引用:

原帖由 喜歡足球 於 2009-4-6 07:25 發表


個重點不是老妖贏得輕鬆與否,而是白獅完全冇作最後的頑抗,當時佢有沒乜內傷,內功肯定充足.
唔記得之前,是否有一個人也是被「分屍殺」挾制,佢都苦苦撐住,跟住好像冇事.

我覺得白獅盡晒力架喇﹐白獅曾經用冬獅潛將個功力谷上頂峰﹐仲不吐不快咁想先發製人添。可惜﹐個爪招弱點俾老妖睇穿﹐跟住老妖仲用超班內力推動o既速度同爪力後發先至﹐將白獅壓落土中。果個人係唐萬仇﹐之所以挨得到分屍殺係因為老妖先前同金童認錯時俾金童一指篤傷心臟。

引用:

原帖由 阿左 於 2009-4-5 23:10 發表
閻羅勁十八層只係高過藍級少少,班友仔又有可能唔記得喇...

佢地補鑊話閻羅勁要凶狠先會發揮最大威力,不過獅王心經+五陽都輸,會唔會過分左d呀...

黑獅同南宮一指打平手﹐而北海蛟龍又同一o真打平手。照咁睇黎﹐白獅同石鐵差唔多。舊時小鷹話自己金級啃唔落六關霹靂金剛﹐而達摩金身等于金級強化三成﹐所以﹐我覺得老妖九關半輕鬆KO白獅非常之合理﹐呢次個武功層次難得冇亂黎﹐抵贊!

引用:

原帖由 喜歡足球 於 2009-4-6 22:14 發表


唐萬仇自從藍浪死後,都變左失蹤人口

話唔埋下一期就寫條友潛入醫院恃機想殺洪東報仇﹐跟住就血戰銅猩同四小將!

下一期個封面真令人擔心﹐好似話小佩會出事咁。三皇就話有金剛不壞之身同完好無損臨陣暈低體o者﹐但其他人冇o窩!?希望佢吉人天相﹐平安無事啦。生蠱﹐死降係麼野?應該係蘭花夫人o既看家本領黎。唉﹐難得老虎大戰二郎神﹐千奇咪用超過三頁黎介紹啊。嘩﹐二郎神原來已經上到八關半左﹐唔知上到九關未?上到九關都冇所謂﹐反正老虎仲有四絕﹐再加上臨敵經驗豐富同遠距離攻擊招式﹐二郎神速度快都冇用﹐希望老虎將D晦氣盡情發泄o係佢身上﹐最好就肢解條友身上D盔甲。

唔知常氏兄弟同東方先生個仔有咩啦愣咧?大家都識殭尸功。另外﹐翻江蛟睇黎好翻晒左﹐憑佢七關功力想收常白皮應該唔難﹐如果阿柴﹐石鐵冇幫托﹐常白釘硬。

引用:

原帖由 a1771550 於 2009-4-11 18:59 發表

東方先生個仔已經介紹過了??? 係就真係佩服金兄既記性囉!!!

唉﹐人一上左年紀就係咁個喇﹐舊時D野就記得零舍清楚但幾分鐘前先認識o既朋友個名就會醒唔起。我都唔知係好事定壞事。
一提到東方先生個仔就唸起阿東伯 ﹐當年佢為左增加曝光率﹐收醉魔皮時咪特登收起佢個可以隔空破去仇千鶴護身勁同一招震飛金聖佬o既教主級內力o既﹐點知玩下玩下就比醉魔招含酒噴人射傷對眼。酒精雖然撐眼﹐但最弊就係醉魔將先前東方十少醒D毒混入D酒道﹐整到東伯暫時性失明。呢次真係希望東伯可以大步檻過﹐如果一生壞事做盡o既醉魔都有全屍o既話﹐東伯應該安享晚年先至o岩.

