力忘我之心不死！

       加上外面資訊、所聽所睇，完全先經當局過濾。
       然後再加上各類媒體、由上至下， 扭曲 o既所謂
       公民教育、所有氛圍 ...

       大陸人 o既價值觀，係常人難以想象 o既！

       以上論點，係由一個經典例子開始，由果陣時開始
       在下就慢慢體會到 o既。

       每星期六，都會有公司車接載駐內地員工番尼，
       亦有一 d 大陸同事，見有位淨、又順路 就搭埋上尼，
       不過而家無啦，原因係有次，幾個大陸同事，佢地最後上車
       但係刪唔實道門。
       咁我地好自然叫佢刪番實啦，咁佢刪番實，之後就開車，
       無乜問題丫。
       但係果次之後，佢地就再唔尼搭順風車 ...

       有次在下問佢地，點解呢排唔見佢地尼搭車，佢地竟然話
       唔想受氣喎 ...
       原來因為果次，令佢地覺得，香港人上左車無刪門都無人出聲，
       佢地刪唔實，香港人就呀之呀左喎 ...

       大佬，唔叫最後上車果個，仲叫邊個呀？...

       由果陣時開始，在下就開始留意：
       明明係好普通 o既事，點解佢地會覺得係岐視呢？
       再引伸，點解小小事，大陸人就要無病呻吟呢？
       乜原因、氛圍做成佢地咁呢？

       一個人，本來好地地，但係一日到黑都諗住
       自己係除時都有人會害佢、無論任何時候，
       都先假設周圍 o既人係會岐視佢、睇佢唔起 ...

       咁試問呢個人，仲有乜會睇得順眼？

[ 本帖最後由 Double.Zeta 於 2008-5-13 17:07 編輯 ]

引用:

原帖由 ericwong4362 於 2008-5-13 18:53 發表
你讲得无错，不过依家已有改变，变得极度自大…

：由 自卑 到 自抗。