引用:

原帖由 喜歡足球 於 2007-12-31 18:54 發表
快將2008年,祝各位新年快樂,世界和平!

也祝球兄o係新o既一年萬事勝利!

今期真係離譜﹐跟住飛仙搵食班鬼忍唔知係未玩SM玩傻左﹐老細落痾打話就地正法班友居然用把刀仔係咁o係膊頭吉少少算數。另外﹐飛仙受左重傷仲可以同刀仙拼個旗鼓相當又係唔妥﹐至少都要畫飛仙勉強一拼後牽動傷勢狂毆鮮血先係至啊嘛。

引用:

原帖由 喜歡足球 於 2008-1-2 15:27 發表



現在我比條橋玉郎,佢可以話韋哥的九霄,沒有武當派的招式配合,只有真正九章的五,六成威力,跟住仲可以寫韋哥上武當山求藝,到時又可以帶出「武當三仙」.

武當六絕﹐蛇鶴十八打。。。。最好就學埋個第七絕﹐應該就可以收邪神皮個喇。

引用:

原帖由 ada1128 於 2008-1-3 21:04 發表


果然是假的

嘩﹐真估唔到個黑龍係假o既﹐唔怪之得班鬼忍落手咁輕。

[ 本帖最後由 金拿督 於 2008-1-6 17:34 編輯 ]

引用:

原帖由 KING546 於 2008-1-4 17:51 發表
其實以今期的形勢,火雲邪神大可以一次過殺哂龍虎門班友仔........
邪神現時都起碼可以有一間黑級(因為唔知D傷係咪完全好番)
加一個有6,7成功力既飛仙.
龍虎門則只有功力十足的韋陀及刀仙.
重傷的小虎, 廢柴小 ...

雙方實力其實唔係一面倒。我覺得韋哥加刀仙聯手打邪神有得打o窩﹐兩人都有天長佬以上o既修為﹐應該唔會畀邪神一招破去絕招再化灰。而邪神o岩o岩解決西城權﹐狀態應該剩返九成左右。
另外小虎可以用霹靂狂龍對付飛仙﹐咁飛仙唔死都應該重傷。到時石鐵同爆眼鷹再補上幾招﹐應該就可以收飛仙皮。跟住﹐邪神一人就必須應付"韋哥﹐刀仙﹐飛妖﹐石鐵同小鷹.呢五個人加加埋埋﹐應該有老邪咁勁掛。

[ 本帖最後由 金拿督 於 2008-1-6 17:35 編輯 ]

引用:

原帖由 喜歡足球 於 2008-1-3 21:26 發表
舊著真假真弓,新著就真假黑龍,唔知邊個龍虎群英死係呢個假黑龍手上.

如果飛仙捉到黑龍都唔殺﹐咁我唸就算畀個假黑龍捉到任何一個群英﹐應該都唔會落重手傷人o掛?

再過三個星期就係農曆新年喇﹐唔知大家對今年孖寶號有麼期望咧?舊年雙邪戰聖上其實幾有睇頭﹐可惜其中一個係A貨﹐唔係o既話睇聖上因為X叻而畀人圍住狂沏就真係過癮喇。
今年孖寶號o既重點應該就會落o係雙仙對決道。我估飛仙會贏面,因為我唸邪神會將佢件刀槍不入o既內衣借畀刀仙著。跟住﹐當飛仙用個心口硬接刀仙招毒龍鑽時陣﹐佢就可以用無形刀切刀仙對手落黎。另外一方面咧﹐亦都希望小虎會將黑龍被擒o既事話畀石武夫知。咁當刀仙唔掂而造成群英畀圍o既時候﹐四龍帶住班手足及時殺到個就精彩咯。

引用:

原帖由 金屬狂人-Ⅱ 於 2008-1-13 11:00 發表
今期真係睇到有Ｄ怪怪地
飛妖話距輕功最好，所以由距同班忍者小隊去揾小龍，
但輕功最好都俾個セ鬼嘢天妖拮中
個セ鬼嘢天妖同飛妖的距離最少都有3、4米啦，
咁的距離 ...

