今期終於開估，伊賀派俾黑龍戴着個頭盔果然有機關，難怪可以俾石黑龍D手腳完全唔使帶手扣啦！

來一個孖寶版小回顧吖，前年：邪神大戰走火入魔後嘅劍妖，黑級中階約 50 招外將劍妖打殘，幾好睇！！舊年孖寶版奇謀、妙計：東方無敵現真身天子峰上大戰 2 個假邪神；老邪同烈陽神，東方無敵君臨天下嘅氣勢同力戰 2 大高手都好精彩！今年孖寶版：畫面靚咗，但小虎剎隻半獸天妖打咗半期、飛仙同刀仙大戰又打到吊喉唔吊肺、群英踩伊賀場又青蜓點水咁輕輕帶過，個人覺得今期嘅孖寶版無乜重心，唯一驚喜係慕容玉兒正式喺龍虎門登場，黑龍又做改造人而可能突破功力！

引用:

原帖由 喜歡足球 於 2008-2-5 00:00 發表


上年係「義氣當兒戲」,主要講白骨獨闖水上市場.

記性差，多謝指正

引用:

原帖由 Gunners 於 2008-2-6 12:55 發表



05年孖寶版: 小龍九陰七章初成獨戰黑心老叟

06年孖寶版: 聖上大戰兩個邪神

07年孖寶版: 白骨獨闖水上市場.

08年孖寶版: 小虎打半獸天妖、飛仙同刀仙大戰

咁快就過左幾年.....都係06年孖寶版最好 ...

多謝師兄指正，小弟都非常鍾意06年孖寶版，打得精彩加上2期合拼劇情一氣呵成，的確係好好睇

呢次上網應該係小弟响豬年最後一次:wave:，先係呢道同大家拜個年:bow:：祝各位師兄同全球龍記讀者鼠年：龍馬精神、心想事成、身體健康、財源廣進:clap:，好火過王小虎、型仔過王小龍、硬淨過石黑龍同埋溝返個玉兒級數嘅女朋友:loveeyes:，恭喜恭喜:clap:！

嗰套龍虎門好好睇呀如果當笑片咁睇嘅話，播佢之前幾晚電視不停咁播周星馳，但都感覺上唔夠龍虎門咁好笑，個人感覺必睇笑位：1. 王小龍全片所向無敵壓倒性做低火雲邪神！2. 火雲邪神個造型真係攞你命，個面具真係用慢鏡都睇唔到究景係點！

引用:

原帖由 a1771550 於 2008-2-14 00:52 發表


但係佢套"殺破狼"又真係打得好激喎!! 小弟睇左兩次，仲有興趣睇第三次添!! 尤其佢同吳京同洪金寶對打呢兩幕，好有格鬥feel!!

"殺破狼"好睇，但係小弟仲有心水介紹，就係"甄子丹"嘅"導火線"，佢同釋武尊、鄒世龍打嗰幾場真係勁過龍虎門(漫畫噃)，心水推介，好睇過電龍多多聲，師兄不妨揾嚟睇睇

引用:

原帖由 亞佳佳 於 2008-2-13 14:39 發表


唔係ok左!係比人ko左~

個邪神成個特攝片既奸角,等小虎佢地變身打.........

點止呀，我直頭覺得邪神個造型令我揾返當年睇陳年經典片"殭屍先生"入面隻殭屍嘅感覺呀，仲有做邪神條友又矮又手短腳短，個把頭髮又好似俾雷劈過咁，嗰件披風好似件乞衣咁，真係頂

今期黑龍果然真係因禍得福，俾雷震子電到佢本來唔通嘅第八關經脈一嘢通，為佢步進第九關揭開序幕，揭開序幕好似唔止係佢嘅武功，仲有佢嘅愛情都好似有着落，今期佢考遇伊賀愛仲真係有「觸電」感覺！
黑龍同小龍都不約而同同邪神爭女，一個練金童玉女練到心靈相通、一個被雷震子電到觸晒電，人哋堂堂第一奸角居然無啖好食，如果跟着落去又好似電龍咁發展連羅剎女都俾小龍嗒埋，咁真係唔剷起你龍虎門都對唔着祖先呀！

引用:

原帖由 喜歡足球 於 2008-2-14 14:24 發表


又會咁0岩,我噚晚先係ppstream重看導火線,打得超勁!

但有樣野都幾諷刺,葉偉信同甄子丹合作三套電影-「殺破狼」,「導火線」,「電龍」,口碑最差是「電龍」,但偏偏票房收入,影碟收入佢最高

係呀，“導火線”真係超好睇，但無電龍嘅號召力，老實講我一睇到謝霆鋒做王小虎就已經唔想睇，電龍我只係睇DVD仲係分2次先睇完，因為真係拍到九唔答八！

引用:

原帖由 a1771550 於 2008-2-14 23:24 發表


哦! 咁勁??? 真係唔睇就對唔住自己咯!! 多謝Sammy兄推介!!! (但希望台北呢度搵得到租黎睇...)

揾唔到嘅話Send個E-mail俾我寄隻俾你又點話！

引用:

原帖由 休谷客 於 2008-2-21 19:57 發表


或者月仙兒會乘虛而入呢??

