淡左 ...

樓主上一段所指o既感情變淡
其實都不過係一個令自己好過o既藉口
因為好快o係下一段你已經講出所謂變淡o既原因
咁我又想問一句
如果無果個女仔o既出現
係唔係感情就唔會變淡?
我諗你自己最需要搞清楚
究竟自己仲有幾愛你o既女友
又或者當覺得感情穩定後
同女友一齊果份感覺已經滿足唔到你?
其實我認為感覺係自己o既
係唔係一個網上o既陌生人比o既主觀意見
就可以影響到你同你女友o既關係?
又抑或根本你自己已經有個決定
只係想要一份認同o黎等自己o既良心好過d?而家先講傷害呢兩個字
好似係唔係已經遲o左?
當你對另一個女子動心o既時候
o係果一刻有無諗過你女友知道後o既感受?
既然傷害已經係成為必然
亦唔好再用"傷害"作為另一個藉口
我諗如果你心儀果位女士接受o左你o既話
唔知你又會唔會唔忍心傷害你現今o既女友?

如果真係唔想再傷害女友o既話
一就係專心一意咁對佢
唔好再對外面o既世界有遐想
再唔係就趁早還她一個自由
長痛倒不如短痛

以上為個人意見，多有得罪!