引用:
原帖由 天子門生 於 2006-9-17 06:22 發表
乜比人呃o既一定係女人咩
我就話唔一定係囉
就好似我咁,我夠成日比妳呃啦
但係妳咪一樣會成日話我好男人
咁妳係咪自相矛盾啦呀女人
不過講開人女人真係好笑
而家有d女人真係真 ...
你成日都話我唔係人黎架啦
所以又點會係最好o既女人喎
有時我都覺得我唔係呢個時代o既人o黎o架
因為而家d女人諗既野我都唔識得咁去諗既
我覺得嫁人好似唔係為o左要尋求更好o既生活喎
乜唔係為o左想同一個自己鍾意o既人一齊咁簡單咋咩
講真而家o既社會男女都有經濟能力o架喇
我就唔信嫁個收入少o左自己o既有咩問題
係咪咁樣會生活唔到先?
如果下下要搵個經濟比自己好o既人先係ok
咁我會覺得男人係咪都要一樣咁諗先o岩呢呵
所以話呢
如果係本住咁o既心態搵
合伙人o既話
就好似合作做生意一樣
呢d就唔係叫做感情而係叫做買賣交易囉
我一向唔識做呢d生意o架
我剩係知道只要自己真心對人
凡事以對方為先
咁好自然對方就會一樣咁對番自己
男人唔係無本心o既人o黎o既
甚至乎我會覺得比起女人更要有情有義
女人反面無情起o黎其實真係好恐怖o架
現今社會都好多呢d女人
所以好多時我會戥d男人悲哀
男人雖然因天性關係係會花心d
但係都一樣要人錫要人"乙水"
但係而家o既社會風氣就好似男人下下要對女人遷就先算係好男人
d女人唔肯去花心思"乙水"下男人個喎
o係咁樣o既情形之下
d男人唯有要用錢去果d地方買番d虛情假意番o黎囉
雖然明知係假
但係都好過係無o丫