嗨﹐各位前輩大家好﹐小弟想響呢道同大家分享本人對新著既睇法﹐請多多指教。

我吾反對圍毆﹐點解哩?圍毆人點都好過比人圍毆﹐玩單脫真係冇麼好下場﹐老妖同阿蛟爺就係好例子。群英們雖然個個武功高強﹐但除非遇到滴敵人都有好似四龍同藍浪個品﹐吾好彩撞到蚩尤甘大隻﹐心思慎密﹐老練圓滑肩戰意無窮既人﹐分分鐘骨都冇得剩。因此﹐圍毆對我黎講可以接受。

小虎內力方面雖然唔係最高﹐但佢對龍虎門既實質貢獻依然係三皇裡面最標清既一個。死響佢腳下既超級高手(易經藍級﹐七陽以上)就有王海蛟﹐玄災﹐玄劫同埋暴君龍。小龍就爭滴﹐以七彩幻蛛同瘋狂居次。黑龍最唔掂﹐以紫衣蛛後居末。就以貢獻而論﹐身居三皇之首也是當之無愧的。

但有一點我唔明既就係點解當日憑降龍伏虎氣就能與稍遜雙妖半籌的爪王拼成平手﹐戰玄災﹐玄劫同埋暴君龍卻以低級數的九陽神功應戰呢?以家就算真既練上第七陽﹐也無進步可言﹐除非上到第八陽。

嗨﹐祝各位朋友﹐聖誕快樂!

週五兄所言小弟都時有所感﹐但﹐如果本書個劇本真係照足常理黎寫﹐蓋世堡一役龍虎群英除左黑龍外就應該化晒灰個啦﹐仲邊有今日甘既光景哩。小虎雖則平時運氣好﹐多死雞執﹐但身為組織辦事人﹐能放下身段務實地帶頭圍毆滴孤身落難的對手﹐都算係甘話個啦。君不見X良本飛天入邊個X男次次以麼武學智慧去打敗滴實戰經驗同力量都高過自己幾級既高手咪仲趷人憎。此外﹐正如我所講﹐小虎既功力從鋤爆王海蛟之後其實都冇增強過﹐都好陰公過啦。

吾﹐lcy兄講得口岩﹐前兩期小虎件衫確係顏色出左問題﹐照我睇法可能係身為辦事人的佢見條青見出左事﹐但又唔好意思企得太遠﹐所以件衫就唔覺意咁燒爛左。然之後哩﹐就匆匆咁用雷電身法閃返房咁換左件顏色搶眼滴既衫又飛返現場﹐另外哩﹐由于擔心下一拜可能會被卑凍親﹐咁就披多件婁響身啦!最關鍵既地方就係全文都未題過阿風雷捱左几耐。

嘩﹐風兄同劉兄對三皇既了解真係令我慚愧萬分﹐下次冇做足功課真係唔好亂呃﹐免得減低左本論壇既公信力。
跟住哩﹐本書應該就會話三皇聯手去救四龍﹐進而同星宿派交手。呢一拜處境最不利既應該係小虎﹐希望佢有帶辟邪劍啦﹐唔係既話﹐同班毒物赤手空拳咁硬碰﹐認真蝕底。最衰就係個老天尊X叻啦﹐同白骨翻左面﹐唔係吩咐阿刀棍雙痴帶齊架生同三黃並肩作戰﹐將六王對手腳紛紛切扺掃跛﹐到時就大快人心咯。

球哥讲得有理,我都认为小虎係濑野机会最高o既一个,冇办法啦,上拜阿棍妖摆擂台赛阵佢o岩好过左韩国.冇机会目睹风雷o既惨况,如果呢拜佢大佬忘记提佢,佢一身功力就真係冻过冰啦.希望佢见到班兄弟操家伙阵会醒少少.

顺便一提,唔知大家有冇发觉蜂王除左对手之外,o个背脊仲有吸功o既功能哩?对到呢个不孝子希望三皇千祈就唔好出天龙锁话则係追魂十五滚滴招数.