引用:

原帖由 stanley099 於 2009-4-12 15:08 發表


老兄, 我覺得之前一路都唔講洪東谷盡功力對敵係因為想強調降龍掌有幾厲害
所以頂多都係話佢"內力深厚"呀, "玄門正宗"呀咁

咁你覺得三郎o既軒轅驚天訣到底已經去到麼境界左咧?我唸佢查實已經上到三十九層天左﹐家陣佢只不過係佢重視孝心同顧住兄弟情誼所以先至低調表現自身功力進境。

今期﹐老虎仔打住西門家代表o既旗號踩上陳家話要參賽﹐主要目的當然就係想打探老虎下落。不過﹐除非小虎認西門家主做契爺﹐或者係契哥﹐唔係真係名不正﹐言不順。另外﹐新著呢次改由小虎出征都算係一個突破﹐希望陳十二少可以o係短時間內整冧陳奪﹐再打入決賽﹐同小虎黎一個二奶仔對二奶仔之世紀對絕! 。

引用:

原帖由 iamkennyger 於 2009-4-21 00:24 發表

舊著時都係小虎做西門家代表，四大世家之戰係認虎符唔認人，所以邊個人都好，只要拎住代表該世家O既虎符，就可以出戰爭盟主

呢獲捉蟲 ﹐kenny兄所言甚時﹐舊時真係小虎代西門家出戰﹐仲特登輸俾黑龍o添 。

引用:

原帖由 桃花居士 於 2009-4-24 15:21 發表
聽聞．．．．．

1] 九陽只有教主可以練，如果唔係，點解要廢伏虎一組經脈？

2] 月仙兒好似「叫慣」媚娘做「契娘」定係「契媽」，所以改唔到口，而唔係「月聖母」？

仲有，

3] 北海家代表係邊個？ 大水牛 ...

1)此一時﹐彼一時﹐家陣無敵可能已經將個幫規改成十陽只有教主可練。

2)喚媚娘做月聖母著數D,月仙兒如果o益佢做契媽咁小虎咪佢契哥?王家欠月仙兒人情﹐大時如果媚娘話大家一家人唔好計較咁多佢咪蝕底?

3)北海蛟龍都算同小虎出身入死過﹐係架己冷﹐小虎應該有通水左所以佢對盟主個位意興欄刪。

4)小虎o既殺敵實力唔庸質疑﹐投資o係佢身上穩陣好多﹐死o係佢手計有上有海蛟﹐玄劫﹐玄災﹐暴君龍。真龍就。。。。

5)五大世家D七﹐八關o既武功實力揚出去唔係好妥當。

[ 本帖最後由 金拿督 於 2009-4-30 16:57 編輯 ]

劍魔落左地獄之後唔知會唔會穩佢果對俾黑龍契爺手下整死o既好友夫婦報仇咧? 如果唔係為左對夫婦﹐條茂梨就唔會做對唔起老邪o既事﹐當然就不需時時抱住虧欠老邪o既心態黎面對佢喇﹐係未?

呢次小龍又有得威喇﹐希望果過程可以好似無敵收拾天掌佬時咁他條﹐一招白骨陰風爪就鏟入銅聖老果豬頭道﹐再將D血肉精華吸為己用。不過陳傲雲同翻江蛟就九成九唔會理會銅聖佬死活而會穩機會挾持班女流。雖然論人數佢地輸蝕但陳傲雲果身法我唸老虎同阿柴真係防不勝防。

引用:

原帖由 喜歡足球 於 2009-6-7 13:48 發表
「救命一招」會唔會是「九陰大霹靂」???

應該唔係﹐要整爆只麼鈦金球濕碎啦﹐小龍只需要過少少功力俾玉兒﹐一招劍芒就可以搞掂只雷射球。舊時月聖使練功幾尺鋼板都射穿﹐家陣有小龍九陰坐陣﹐要篤穿只尺幾長波仔決冇問題。另外﹐我唸救命一招應該係話保住媚娘條命o既方法﹐會唔會係麼九陰易經續脈手﹐令肺部受損o既媚娘可以呼吸? 。

唉﹐睇到今期玉兒咁蹧蹋邪神法﹐身為男人的我今期真戥邪神唔抵。顛倒是非﹐無理取鬧好似係女人與生俱來o既特權咁﹐明明就自己過左功力俾個契家佬幫邪神隊冧自己老豆﹐家陣居然光明正大咁企出黎鬧邪神弒父!?另外﹐邪神身負39層天x3

o既超級功力﹐俾小龍同大水牛夾擊時至少都應該仲剩番39層天功力響身﹐唔趁機一掌打落佢地o既天靈蓋上咪算佢地執到囉﹐居然仲要嘔血?

引用:

原帖由 桃花居士 於 2009-7-16 17:41 發表
黑龍做了新邪神，在情節上轉變得太突然，一時間接受不了
情況就好像定閒師太託付男人老狗令狐沖做師姑派掌門人
第一個感覺是，「有冇攪錯」呀！

但細心一想，如果我是老邪神
既有外憂，白蓮、通天、元始、龍虎 ...

