睇完今期拖雷後悔嗰幕，老實講，劇情描述本來就幾感人�H，但唔知點解發生响拖雷哥身上就硬係覺得佢係抵Ｑ死�H，同埋如果係資深港漫迷都會覺得呢段戲係似曾相識，無錯！呢段就係編劇响中華英雄入面照抄出嚟�H一段劇情，內容無論內容，分鏡都抄到好足，嗰段就係中華英雄入面講華劍雄同司徒莫問一戰，後來生奴為怕華劍雄受傷害於是代其出戰，由於生奴同司徒莫問之父司徒無量有師徒之名(當年司徒無量受傷被生奴救咗，佢為咗報答生奴於是教咗生奴一式無量神掌【大海無量】)，而生奴數十年來只專注於此大海無量一式，若然全力使出真係驚天動地，於是司徒無量就同生奴講叫佢咗好咁盡力只係 “係咁𠲖”俾司徒莫問响天下英雄面前過骨就算，但係司徒無量根本唔知佢個仔已練成「無量神掌第八式--日月無華」，而司徒莫問個老母就同個仔講如果要華劍雄終生難過莫過於當面擊殺生奴，就係咁生奴就用5成功力出掌但司徒莫問就用10成功力打出「無量神掌第八式--日月無華」咁就將生奴全身骨絡絞碎重創，之後華劍雄抱著慘被重創�H生奴去到地獄華陀�H藥瓐，什麼草藥全部有齊但生奴已淊於瀰留昏迷，華劍雄面對成千上萬�H草藥種類頓然不知所措，於是想起從前生奴對佢�H養育之恩同埋生奴話要佢好好學習藥理及辨別藥物但佢只係貪玩胡鬧從無上心，今次因為佢自己�H意氣之爭而同司徒莫問結怨更因佢�H不自量力害及生奴身遭橫禍，最後生奴就係迴光返照時同佢講叫佢唔好內疚，自己已不能再照顧佢，叫佢好好照顧自己，同埋唔好再同人作意氣之爭•••跟�荋N响華劍雄懷內死去，華劍雄就係咁抱�茈穸��H屍體响懷內悔疚流淚•••！
呢一幕實在太經典了，所以我話老黃抄唔緊要，抄你都抄得高啲吖唔該，你抄D咁經典�H場口但係就抄到咁足，真係有Ｄ過份！

引用:

原帖由 金屬狂人-Ⅱ 於 2007-8-6 13:10 發表
原來王罕、訶額侖要一齊先可以用咒術捉妖，咁下期韓山童的戰況就唔多樂觀，但距都去到白蓮總壇，應該都可以返去自己的真身掛，但既然去到白蓮總壇，點解距又唔返去自己真身先出嚟打十 ...

我估係正常如果用真身應戰一旦受傷就有排煩，替身應戰就多多無怕，但係家�麰措儱|捉鬼�H王罕、訶額侖就真係唔知點算

一早講咗十三翼呢鋪入侵白蓮教總壇捉蟲，果然話口未完就出晒事：札木合、哲別重傷請病假，拖雷照顧佢2個請事假，赤老温差Ｄ俾韓山童打瓜，王罕、訶額侖、百顏又俾朱元璋、日陽君、韓山童打到殘，加上白蓮教佔盡地利，仲有一個功力唔差�H劉福通除非合撒兒真係超勁，如果唔係呢次都幾大劑！

咁佢係老細吖嗎，封面上面雞乸咁大隻字「黃玉郎作品」，我覺得呢本作品�H任何贊或彈佢都係責無旁貸囉，佢响專欄內都經常話天子六係佢親生仔，咁親生仔有問題佢係咪有責任先，唔通我地先前讚�H就老黃，有問題�H就係佢Ｄ𡃁，唔係咁公平掛？

劉伯温個腦吸收晒由周朝到宋朝�H智慧精髓，咁我估佢家陣�HIQ真係300以上，朱元璋有個咁�H兄弟就真係好過中金多寶！

不過話時話，朱元璋�H成皇因素真係同好多有錢佬發蹟幾似架：出身寒微 + 一班識於微時�H兄弟 + 1、2個特別醒�H兄弟 + 娶咗個有腦有手段�H老婆(外父有錢�H仲好) + 膽色 + 時勢 = 成皇稱帝