引用:

原帖由 喜歡足球 於 2006-12-28 03:38 PM 發表


原來走左去保護女眷,呢d小事,老鷹做都得啦!
起碼都要俾吓韋仔出下鏡0架!

我就话韋哥係日本道秘密练紧龙吟刀法同降龙掌.当班篇剧HIGH过头走火左老祖宗出o黎阵,佢就可以以救世者嘅姿态重返舞台喇.

引用:

原帖由 風中之神 於 2006-12-31 08:20 AM 發表
撇開陰陽大挪移有傷口就不能用的缺點不談，天地玄掌的三招既是攻也是守，比之只有守的陰陽大挪移，天地玄掌用在對敵上較具優勢！

对于风兄此番见解,小弟想补充一点就係我仲记得当日盖世堡一役中火神临危阵曾用大挪移将烈阳神滴攻击转返卑烈阳神自己,照此黎睇,大挪移係有还击力的.

不过讲返哩,我始终觉得小虎咁话,净係想檫白俊嘅鞋,冇其他意图架.

引用:

原帖由 Dr.Evil 於 2007-1-6 12:02 AM 發表



我都係因為呢d核特公仔同死唔斷氣既項羽而cut左天子五!!估唔到今日終於到龍虎門!!

今期呢兩兄弟都好唔掂!!小龍躁狂,小虎就呢頭叫大佬唔好沖動但下多格就已經一腳踢人!!!佢地係咪都係痴架?!

痴？点会喱，小虎咁讲净係想松懈蚩尤嘅防备心，今到自己奇袭容易得手滴之嘛，好精伶啊，我觉得。
小龙係躁滴，但佢有咁嘅反应係因为佢师傅嘅面畀白无涯当众落左，完全出之一片孝心架。再加上蚩尤得一个人，郁佢好合理啊。

引用:

原帖由 stanley09 於 2007-1-6 02:43 AM 發表
各位, 不好意思
小弟有感而發, 想講下功力設定......

而家d功力設定真係好亂, 特別係風雷(小弟係超級風雷迷)~ 我唔反對王海蛟既7重天勁過風雷既7重天, 但係風雷既7重天點都應該勁過王海蛟既6重天掛！當日王海 ...

我o念係因为邪拳道呢门功夫对于练者心态係有讲究.王海蛟嘅疯狂冷血係风雷嘅串所无法相提并论嘅,所以威力现至争咁多.

引用:

原帖由 a1771550 於 2007-1-12 01:41 PM 發表


同意!! 雖然小弟中學沒有修過歷史，但睇過一D大陸製作既歷史劇集，其中一套叫"江山風雨情"，一開頭幾集就講崇禎如何將佢老豆個D奸臣(包括最奸狗既魏忠賢)一一剷除。

我都同意，崇禎時代嘅東廠辦事人應該系曹化淳，此人曾經幫過崇禎鏟除袁崇煥，但最后赤都畀袁崇煥個仔聯同吳三桂做瓜左。

今期結尾嘅故事情節真係令人廢解，如果畀我做老天尊，知道蚩尤孤身上左岸，即刻就拎把震乾坤潛入廣法堂斬開條友仔兩碌啦，仲搞埋咁多野，不知所謂。黑龍老豆仲離譜，明明親眼見過個仔武功不及四龍個啦，仲應承個仔犯險嘅？本漫畫雖則話係一級書，但應該係話本書冇過分色情同暴力畫面，點解次次都將滴人物寫到懵曬架？

引用:

原帖由 喜歡足球 於 2007-1-13 03:33 PM 發表


你講的是不是金庸嘅【碧血劍】,袁崇煥個仔是袁承志,不過呢d好似係野史! 正史有寫曹化淳開彰義門向李自成投降!但曹化淳的下場如何,正史冇寫清楚!