我都覺得好奇﹐個天怪發力躍出水面時陣會整出好大聲響﹐呢段時間夠飛妖擰轉個身了o掛。而當天怪再發力隊只叉落飛妖膊頭道時﹐飛妖應該都有時間施展身法架﹐除非佢o企響D爛泥上咯。
希望今期個"撲"一聲係指班甲忍o既放屁聲﹐唔係就大件事o魯。

引用:

原帖由 休谷客 於 2008-1-18 11:36 發表


黑龍再唔突破功力，就愈來愈落後了．．．

我就覺得唔駛﹐話晒八關同藍級,七陽同級。家陣最重要係將黑龍身法同爪法o既威力恢復隻抽仇千鶴時o既水平。

引用:

原帖由 a1771550 於 2008-1-16 00:14 發表
今日放工騎住架綿羊仔，在等紅綠燈時，突然間明白為何王小龍傳至今沒有邪神傳來得令人驚喜：王小龍傳缺乏了人性的描寫(或描寫得不夠動人)。

邱福龍寫邪神傳時，除左超激的武打場面外(易筋黑級突然有了高低階之 ...

點解咁唸﹐小龍拼住同歸於盡都要同楊遠塵打﹐咪將佢果種急于復仇o既心理同一見仇人就急躁o既性格顯露無疑咯。唉﹐舊時睇佢勸阻青天報仇o既時候情緒智商都仲好高﹐但自從功力大進後就變得衝動好多。

楊遠塵禪棍境界表現唔出黎?我就覺得佢出招時好定囉﹐麼麼腳踏乾坤出招都好隨心所欲架。性格方面我覺得Ok囉﹐舊著入邊果種認為犧牲可以感化一個壞人o既想法真係憨九居。祖兒變左貪財﹐不肖o既市儈辣妹o既唸頭我覺得冇麼唔對路﹐呢種人現實社會大把。反而我覺火雲入邊將老天尊呢個梟雄描繪成不顧風度氣派o既怕輸阿嬸就好奇怪。

[ 本帖最後由 金拿督 於 2008-1-19 21:43 編輯 ]

引用:

原帖由 喜歡足球 於 2008-1-19 01:21 發表


內功方面一定要升級了,小虎應該可以好快上七,八陽,小龍練左金童寶典,就係咁落去,只會被龍兄鼠弟越拋越遠!
其實黑龍對於招式熟練程度,一定好過對仇千鶴個陣,冇理由差過以前既,或者打仇千鶴時,因為報父仇,所以 ...

小虎o既八陽我睇有排﹐你睇無忌過自身功力畀真龍都要兩年就知。而小龍仲衰﹐學左金童寶典九成會影響自身升上八章o既進度﹐因為洪東話過學九陰真經者體內唔得兼容其他內功。另外﹐小龍都可以為班兄弟而暫停修煉金童寶典﹐黑龍就更加唔駛講。

引用:

原帖由 喜歡足球 於 2008-1-19 11:20 發表



通常人都係有口話人,冇口話自己!

題外話,我睇個篇文章講, 情緒智商越高的人,佢地患精神病越大,因為時常要壓抑情緒,掩飾自己!

癲左有著數架。記得以前有讀者提個問題想知劍妖同劍魔邊個犀利D,而老黃o既答案就係劍妖。個理由係o係佢心目中癲佬打高半班。

引用:

原帖由 休谷客 於 2008-1-21 13:58 發表


會唔會邪神脅迫老妖替佢做事，然後先會放黑龍走呢??  

可能係邪神怕會遇到麼機關所以咪指使老妖幫手開路囉﹐如果老妖唔幫﹐邪神就會拆左黑龍o既保護罩兼喂佢食刀蟻丸。

引用:

原帖由 iamkennyger 於 2008-1-22 22:21 發表

新著實在將教主級set得太高，講到黑級一出，二線功力o既人完全冇得打。
好掛住舊著時，小苦用七陽同邪神大戰，最後輸俾黑級功力果d 鬥智鬥力鬥經驗o既打鬥場面

新著都有﹐好似韋哥奈六關都冇o既天姬唔何就係一個例子。

引用:

原帖由 sammy20072007 於 2008-1-24 14:11 發表
啱啱睇完今期，邪神真係破咗刀仙絕招"冰淵雪嶽"，原理簡單到無人有，只係"誤導"，即係【飛彈防禦系統】嘅原理，當有飛彈來襲，防禦系統立即發射更強勁及有干擾訊號功 ...

呢個所謂o既破招方法其實都幾唔合理﹐刀仙又唔係盲o既﹐出招應該會針對邪神呢個打擊目標先至o岩﹐冇可能就咁畀隔空氣勁引開。唔通o係班篇劇心目中﹐二戰時神風敢死隊之所以失敗係因為D飛機不由自主o甘扑埋晒D戰艦射出黎o既砲彈道?