今期太極玄棺內�H宋帝宋帝昺�H黑龍帝氣襲擊朱元璋�H紫龍帝氣，呢一幕已經引起韓山童懷疑，以韓山童�H智慧加上佢白蓮教主�H修為相信好快就睇出朱元璋身懷紫龍帝氣，兼溝埋自己唯一�H養女兼得力助手，到時唔知一心以為自己做梗皇帝�H韓山童會點對佢呢？會唔會堅持殺咗佢要自己做皇帝，又或者會全力�邟U呢位女婿上位而自己做國仗呢？

訶額侖話有辦法對付韓山童�H神遊物外大法，呢度我反而有Ｄ擔心，韓山童需然超勁，但係佢用�H始終係邪術，係邪術就會有被破法�H危機！

老黃响動漫節廣告度响晒話現場有「白蓮天女、月影姬 全接觸」搞到小弟心癢癢喺第2日專登遲Ｄ返工走去𥄫𥄫，首先聲明小弟並唔係特別咸濕(普通正常咸濕咁啦)，所以從來都唔會好似Ｄ咸友咁成日專登去展覽會𥄫Show Girl，今次專登去𥄫嘢純係慕天子六之名，老實講，經過30幾期書�H洗腦其實我成日型住白蓮天女應該係熊黛林、月影姬應該係應采兒咁�H身栽樣貌•••點知响現場一睇！鳴•••唔係嗎！揾2塊扒返來就當係，我唔係話一定要靚但都似樣D吖，樣唔似個造型都跟足D吖，嗰身裝扮真係業餘到•••唉！

引用:

原帖由 nicecatcat 於 2007-8-14 17:19 發表

原來你當日都有去到....我去到睇完之後變成咁樣===>囧

我一見到嗰兩個女主角，仲以為五豐行D友罷工所以走咗2隻出嚟扮人添！嚇得我吖！早知師兄你會去，我就約鬼埋你睇完呢個野生動物展之後一齊去“扒王之王”鋸番塊扒壓一壓驚先啦！

引用:

原帖由 Dr.Evil 於 2007-8-15 15:50 發表


我就覺得韓山童唔會太長命,而佢既家業就會俾韓林兒敗晒咁O者....

歷史命運整定

陳友諒無論喺歷史上同各種野史上所記載都係一個衰人，而朱元璋就亦都肯定會成為一個衰人(殊殺開國功臣、親手殺死一心一生扶助佢�H好友功臣，就以上表告證佢肯定係)，問題係佢�H衰，係咪正因為佢係成皇之路上而為勢所迫而成，我覺得佢變壞�H過程反而會幾吸引！

不過話時話，做得開國皇帝都無乜邊過唔係變壞咗！

真係全中，雖然我都覺得天子六係幾好睇，但係而家先講到白蓮篇，仲有明教嗰筆，家下30幾期書已經差唔多擺滿一層書架，如果捱到朱元璋成皇稱帝，相信我整個書架都已幾“淪陷”咗！

好嘢，小弟呢個地盤終於突破「10」版，多謝各位兄弟支持！

黑冠摩尼變人狼其實幾有創意幾好睇架，不過個場境就好似參考西片狙魔人�H，狙魔人入面有一幕係講個女主角個細佬變咗人狼跟�虒麙V逃走，全個鏡頭差不多一樣！

今期真係幾好睇，死人劉福通平時都衰衰格格，估唔到連必殺技設定都零舍搞鬼，「接龍勝天道」，仲要一路打一路叫好似玩超級無敵掌門人咁，頂癮！遲�麰曭噸|唔會再創出「十五二十通通拳」呀「財財勝天拳」咁就大過癮囉！

引用:

原帖由 龍戈兒 於 2007-9-15 17:44 發表
薄紗版月影姬,好性感啊!

