引用:

原帖由 元朗躉 於 2008-1-22 02:28 發表


話唔定陳友諒就係人造人=.=
o個班面具佬成日都話「皇」係佢地造就的~

而宋帝昺，係由50個童魂mix出o黎的
其實亦都係人造人=.=

只不過一個係人造人16號，一個係人造人17號=.=

其實諗起都毛管楝，究景當佢係體內精神分裂成50個人定係俾50隻鬼上咗身呢

今期老朱大契細契聯手都唔夠真禽獸鬥，好彩假禽獸啱啱趕到，但我反而希望黑冠老狼唔夠抽，留番白衣真禽俾老朱嚟冰鮮紅燒咁就爽囉，我估通通下期可能會出事，可能係佢Ｄ老婆出事！不過話時話點解洪大龍同劉佰温明明追着白衣真禽隻船，又話嚟救人又盛，做乜追咗幾期都仲未浦頭嘅，沉咗船呀大佬！

韓山童真係一個智、謀、勇、武嘅強者，再加上佢用情專一至情至聖嘅性格，呢個 Seting 真係世間女性夢寐以求，男性敬仰模仿嘅對像，如果家有個白蓮教我諗我都會去追隨韓山童，童哥我撐你呀，你咪咁早玩完呀，就算死你都要死得有型Ｄ呀！

無呀！買唔到特別版呀，淨係買到普通潮華版咋，不過今期都幾好睇，呀通通嘅有情有義寧硬食摩尼三嘢嚟誓死護妻，到摩尼心軟放佢一馬呢part幾有戲味，相反白衣真禽就真係越睇越乞人憎，最驚人嘅係洪大龍居然係一早識得風鷹，睇洪大龍嘅反應好可能同風鷹係有好大仇口咁喎，洪大龍前半生都玩世不恭，一個响中原煙花地蒲開、一個鍾意响關外自由自在咁畫下畫，兩個完全九唔搭八嘅人其實真係諗唔通點會結怨，唔會係爭女呀！

祝各位師兄鼠年：龍馬精神、心想事成、身體健康

呢次上網應該係小弟响豬年最後一次，先係呢道同大家拜個年：祝各位師兄同全球洪武讀者鼠年：龍馬精神、心想事成、身體健康、財源廣進，威水過朱元璋、醒目過劉佰温、有型過韓山童，好似通通咁成世好命溝返幾個女朋友(要有月影姬、天女級數嘅，但千祈千祈唔好手痕玩影相呀！)，恭喜恭喜！

有單搞笑嘢，話說小弟老婆都係天子六Fans仲係勁buy童哥(韓山童)，上個月佢同我講情人節想去韓國睇雪，但我真係無假期，昨晚情人節我學韓山童咁同佢走去我屋企個天台扮晒童哥咁講：您曾經想去睇雪，但我無假期，今晚我總算有能力嘞，您睇！跟着响個袋度攞枝"噴雪"出嚟噴俾佢睇，點知佢笑完一輪之後仲串我無聊，同一時間管理處走上嚟話我 D 噴雪整汚糟樓下人哋 D 衫，嚇到我走都走唔切！童哥，我以後唔敢嘞！

一個用龍爪手嘅高手居然咁就跛咗隻手，以後仲點出嚟蒲，唔通要學楊過咁練銷魂掌？同埋佢咁咸濕小咗隻手玩小好多嘢噃

應該ｏＫ嘅但唔知點解响玉郎書系好小出廣告

昨晚响屋企執舊書，執到天子神掌第一期同天子神掌响龍虎門嘅廣告，大家都知喇，玉郎週記即係等如 ‘玉郎宣傳易”，佢响‘玉郎宣傳易”講過原來佢响初初設定「天子神掌龍戈兒」嘅時候係想用陳冠希嚟做藍本，連出街廣告龍戈兒個樣都畫到同陳冠希一模一樣(笑起嚟歪咀嘅)，後來知道讀者大力反對話明咁畫法就Cut書佢先改變設定唔用陳冠希咋！

天子六睇到而家終於有嘢要彈吓：1. 潮華版嘅優點需然很多，但缺點係版面太細，如果封面係用一兩個人物做重點就無乜問題，但係一但涉及多人或大場面則好難做出磅礡浩瀚嘅氣勢！2. 最近Ｄ畫工好似差咗好多，畫面無以前咁靚！3. 之前“韓林兒”(男)變成“韓琳兒”(女)，感覺幾破格同驚喜，但今次“張翠山” (男)變成“張翠珊”(女)就感覺好重複，明顯係為驚喜而驚喜，個人唔係咁buy！3. 劇情講武當七俠當時已名動江湖，如果係咁，武當七俠嘅“張五俠”係女人照計應該全武林都知，常遇春响江湖行走多年無理由唔知掛？再講，嘅然明知 “張五俠”係女人點解莫聲谷之前要叫佢做五師兄呢？唔通“張翠珊”認為佢只要女扮男裝再加上要佢Ｄ師弟叫佢做師兄佢就真係變咗男人，武當七俠喎，唔怕俾整個江湖武林恥笑呀？