唔好意思，我講D野係细时候睇武侠帝女花睇返黎嘅，套剧入边袁崇煥個仔係袁若飞。至于開城门让李自成攻入嘅人，係曹化淳嘅仔，叫左岭云。

[quote]原帖由 a1771550 於 2007-1-13 01:28 AM 發表


但其實主角無敵係咪無戲做? 個人認為這點大有商榷餘地。又攞老金D書做例，倚天既張無忌，集九陽挪移太極拳於一身，成個故事武功最高就係佢，但....

我本身认为本书之所以咁设定主角班D武功，主要係想传达D正面思想畀读者好似学习要按步就班啦同解决问题要群策群力咁。试下将自己当成龙虎群英，再将自己嘅知识手艺当成武功，咁本书咪比个贴近生活o罗。

无论如和我只希望个故仔合理D，以龙虎群英以家咁嘅实力行事应该低调D，鬼鼠D，电影都有拍到邪神亲手做瓜王降龙啦，都唔明白点解中华武馆仲咁明目张胆咁开梗哩？

引用:

原帖由 iamkennyger 於 2007-1-18 12:52 AM 發表

嘩！呢套劇都差不多三十年，仲要係麗的劇集，你都有印象，勁！
當年覺得姜大衛跛手好型o架

冇辦法啦﹐當年袁若飛斬飛曹化淳嘅i頭個一幕實在太震撼啦。亞視八十年代初同之前拍嘅武打戲都好好睇架﹐D動作硬橋硬馬咁﹐好似個個都有料到。

引用:

原帖由 KING546 於 2007-1-19 09:42 PM 發表

佢都應該出咗幾百期先死,最後係咪俾蚩尤打死o架?記唔記得點被打死o架?

我記得當時嘅情況係咁﹐青龍先幫蚩尤療傷﹐然之後就偷襲蚩尤﹐理由係蚩尤為左幫銀玲報仇而忽略左教務﹐想取而代之。初時蚩尤處處受制﹐因為阿鳳奪天傳左套麼女媧補天訣畀﹐話係盤古天極震嘅克星。到最後﹐蚩尤不用盤古天極震而用普通拳招配合無窮戰意擊斃青龍。

[ 本帖最後由 金拿督 於 2007-1-21 02:22 AM 編輯 ]

嘩﹐呢期小虎殺到﹐整個局勢為之一變﹐教腳應該唔成問題﹐重點係未能查出四龍嘅下落﹐整體計劃算係失敗左。如果真係想打探四龍下落﹐以家咁嘅情況就非得擒下蠍王或蛇王不可﹐因為照我睇班元始人個個都好硬頸﹐係死都唔講個種。

引用:

原帖由 a1771550 於 2007-1-21 06:10 PM 發表


希望下期能睇到龍虎雙皇做番套好戲，打餐飽既!!

我唸四大族長中最有可能可以從中套出四龍所在既應該係朱雀，因為朱雀好色，而好色之人意志力係最弱既，所以我係雙皇就會捉朱雀。 ...

照目前嘅形勢﹐龍虎門得翻小虎同黑龍﹐如果真係大打一場﹐龍虎門蝕底好多。最好係因為蠍王貪佢地青見仔而唔捨得出手﹐咁仲有得打。另外哩我都好擔心本書頭六頁會用黎解釋文殊係點過消息畀小虎﹐結果令到D打鬥場面唔夠喉。

希望小龍會好似封面般咁蒲頭﹐咁可能會令到蠍王調轉槍頭用暗器暗算個四條茂梨都未定!

引用:

原帖由 a1771550 於 2007-1-22 11:00 AM 發表


個碼頭，唔計側側膞既星宿派，只係得四大族長打得下，雙皇夠殺有餘。但星宿派加入又唔同睇法，最好係雙皇打殘四族長後，星宿派不得不出手之下，星宿7王齊上大戰雙皇，咁就一連兩場打戲，而且打法唔同(星宿7王 ...

