仲有呀，老馬你Ｄ劇情成十年都唔係魔道作惡就係東瀛入侵，俾D心機編好Ｄ劇情啦！

我真係唔忿氣，點解劍界代表唔係劍聖！

有無搞錯，大戰前夕劍聖居然著草？

風雲電影宣佈拍第2集啦，聽講係 “再見無名篇”，導演話會重昭鄭伊健同郭富城做風雲，大家點睇，有無期待？

我個人認為由漫畫改拍戲嘅電影如果要多人睇首要條件係要多讀者熱烈喜愛，包括對角色同劇情嘅投入，當年之所以大收，除咗當時叫做最先進嘅特技外，其實最大原因係我地身為漫畫讀者兼電影觀眾當年係對風雲很有感情同對角色嘅際遇成長有所共鳴，例如好似風雲合壁大戰雄霸、孔慈惨死、劍聖出劍廿三、聶風瘋狂的血首次爆發大戰劍聖•••(好記得當年睇書睇到步驚雲誤殺孔慈之後嗰種悲愴，跟着搶返孔慈條屍用針線將俾佢打斷咗嗰隻手縫番埋，嗰幕真係覺得老馬好堅，我都係由嗰陣開始鍾意步驚雲)，真係講起都仲有D high，但係家下嘅風雲我就真係買嚟望吓叫做好過無嘢睇咋，家下Ｄ劇情我真係唔知佢想點，所以我真係唔係咁睇好呢套風雲2！

唔知係咪中華英雄嘅成功，老馬成日掛着赤劍，而家又話咩赤家、赤色劍意、赤火神功、赤乜赤物•••真係睇到我赤晒火，而家呢個赤炫個死樣擺明係2打6，仲要話佢係高手渦，頂佢個肺

死咯，乜家下真係無乜人睇風雲架！

引用:

原帖由 龍戈兒 於 2007-11-24 01:33 發表
《風雲》第510期最後那個矮胖身材的冥嶽鬼王,該不會是笑三笑吧?!

唔係麻，咁突破，幾有創意喎

赤炫--一個咁嘅天下無敵，真係一流！

老馬你條友係咪癲Q咗，用咗咁多期嚟塑造武狼有幾型，今期居然話死就死，嗰個仆街赤炫就死極都死唔去，赤炫個死樣都可以天下無敵(疴尿鬥遠呀)？仲有呀，日本武士道嘅人自盡一定係切腹架，邊有自己暫頭架，真係低你俾蜜蜂釘！

今期藍武又係俾人睇死佢真係死性不改，預咗啦，我反而想知佢會唔會又殺老婆又同破軍、神鋒地反大面，比較驚喜嘅係步驚雲終於掉咗佢件爛鬼披風，新造型真係幾有型，但係60幾70歲人先學人搞社團搶地盤會唔會搞笑咗D呢！
另外今期嘅打鬥場面真係幾精彩，懐滅即係懐滅，勁！

今期老馬响書中講過：懷滅話步驚雲係天下無敵、佢响最後一頁又話小武係天下無敵加上佢老人家至愛嘅赤炫又係天下無敵，呢本風雲不如加埋老祖宗、東方無敵、火雲邪神地索性改名叫天下無敵吖笨！

今期老馬又響度玩命理呀宿命呀，由中華英雄嘅天煞孤星、壽不翁到風雲嘅泥菩薩、笑三笑、僧皇，加埋風雲小說再見無名入面批無名係害人怪物嘅算命佬，老馬你係咪有Ｄ過份，不如加埋蘇民峰、麥玲玲呀李承責入風雲吖笨！

無人頂唯有我自己頂啦，我頂！

龍兒終於再度担正，非常期待非常開心！龍兒，勁呀！

好彩劍聖比劍廿三强嘅劍招只係六滅劍廿三啫，我幾驚老馬整招劍廿四出嚟咁就真係•••，不過話時話，老馬之前唔係講過劍廿三係由聖靈劍法劍一至劍廿二為基礎之後先再可以突破到滅天絕地劍廿三嘅咩，呢個咩第一世劍聖皇甫劍又唔係識聖靈劍法而係練咩無雙劍訣，咁又因乜解救會無啦啦突破到劍廿三境界呢！