今期睇嚟，畫功依然未有回昇，畫面依舊粗疏，老黃、寶哥、德哥，俾Ｄ心機搞好Ｄ啦，唔好以為本書版面細就唔使畫得咁精細，你有無心機做我地睇到架！

講返劇情，今期拉琪坦蕩蕩咁行出嚟，仲要响守齋道士嘅武當山，唔知班道士會唔會打爛齋鉢囉囉攣，常遇春見到自己條女光禿禿咁行出來仲要俾莫聲谷𥄫晒唔知會有乜返應呢！童哥依然係童哥表現依然係天子六No.1 大佬，強者即係強者，佢同白衣狗賊同場較技就更加突出佢嘅"強"同白衣嘅"狗"！

睇王罕兩公婆今期嘅表現我諗呢場白鹿大戰可能會死一件，因為照一般情况如果個角色無啦啦講Ｄ咁嘅嘢，肯定有事發生。照睇下期白衣狗賊嘅報應終於到嘞，出賣日陽君、殘殺哲別同陰呀老朱幾乎BBQ呢幾鑊嘢加埋，今呢俾武功大進嘅老朱碰到，我估佢會死得好惨，事關玩陽勁老朱已達純陽境界，相信老朱將佢煎皮拆骨嘅一幕將會發生！

引用:

原帖由 iamkennyger 於 2008-3-17 23:11 發表

可能係最老土果隻，兩個齊齊死，臨死就爬向對方，手拉手咁斷氣

真係齊齊攞飯盒，但死法係"串燒"，估就估佢2條老嘢死硬，但就估唔到快成咁！但話時話佢哋死鬼咗咁响月影姬身上留咗條施法控魂嘅伏線咪不了了之！

老朱嘅純陽乜唔係先天嘅咩，點會用盡架

不過話時話，今期Ｄ畫好似又靚番Ｄ，不過同早期仲差好遠！

編劇編到寒月武死唔斷氣响朱元璋度，又話朱元璋感應到寒月武條屍未腐，仲要畫理出嚟世尊之子帶埋佢條屍去到波斯明教度急凍咗，點知今期一嘢就話俾月影姬劈散咗，好似兒戲咗Ｄ喎，話時話；乜鬼可以劈得散嘅咩！

引用:

原帖由 不平凡人 於 2008-4-16 00:00 發表

做彊屍...先捉左月影姬..比o個個波斯教主<享用>.....之後再屍姦月影姬....仲攪到姬姬有左.....

吓！咁激，又幾有創意噃！

引用:

原帖由 iamkennyger 於 2008-4-21 23:42 發表

藍玉，安徽定遠人，常遇春妻弟，明朝開國名將。明初「藍玉案」的主角。


生平
據《明史》記載，藍玉早年隸屬於常遇春的麾下，因「臨戰勇敢，所向多捷」，所以常遇春數次在朱元璋面前稱讚藍玉，後來自「管 ...

師兄果然利害！佩服佩服！

引用:

原帖由 不平凡人 於 2008-4-21 15:17 發表

O個陣玩輕功...比我感覺係用建築物黎飛...
E次...一個遠鏡....佢地2個一個直角飛左去....

今次呢個遠鏡，我覺得佢２個真係識飛架！鐵木真仲一拳拆咗個小鎮，呢個表現我只係見個一個漫畫人物有過，就係"小雲"不過佢２個都就快攞飯盒，如果唔係以佢２個嘅級數我諗本嘢嘅武功定位真係唔知點算

睇咗今期我先知乜原來陳友諒係夢游緊，唔係嗎！夢游行到咁遠仲識同人打招呼"嗨"噃，好嘢！
另外睇嚟老朱真係幾緊張孝順呀日陽君，唔錯！不過柯額侖同王罕明明俾韓山童一記冰刀串燒穿身重傷，論傷勢應該透體而過成身血，但點解２人身上衣衫完整一Ｄ傷痕都無仲要連血都無嘅，唔係識邪術大晒呀！

我估 Posts 嚟啫，事關童哥須然識劍法但好似唔係好耍家，兼且對手係鐵木真咁嘅級數，佢手上嗰把又唔天劍、雷刀、金龍奪、佛兵等，普通兵器一定化灰！

請問"覆雨覆雲"係乜嘢嚟？漫畫定小說？

哦！多謝指教！多謝指教！

百顏真係扮皇帝嘅話就真係俾大家估中晒，醒！
呢幾期Ｄ畫真係又靚番，老黃、大帝寶 Keep 住呀！