好彩送外賣嘅係潮華版月影姬啫，唔知朱元璋如果睇到今期老黃週記入面嗰張天女VS月影姬真人相，會唔會後悔自已唔記得鎖好門瞓覺搞到被吉列版月影姬豬鏈球菌入侵呢！

我估計韓山童真係好可能响呢篇《黃河起義篇》收檔，1來係因為歷史注定，2來係因為佢只係得番2次神遊物外，相信佢嘅最後一次可能會上個女"琳兒"身上，响"琳兒"嘅腦海內喚醒佢癱瘓多年元神，並响"琳兒"腦海內同佢未嘗一親嘅女兒道別，跟着佢自己就魂飛魄散，之後"琳兒"就响劉福通扶助下以韓山童上身嘅身份繼續佢嘅遺願！

引用:

原帖由 金屬狂人-Ⅱ 於 2007-9-23 12:20 發表

又真係唔錯的封面，兩個索女互相對望

其實朱元璋 & 月影姫果幕『床上戲』都幾好睇，距地各自心有所屬，但因為趣味在於寒月武的魂魄喺朱元璋度，月影姫想再回億同寒月武一 ...

講真我覺得天子六描寫嘅感情戲有時真係幾到架，好似今期月影姬 “夜襲”朱元璋咁，而天女對朱元璋嘅思念，幾好睇！今期結尾嗰個肯定係張無忌扮軍啦，但係佢額頭嗰塊 “白元軟性冰墊” 就好肉酸，韓山童真係超勁超型，真係唁想佢咁快玩完(不過話時話，老黃會唔會喺幫天子六嘅白蓮教埋單時留條伏線伸延到龍虎門嘅東方家族白蓮教呢)！下期封面構圖真係幾正又幾應節，如果出嚟真係畫得靚嘅話我肯定用嚟做電腦Wallpaper！

今期真係幾頂癮，搞鬼得嚟又應節又有歷史可據，劉福通條友仔居然搞個雙黃白蓮蓉出來，最攞命係佢位夫人讚佢呢個發明會流芳百世，條友個樣得戚到吖。居然有莫聲谷出場呢舖真係估佢唔到，咁張翠山咪就快出場！我估君有好大可能係張三豐，如果係咁又一鑊估佢唔到！今期有一幕其實幾搞嘢，就係朱元璋話佢食過一種月糕，點知天女立即串佢係咪响月宗食過，肯定好好味啦，朱元璋即刻無癮笠晒水，呢幾吓反應直接，盡顯天女嘅大婆氣勢又睇到朱元璋做出咗一般男人俾老婆串完無嘢講嘅反應，過癮！

朱元璋大契天女終於同細契月影姬開拖，精彩！日陽君我估佢唔會咁快瓜住，不過好似上面位兄弟咁講法，以佢老人家嘅性格真係出事係遲早嘅事！白衣世尊條粉腸真係好陰毒，放長雙眼睇佢點仆街(雖然日陽君條老鬼又真係串到離晒譜)！不過講開又講，我覺得黑冠摩尼真係一個幾可憐嘅老人家，佢本身唔係好似日陽君條友仔咁鍾意爭，成世人就係守住月宗，真心為反元大事為己任，點知畢生栽培嘅唯一希望寒月武又死鬼埋，朱元璋又唔聽佢支笛(其實佢係由衷信服朱元璋架，唔似得白衣世尊咁仆街)，焗住自己上，結果搞到家下人唔似人鬼唔似鬼，希望老黃手下留情俾佢復原安享晚年啦！

呢次王罕同柯額倫捉朱元璋 “逼功”，硬係覺得呢兩隻老鬼會偷雞唔到蝕把米，朱元璋一身日月二宗武功唔係話偷學就學得到，但反而呢兩隻老鬼一身明神寶鑑功力就係現成嘅，我估會唔會係佢兩個逼朱元璋傳功時反而因為朱元璋嘅正宗明教武功而一身明神寶鑑功力好似搭通咗條渠咁而無端端一身功力自動過戶咗過去老朱度，直接令佢名正言順成為明教教主同擠身超級高手之列，咁就好玩咯！

引用:

原帖由 金屬狂人-Ⅱ 於 2007-10-9 23:38 發表

應該識掛...
多得金庸筆下的喬峰 & 洪七公太深入民心，降龍18掌同丐幫基本上都已經不可分割...

咁就死嘞，降龍十八掌呢套絕學如果响家下嘅丐幫度出現就真係破壞晒呢門守正辟邪絕學嘅型像咯

引用:

原帖由 不平凡人 於 2007-10-10 13:28 發表

到時應該會改名...叫降虫十八掌....降唔到龍..咪降下D虫囉~

外話一句，請問師兄係咪做廣告或市場推廣有關嘅工作架？