兄終弟及﹐自古有之。趙匡義當年就係隊冧左佢大佬先上到位。o岩﹐老邪係識得"think out of the box"﹐知道唔論本書o既對白曾經話過自己功力點高都好﹐對三皇做出攻擊始終徒然。只可惜佢冇"think out of 本書"﹐唔知自己仲有個孫可以繼位。

引用:

原帖由 a1771550 於 2009-7-18 13:33 發表

老邪要的羅剎新主, 首要條件係佢老家認為的 "羅剎轉生", 血緣變得唔再重要...不過, 今期回憶起黑龍在地獄果幕, 唔通黑龍真係 "羅剎轉生"??? 咁好似球兄話齋, 王苦海算係咩呢???

當年元始天魔為左躲避個天劫﹐就特登將個元神一分為二﹐寄附響唔同人身上﹐等迎劫時唔會渣都冇得剩。所以﹐海仔應該都係羅殺繼承者之一。

黑龍做左羅殺教教主﹐係未應該換個招牌咧?老邪既然有誠意改邪歸正﹐應該唔會介意掛。好似養生堂,或者係威歐企業。仲有﹐拜羅殺o既習俗都要改﹐尊羅殺彫像要移走﹐再擺副觀音相係道﹐免費開放俾普羅大眾小市民黎參拜﹐沖淡D殺氣。另外﹐千奇要記得將快面具同戰衣拎去注冊專利﹐或者將個專利轉去新公司旗下。等大時西城勇出山時冇照型可用。

引用:

原帖由 周五一次郎 於 2009-7-17 16:47 發表


勇哥識吸晶我就知，但佢幾時學埋吸星大法？

仲要係吸老邪？點解唔吸龍虎們班友？唔明！！！h:" />

呢D咪敗家仔作風囉﹐家陣勇哥就好似一個打麻雀時俾比其他三家對手串謀千晒D錢o既羊牯﹐輸錢後又返屋企叫老豆幫手還債。

冇理由架?老虎仔一向咁精拎﹐點解呢次會任由黑龍契爺將D海外地盤轉讓俾班元始人咧?點解唔聯絡國際刑警拉晒D煉毒廠﹐雞竇﹐賭館D員工再賣晒D不動產﹐咁咪可以打擊毒品生產同時再為龍虎們賺一筆咯。家陣班傻佬居然任由老邪將D檔口送俾蚩尤﹐如果D毒品流翻香港﹐班傻佬咪捉虫?仲有﹐點解老虎殺唔到陳傲雲﹐咪因為老邪左頭左勢囉。點解老虎乸會死﹐咪因為老邪收左陳傲雲做青見囉。只老野一世人四圍o係道搞風搞雨﹐其實比邪神更加該死萬倍﹐三傻唔殺佢其實都好天理不容架喇﹐家陣仲聽佢點﹐麼整個龍虎門前世欠左個老野咩?

開講都有話﹐猛虎不及地頭蛇﹐到底有麼野令到老虎一心一意留底同文殊決一死戰咧?功力同佢差吾多﹐年紀比佢大﹐經驗比佢豐富o既金童都比文殊監生打爆啦﹐就算有個陰陽大挪移都唔可以擔保冇第三者介入暗算架。唉﹐舊時o係自己地頭五對一時就話麼金羅漢功力吾講得笑﹐趁佢未起身時快快較腳。家陣﹐功力落左一級兼一對一o既情況之下居然夠膽o係敵人地頭挑釁人地話你估你食硬我啊?小虎咁精靈點解會有個咁憨居o既老豆o列?

引用:

原帖由 a1771550 於 2009-10-12 23:39 發表
文殊會在 "道經傳人" 升級做番個真正教主級大佬, 而且會與蚩尤有一場關係到通天元始江山的大戰, 所以佢戲份會好重, 所以依家編劇要攞王伏虎黎祭旗 (重傷或隊箖), 加重龍虎三皇與文殊的仇恨, 令到文殊在這輯中地 ...

如果伏虎個所謂老江湖真係文殊地頭因為開口挑釁文殊俾人打死左可以怨邊個? 呢本書好多恩怨都不合情理﹐好似個韋驚世咁﹐為左幫公司老闆刮料就意圖出賣整個外家﹐害死左老婆之後又將整件事o既責任推晒俾個三舅仔。一句講晒﹐D角色處事應該合理﹐寫實D.