我估小虎唔夠譫，小靈係龍虎門集團嘅董事長嚟架

星宿老仙真係底Q佢死，老細(邪神)叫佢去幫手𡁻刀仙，條友癲到想𡁻埋飛仙，終於搞到雙仙聯手打殘咗佢，家吓盲咗一隻眼仲跛咗一隻腳，佢嗰Ｄ咩騰吓騰吓嘅身法我諗收皮都得啦！不過話時話，邪神係咪睇死老仙嘅性格知佢一定會搞破壞，所以先派個老鬼去搞局犧牲老仙使得飛仙同刀仙破冰聯手嚟統戰埋甲賀呢！

刀仙武功我反而唔係咁擔心，事關白骨承相同佢嘅甲賀七殘已經臨床証明响高科技之下，跛---唔係大問題嚟嘅！

黑龍呢期真係行正大運，响伊賀又食又拎，玩震蛋玩到差Ｄ上第九關，仲順手溝埋伊賀鎮山之寶“伊賀愛”，呀！唔係，應該係“伊賀愛”溝佢先啱，又有老邪神照著送客送到出門口，你就好啦！但係點解佢知道“伊賀愛”係邪神未婚妻之後會有咁嘅反應嘅，佢同邪神又唔係好Friend，使乜怕邪神誤會，慢吓手“伊賀愛”跟咗佢返龍虎門我諗飛仙可能仲要揾隊上忍去保護佢添！

話時話，黑龍隻震旦咁好玩，佢返去之後唔知又會唔會介紹亞柴玩等佢都可以練成义電版第九關呢！如果俾金羅漢知道實激Ｑ死佢，當日佢練到要閉關幾耐先上到第九關，但原來金鐘罩係有义電速成嘅(仲係快义)，仲唔激Ｑ死佢！

引用:

原帖由 喜歡足球 於 2008-2-29 16:11 發表



但係黑龍話頭，隻震旦有利有害，我諗升關未必會好輕鬆．

咁又係，未升到關先要電到仆街，慢吓手電Ｑ死咗就大鑊，不如放風俾金羅漢等佢為咗上11關自己電Ｑ死

引用:

原帖由 Mika 於 2008-3-1 16:18 發表


叫金仔用插蘇電屎忽可能即上十二關!!  

佢前世個罩門就係响隻 C 眼度，所以我估老金係唔可以用"探肛" 嚟义電挂

不過黑龍真係可算得上因禍得福嘅代表人物，幾乎每次落難都有得着：1. 第一次俾鱷太歲嘅金鐘罩打到死咗 9 成，點知居然因此速成金鐘罩入門踏上高手之路！2. 俾老邪神捉咗但就同老邪神 Friend 咗，仲學理刻骨七擊同催心錐！3. 落難泰國通天教又認番個失散多年嘅老豆仲同通天教四太子 Friend 過打 Band 潻！4. 今次落難伊賀居然俾人用私刑電到佢死而復生仲"通經活血"為上第九關而鋪咗路，仲溝埋人地個太子女邪神個未婚妻！老邪仲送到出門口，簡直好運過韋小寶！

應該整返本外傳書名叫做﹕落難福星--石黑龍

今期睇密宗活佛個勢我都覺得佢唔係頂班馬，個人估計應該唔夠金如來抽但同金羅漢比就可能差唔多，但真係打起上我都覺得金羅漢會驘，至於嗰個龍尊者非常強烈感覺佢應該都係蜂王、霹靂火之流！

老邪神用吸星大法復功相信係必然嘅事，佢老人家功成之日我反而覺得第一個俾佢祭旗嘅好有可能係星宿老仙，事關老仙半生吸埋人哋咁多功力正所謂藏量豐富，而且佢又盲又跛，星宿派又已經死得八八九九，仲要係最就手，所以我估老仙都係係咁大！

我覺得好可能係因為王小龍傳劇情係單線發展其實去穚係比較快嘅，但係龍記多線發展去穚肯定會慢，加上老黃一貫嘅拖穚性格，但係2本嘢偏偏又要銜接，所以已經出現同一時空王小龍傳死人或者咩嘢但龍記嘅劇情又跟唔上，無辦法唔變成雙週等埋佢啦！

睇咗咁期老邪嘅表現，需然佢功力大不如前，但氣派都依然好堅吓，成個型像塑做到佢樣樣都好運籌帷幄，對着下屬或反派對頭時實在係型，但一對住龍虎門就成日都食炸糊，蓋世堡大戰結果成班隱世高手俾人打殘兼連人質都救走埋、擂台大戰時話揾聖火門同星宿派幫龍虎門做忌結果全軍覆沒，今次又係好有信心咁話已經叫活佛三師徒送班友上西天，咪俾我睇死佢又俾龍虎門班友打到佢地得番一個活佛半條命番去！

呢次刀仙真係頭痕，俾洪東一個照面話明破咗佢嘅絕招，仲睇出佢想殺自己嘅意圖，真係打又唔係唔打又唔係！不過話時話，我覺得真弓會同龍虎門班友搭上，但係家陣小龍已經有著落，黑龍又好似同伊賀愛，真弓讚過嘅青天又化咗灰嘞，咁佢究竟情歸何處呢！