德國佬响 1940 年設計左一架線控履帶車仔,打算响車仔上裝滿炸藥之後,然後通過人手遙控開到敵陣,例如係防禦工事橋樑戰車等地方,到位後又係用人手線控引爆,咁就可以殺敵一千自損為零勒.

呢個咁偉大既車仔就引用左聖經入便一個人物,就係菲利士無敵戰士巨人哥利亞 Goliath 做佢既大名,至於番號就叫 Sdkfz 302 ,後來而因為車仔改左動力系統而改叫 Sdkfz 303a 同 Sdkfz 303b .

不過我就唔係好明解點解亞希先生又會批準用哥利亞做車仔個名,大家都知道亞希腥係一個幾迷信既人 (其實係好鬼迷信至真),佢應該知道聖經撒母耳記入面講左哥利亞既古仔,無敵哥利亞最後都係俾大衛仔用粒石仔打 q 死左,咁明知唔老泥重叫佢做哥利亞,咪分明自己捉虫入乜乜?不過我估或者亞希腥都知呢壇野,不過大衛係以色列人又係 Jews ,咁冇奶油同車仔改個猶太人名架下話?而果陣史果 d 猶太人既生死都全部由亞希腥掌握,我就叫佢做哥利亞你班 Jews 又吹咩?唔通真係會出個 David 哥出黎咁喬?

引用:

原帖由 dealerboy 於 2011-12-4 14:47 發表
可以負載幾多炸藥呢

兩三百打葡撻肯定冇問題.

小巨人到左 1942 年至開始服役,主要係交俾德國陸軍使用.佢好似有唔同既規格,例如 Wiki 同其他地方都列出佢唔同既晒士,唔知係咪型號有分而有異,下面就求其列出佢其中一個 spec 算勒.

車重 : 370kg
車長 : 1.50m
車寬 : 0.85m
車高 : 0.56m
載重 : 75 ~ 100kg
動力 : Bosch 電摩打 x 2 (早期車) / 電油偈 x 1
馬力 : 10KW (電動) / 9.72KW (電油)
時速 : 9.50km
產量 : 7,579 台 ( Wiki : 7, 564 台 )

下面呢張相係人地响而家既 "德國坦克博物館" 入面拍既,就好清楚說明左小巨人既資料勒.而呢個 spec 係早期電動車.

引用:

原帖由 kenbondwong 於 2011-12-18 13:59 發表
有咩有?偵察?測地雷?

一樓一早爆左響口話明佢係用黎做咩既勒 : "德國佬响 1940 年設計左一架線控履帶車仔,打算响車仔上裝滿炸藥之後,然後通過人手遙控開到敵陣,例如係防禦工事橋樑戰車等地方,到位後又係用人手線控引爆,咁就可以殺敵一千自損為零勒."