日、月兩宗嘅老人家都係臨老先瀨嘢，真係可憐！

睇完今期天女以皇后身份質問朱元璋點解屠殺功臣，甚至劉伯温都唔放過，奇怪嘅係佢如果有心想勸個老公放過劉伯温，點解會係人都死咗之後先行出嚟呢！

引用:

原帖由 冰河 於 2007-10-28 23:50 發表

還陽�鬫n耐啦！神掌傳人你都唔識？

咁猛，果然係

我一直都覺得明神武典係一門幾深奧超勁嘅絕學，但而家越來越多人識，感覺好似又無勁囉！

期實洪武嘅裝作唔算得好精細，但就真係好肯試新嘢，好睇就好在呢點，好似佢早輪每次內頁版面首次用上日本浮世繪式畫風、白衣世尊陰完曰陽君後同班手下食飯嗰 Part 就用上類似黑白板畫嘅畫風、同埋全本書都無用個一句旁白而係全部由角色自己講出對白同內心感受，呢樣嘢我覺得好正！

支樂器應該係百顏送俾拉琪作為道別紀念，拉琪係隨身帶着，但係俾常遇春打傷及救走咗之後就留低响現場，於是就俾脫脫執咗！

丐幫幫主洪大龍，丐幫幫主--姓洪，咁佢會唔會識丐幫招牌絕學"降龍十八掌"、"打狗棒法"呢，如果識就好睇咯！

近排覺得韓山童唔只勁，簡直係型得可以，希望佢可以型耐Ｄ啦！

係噃，忘記咗有天劍呢樣嘢潻

黑冠摩尼所謂神功大成，可以自由變人狼好似好勁，但係由呢種神功大成而變嘅人狼啱啱先响波斯明教總壇俾白衣世尊個仔一次過打瓜咗成4、5件，應該係造型勁過實戰嗰隻，王罕兩公婆我估未必會報到着，事關佢先前响月影姬元神身上做咗手腳嗰part都未交代！

黑冠老頭居然走去殺呀韓山童，我就真係唔係咁睇好嘞，黑冠變人狼呢下嘢嚇吓人就得，講到實戰就真係唔係咁睇好，當日白衣世尊個仔响明教總壇單拖都生劏幾隻啦，我估韓山童差唔過白衣個仔掛，人哋1個打6個都綽綽有餘，童哥1對1都搞唔掂？唔可能掛！

老朱話感覺到寒月武條咸魚完好無缺，咁睇嚟老朱可能有機會擺脫寒月武隻鬼，話唔埋寒月武仲會有機會還陽！

睇今期呀小童陳友諒真係好有可能好似上面位老友咁講，可能真係呀宋帝昺嚟噃！

我相信哲別嘅惨烈將會係白衣世尊身上重現，施刑者，殺人從不手軟嘅明太祖朱元璋，非常期待！

軍咁嘅實力都居然只係發揮咗3成功力，咁今曰嘅張君寶就真係變咗超人，張君寶出場真係勁+型，就我真係唔係好接受到佢用D爛木變成戰甲呢Part，太神化喇，需然話一個人可以隨意變大人、小孩同有神級力量就已經神化，但係呢D我接受到！

需然話劉伯温已通知韓山童避開黑冠人狼，但今日嘅黑冠已經當咗自己係天下無敵，如果佢到咗白蓮教我諗佢如果見唔到韓山童我肯定佢會大開殺戒迫韓山童現身，唔知會唔會被韓山童打到佢"還原"呢！不過我估黑冠最後可能死响鐵木真手上，事關劉伯温個夢入面係由鐵木真一手抓實黑冠人狼個頭！另外"通通"都好耐無蒲頭咯！

引用:

原帖由 元朗躉 於 2008-1-5 05:18 發表


睇o黎就唔似啦~
百顏講到明係話未諗過用計o係陳友諒講o個個人身上
但扮得朱元璋，都應該係用反間計o個類，百顏又好似冇乜可能豬到以前諗都冇諗過呀~
所以都應該係d估唔到o既人=.=分分鐘係扮天女=.=

今期 ...

扮天女如果係真嘅話我真係想知朱元璋幾時會知，事關佢地响歷史上肯定會洞房，我諗如果真係咁發展呀百顏點應付呢個明朝史上歷史上最重要嘅一晚

引用:

原帖由 不平凡人 於 2008-1-5 12:21 發表

ME TOO

ME THREE

引用:

原帖由 不平凡人 於 2008-1-5 19:50 發表
今期哲別死...O個版好有FEEL...好似<鐵拳浪子> LAST O個版咁...心都實一實...........

哲別嘅死法同表現手法真係會令人好難忘，心都實埋，永別了，真正嘅箭神

引用:

原帖由 元朗躉 於 2008-1-7 23:48 發表


所以點解朱元璋稱帝後變惡魔~
就係因為洞房o個晚受o左太大o既刺激~
本身佢接受唔到格劍，但偏偏又迷戀天女(百顏)o既肉體
所以就陷入愛恨交戰o既境地
最後就逼到瘋了、入魔，所以先有之後大誅群臣呢幕戲=.=

原來係咁，咁百顏咪可以體驗真龍天劍同天子劍法嘅獨到之處

我覺得朱元璋今次可能會因禍得福，可能1. 因為烈火而燒出條唔知咩生路，跟着發現曰宗秘密而得練蓋世絕技！2. 因為烈火燒而直接因禍得福功力大進"飛"出去！

張君寶雖然換咗嗰套爛木戰甲，但個新造型都唔係咁順眼，尤其個髮型嗰堂蔭....

以今期嘅畫法2、3個跨版，拼招時仲一版得2格，潮華版都仲OK，如果係薄裝我諗俾人小到趴响度！

下期精彩：假禽獸大戰真禽戰(由人扮嘅狼【黑冠摩尼】大戰由狼狗扮嘅人【白衣世尊】)，仲有完美女優月影姬親身示範咩叫靚，唔該果D 玩 Cosplay 嘅單位人士睇完個封面之後再自己照下鏡，咪再玩啦！講番今期，如小弟之前所估計，老朱果然因為烈火狂燒而直接因禍得福功力大進"飛"出去，仲燒到變咗條紫龍添！張君寶同韓山童大戰簡直可以用超人嚟型容，加上鐵木真同世尊之子哋，距超人、蜘蛛俠、神奇四俠哋力量應該相差無幾！

現在我最有興趣知道陳有諒究竟係咩料！