引用:

原帖由 天下無敵老祖宗 於 2008-1-31 18:20 發表
哈哈，估唔到新著o既天妖只係一期完貨色，成為小虎突破至 8 陽功力後o既試驗品。

唔係好同意今期果個功力排行表。老天尊無理由勁過勇哥同埋無敵，頂多平手。

劍魔亦無理由打得嬴王伏虎同埋銀聖老。

另外 ...

銅聖老曾經話個自己同銀聖老差唔多﹐即係話銀聖老功力有九關左右。而聖母堂一役﹐邪神隨便用白級火雲掌就燒到無忌碌地﹐都證明左八陽功力遠遜白級﹐大約九關到。劍魔當年同中左毒o既金羅漢硬拼﹐個結果係平手﹐我唸金羅漢當時都仲有七成功力o掛.

引用:

原帖由 休谷客 於 2008-1-31 16:15 發表


黑龍功力偏低，突破第八關都唔夠，起碼要去到第十關！

小虎功力可以連跳兩級係因為有個老豆幫手﹐至于黑龍。。。我就覺得升關就冇佢份﹐至多話出親招都帶有閃電﹐殺傷力因此大增。

引用:

原帖由 喜歡足球 於 2008-1-31 22:52 發表
又話天妖嗅覺靈敏,點解佢唔「聞」下小虎個「陣除」?  

可能係因為小虎陣除濃烈無比﹐充斥整個山窿﹐所以令到天妖o既嗅覺喪失作用。

引用:

原帖由 金屬狂人-Ⅱ 於 2008-2-2 00:20 發表

伊賀天妖係基因改造人個point有Ｄ白痴...
既然天妖的智商係近乎零，
就算飛仙升距上四大天字輩上忍都冇用喎...
升上上忍始終都係一隻唔識聽order做嘢的野獸...
咁飛仙升距嚟托咩:b ...

我唸係因為個天字輩o既位好多人想坐﹐而飛仙為左想慳D人工就特登將個位畀個傻仔。

[ 本帖最後由 金拿督 於 2008-2-3 18:00 編輯 ]

引用:

原帖由 ada1128 於 2008-2-3 20:55 發表

都好過無，但咁咪似電王

電王可個身體可以激起十萬福特o既電壓﹐威力足以將九關銅聖老直接電到濃晒。至于黑龍粒雷電子﹐燒濃人就冇麼可能﹐但我唸應該可以短暫使敵人暫時失去反應能力然之後再連環落幾招重手。

[ 本帖最後由 金拿督 於 2008-2-6 02:32 編輯 ]

小弟亦都恭祝大家o係新o既一年入邊﹐心想事成﹐萬事如意!

引用:

原帖由 金屬狂人-Ⅱ 於 2008-2-6 22:47 發表

05年孖寶版好睇Ｄ

估唔估到距地係邊個 ( 圖一 )

企o係超人左面後邊o個個係泰利超人。

引用:

原帖由 喜歡足球 於 2008-2-8 15:55 發表


係咪金頭髮0個個呀 ?

o岩﹐我係指個金色短髮兼著住藍底帶星紋泳褲o既大隻佬。

引用:

原帖由 iamkennyger 於 2008-2-15 01:40 發表

有三個機會：
1）老祖宗（大家都唔想係佢）
2）星宿老仙（舊著有三仙，家陣補番都未定）
3）柳森嚴（同刀仙有仇口，極有可能，若然係佢仲可以順理成章幫手埋飛仙口，話晒正派，報完仇就做正事）

我唸仲有一個可能﹐就係陳奪。今期話個高手身法如電震憾全場﹐相信無影無蹤火候夠深o既話﹐要做到咁o既效果一D都唔難。再加上條友性格陰險﹐趁人之危都不足為奇。

[ 本帖最後由 金拿督 於 2008-2-17 00:00 編輯 ]

引用:

原帖由 iamkennyger 於 2008-2-17 00:46 發表

但係陳奪可能又o係王小龍傳客串，響個秘藏度搞搞陣喎

而刀仙隻手可能係飛仙斬o既，舊著就係刀仙被圍抽時，飛仙一野無形刀（線）界左佢隻手落黎

王小龍傳入邊果個神秘人應該識得無相神功﹐睇佢拎住對逍遙令模擬逍遙客出招就知。我唸﹐條友可能會係卓星老豆。
三個人選入邊願意落井下石o既人只有毒仙﹐但條友o既毒功同化功已經恐怖無論﹐如果再畀佢好似飛仙咁o既身法﹐群英想唔離棄化成血水都好難。