老馬真係勁，玩完前世今生宿敵孽緣同成日講咩千秋大刼(好似早在無名少年遇英雄劍時已經玩過一鑊)透視三生，今期直請直接玩鬼上身，好，唔怪得風雲2會由拍鬼片最叻嘅彭氏兄弟做導演啦，到上畫時可能係「風雲之見鬼3」

今日睇咗電視見到風雲2開鏡，伊健嘅聶風同城城嘅步驚雲造型的確幾型，尤其是城城嘅步驚雲更加有Ｄ而家漫畫版新造型嘅元素添，感覺唔錯！而家我反而有興趣睇睇任達華嘅絕無神同阿Sa嘅第二夢造型又係點呢！
另外睇電視見到伊健嘅聶風同城城嘅步驚雲開拖但伊健錯手用“雪飲”扑濕咗城城個頭覺得幾搞笑！

引用:

原帖由 不平凡人 於 2008-4-23 22:11 發表

呢度<---- 唔知岩唔岩你要求

好嘢，多謝晒師兄，造型真係唔錯，尤其阿Sa真係令我眼前一亮，做楚楚嘅都唔錯，幾靚女，仲連鬼义羅同鬼虎都有埋潻，但係着戰甲嗰條友究景係絕無神定鐵狂屠呢！

睇咗今期，劇情無咩好講，又係咩千秋大刼、笑三笑揾小歸扶乩通靈Call聶風出馬樁呀大日宗果，講到底原來又係架仔侵略中國，話時話，老馬玩抗日由中華英雄玩到風雲，風雲仲玩幾鑊：無神絕宮絕無神、天皇、天皇2代、隱劍流•••，老馬算把啦，睇你年年去日本過年份人都唔係話咁愛國啫，轉穚啦！

不過都要讚吓天下嘅畫面真係無出其右，今期聶風同大日宗果開拖劈刀嗰幕幾有氣勢，第二夢同大日宗果幾條𡃁開拖嘅武打設計都睇得出花過Ｄ心思！
老馬係Ｄ劇本唔得啫，試吓自己齋畫，劇本交俾Ｄ專業高手搞，我相信有機會做番起本嘢，分分鐘再創中華英雄嘅神畫都有可能！

講開又講，明明講緊劍聖，做乜無啦啦無晒影？再講開又講，藍武邪完又正正完又邪邪完再正正完再邪，今期仲話佢會係江湖度再起風雲𠻹，人又殘手又跛死極死唔去，藍兄你究景幾時先肯死！但睇嚟老馬都真係幾Likely你，相信你應該可以同風雲、無名、第二夢、劍晨、破軍、絕心哋一樣位列仙班，同本書一齊與天地齊壽長生不死！唔係，應該係長生不老不死不滅至啱！

引用:

原帖由 sayno3 於 2008-4-29 11:00 發表
風雲我看了一,二，三部，仲一直都有睇

老友，睇嚟你同我一樣食咗老馬賜嘅龍元所以要同風雲一齊不死不滅

今期天下又玩番炒，今次唔玩前世今生改玩兄弟情，唔好以為係新嘢其實又係番炒，兄弟情1.：慕應雄同無名：當年慕應雄因為唔想睇着義弟無名一沈不起，專登走去做賣國賊仲要通知佢細佬我而家年賣國喇，你好快Ｄ練好武功嚟阻止我喇，於是就迫到無名去咗劍宗學劍從而成就天劍神話！兄弟情2.：當年懷空因為唔想大佬懷滅知道自己俾佢強，所以就專登放軟手腳等佢大佬武功俾佢高，後來懷滅知道後又係借Ｄ意扮死退隱等懷空可以全無顧慮地突破武功！今次大日血海呢兩兄弟嘅劇情根本就係慕應雄同無名+懷滅同懷空嘅混合老翻！

發覺隱劍流入面都有好多人型動物噃，好似有牛、鷹、蛤、蝠、羯羊、雞、狗•••簡直數之不盡！