其實從青龍隔空轟碎架水上o摩多黎睇﹐佢嘅實力已經有金鐘六關半打底(記得有一期黑龍用六關半嘅護身勁夾硬頂暴一架車)。我估計佢整體實力接近八關。其餘三族長稍為差D﹐應該都有七關左右。另外哩﹐下一期嘅戰斗都可以讓大家睇o下小虎上到第七陽未﹐上到嘅話﹐再配合降龍褪﹐應該可以放低佢地啦。

[ 本帖最後由 金拿督 於 2007-1-25 01:58 AM 編輯 ]

引用:

原帖由 a1771550 於 2007-1-22 07:16 PM 發表


變變佢，可以講雙皇先打巢四族長，再戰星宿六王，雙方打到殘之際，星宿老仙見唔對路，無得再側側膊，落場唸著打落水狗，幸好新力軍小龍趕到，於是黎一場三皇大戰老仙，連落三場大戰，如果龍記班友用心編繪，應 ...

唔好掛﹐班星宿佬週身係毒﹐畀佢地圍攻分分鐘連骨都冇得剩。佢地條命唔似四龍咁矜貴﹐如果真係失手左﹐小虎又忘記話畀佢地聽自己條女有十億﹐咁你話點算好喇。

[ 本帖最後由 金拿督 於 2007-1-25 02:02 AM 編輯 ]

引用:

原帖由 喜歡足球 於 2007-1-24 09:15 PM 發表



不過新著中,被吸功大法吸功的人,並不是真正廢功,可以自己練回來,如要寫王伏虎傳功救小虎,就要加多些劇情編排!
我覺得,如果寫王伏虎「捨己救子」,對象最好係小龍,希望可以化解或減低小龍對父親嘅仇恨!

唔係啊﹐我記得本書曾經交待過話功力畀化功大法化左之後﹐功力可以練得翻﹐但吸功就唔同﹐D筋脈會終生受損﹐所以練唔翻。

呢對父子嘅關係認真惡攪﹐話晒係因為王伏虎見異思遷。以小龍嘅胸襟﹐應該唔會計較佢老豆點對佢﹐而是憤恨佢老豆點解背叛佢老母﹐以家人又唔o係左﹐真係。。。。

唔哇﹐睇到各位嘅反應﹐就知道大家應該已經嘆左最新一期嘅龍虎門﹐唉﹐我就冇大家咁好彩喇﹐我呢道嘅書鋪要到今日下晝先至出到書。

嗨﹐大家好嘛﹐兩個禮拜冇見。冇辦法啦﹐個老細猛入痾打﹐搞到我冇覺好訓﹐真係。。。。

睇完呢兩期﹐同大家一樣﹐覺得青龍有九關嘅功力。蚩尤就犀利少少﹐大概九關半咁。

另外哩我覺得白骨想安排藍浪同醉魔拐帶銀玲黎交換四龍﹐大家點睇?

引用:

原帖由 天下無敵老祖宗 於 2007-2-9 10:44 發表
老天尊親自出馬, 收拾星宿派群魔, 救返個仔, 呢段戲的確係令人期待 !

另外, 老天尊今期派白骨一條友硬闖元始門陣地, 其實係咪有心推佢去死架 ? 佢無理由唔清楚, 單憑白骨一人之力, 點有可能從豬油手中救得返個 ...

我都係咁望﹐最好係老天尊趁老仙父子對付群英時忽然間出現﹐然之後配合三十九層天功力推動嘅身法將把震乾坤劈落老仙父子道﹐o黎個一劍雙雕。

呢一點我都唸唔明﹐白骨到底有冇把炮可以令到蚩尤唔殺佢﹐話則唔廢佢功﹐希望班篇劇可以俾D合理嘅解釋大家。

引用:

原帖由 sammy20072007 於 2007-2-9 19:38 發表

同意，堂堂白蓮教宰相職位都同白骨平起平座啦，老遠座飛機嚟泰國幫通天教"標參"？

哎呀﹐你地講得o岩﹐算我想漏左呢點。唉﹐聽老天尊話條友真係黎泰國睇熱鬧﹐真係多事。