M4A3E8(76)W,就是 M4A3 坦克加上了一門 76 炮(76),有內置防爆彈倉(W),和新換上了 E8 HVSS 減震機.

美國陸軍為了支援 1944 年 D 日登上諾曼第的盟軍士兵,希望派出有強大火力的坦克協同步兵作戰,就在 M4A3(75) 坦克中最出了 254 架改良,主要是在正前裝甲上再加厚了 4" 的裝甲,把原來是半圓形的炮塔換上了較為方整的加厚炮塔,又在炮塔正面做了一個 6" 厚的裝甲炮盾.所有這些裝備是為了可以讓坦克更能抵擋敵人的炮火而設.而這個坦克就叫 M4A3E2 ,後來的人就把它叫作 "Jumble' 或者是 "Cobra King".

M4A3E2 因為加厚了裝甲,因此車子重量由原來的 33 噸激增至 42 噸.而奇怪的是,大部份的 M4A3E2 去到現場後都被換上了 76 炮,我不知道這是誰的決定,但美國人的 "將在外主令有所不受" 的 "民主" 氣味,在這里就可見一斑!

來看看這架 M4A3E2 的 Cobra King :

M4A3E8(105),配有 105mm 榴彈炮和 E8 HVSS 避震機的 M4A3 坦克.

1945 年 4 月歐洲戰場上,一隊新西蘭的坦克列,第一架就是 M4A3(105) .

另一架存活下來的 M4A3(105).

下面有一張 M4A1 坦克模型的剖面圖,可以讓大家更為了解一下 M4 坦克內部的配置,和乘員的位置.

M4 坦克先後用過三種減震路輪組,就是採用垂直蝸式減震彈簧的  M3 ; M4 ,和水平蝸式減震彈簧的 E8 三種.

M3 和 M4 VVSS 垂直蝸式減震彈簧和路輪組.







M3





M4











E8 HVVS 水平蝸式減震彈簧和路輪組.






[ 本帖最後由 jj2jr 於 2010-10-16 14:42 編輯 ]

M4 坦克到了 M4A3  一代基本上已經定型,而之後因為換上另一種引擎  -------  由福特的 V8-GAA 改為使用佳士拿的 A57 多列式 30 缸車頭,於是就改個新番號叫做 M4A4 勒.

M4A4 外型上最大的一個特點就是它的車身比其他 M4 都要長,就是因為引擎比人家大的問題,下面來兩張分別是 M4 和 M4A4 的平面圖,就可以見到 M4A4 的加長車身了.

M4A4 的 30 缸引擎維修複雜,所以就算 M4A4 是當時最新的 M4 型號,但就因為車頭問題而令到 M4A4 坦克在 1943 年 9 月就停產,也是在 M4 坦克家族當中第一個被淘汰的.我很懷疑美國軍方願意做出 M4A4 的主要原因,就是軍方和政府中有人收了佳士拿的好處.因為 M4A4 用的佳士拿 A57 引擎,其實是用 5 個直列 6 缸電油引擎組成,而佳士拿當時就有大量這些 6 缸引擎存貨,於是搵間廠幫手鑄個星式大模出黎,再併上 5 件車頭加個飛輪同支濕,於是又有新野玩勒.

M4A4 坦克用的佳士拿 A57 引擎 :





當然,事情肯定唔係在下吹水咁簡單,不過當 M4A4 面世之後,美國軍方只把 M4A4 當外援物資,而自己就明令講明唔俾美國人在海外用 M4A4 黎打仗,咁即係點?即係 M4A4 有問題有鬼啦,反正俾外國人又有錢收,話之佢地車毀人亡都係關人 Q 事,自己美國人就唔好搞勒,之唔係咁簡單?

M4A4 坦克全部做左 7,499 架,基本上俾晒盟友用,其中英國佬就最大份,一共要左 7,167 架,老毛子要左兩架,其餘有 d 响美國國內用黎做學車同其他地方.英國人叫 M4A4 做 Sherman V,下便呢架就係勒 :

下面有一架英國 Sherman V ,即係 M4A4 坦克,樣子都幾狼狽有 dd 裙拉褲甩,連碌炮仔都甩埋出黎!

其實上面架 M4A4 係屬於英國第 7 裝甲一架偵察坦克,由於它的任務是偵察,車內要放通訊器材和其他偵察用具,為了節省地方就把主炮拆下,換上一支木炮掩飾身份嚇人.而這架 Sherman V 就在 D 日發陸後,在 13 日和大隊一起到達一個叫做 "威拿保基 Villers-Bocage" 的法國小鎮,不過卻碰上了當時的德國坦克皇牌 Michael Wittmann ,它就是被 Michael Wittmann 的虎式坦克打了兩炮,第一炮打空,第二炮打穿它的炮塔右側.而當時坦克內只有一個剛打算跑出車外的坦克兵,他沒被打中,跑出來後反而被其他流彈打傷.





威拿保基的坦克大決戰是二戰諾曼第戰事中最令人樂道的,當日英國人有近 60 輛坦克殺入威拿保基,德方只有 40 架坦克左右,而由 Michael Wittmann 帶領的德國坦克可以在不足半小時內打掉 30 輛英國坦克和另外 30 輛各式裝甲運輸車. Michael Wittmann 也因為是次戰役而獲升上尉,另外加一枚騎士鐵十字章.

Michael Wittmann




不過將軍終雖陣上亡, Michael Wittmann 在同年 8 月,開著他的 007 號虎式坦克,被英國佬圍攻打死,英國人都算了出了口鳥氣吧.


[ 本帖最後由 jj2jr 於 2010-10-19 16:21 編輯 ]

面世的 7 千多架 M4A4 坦克全部都只配有 75 炮,下面是一架現存在荷蘭一家博物館的 M4A4 .

美國佬出左 M4A4 坦克之後發覺唔多妥,於是自己唔用就轉頭將所有 M4A4 賣晒俾外圍 d 所謂盟友.而英國佬就幾乎照單全收,接收了 M4A4 總產量的 94% .我相信當時美國佬一定係掩著咀偷笑,勢估唔到有人會出錢買 B 貨!

不過英國佬卻利用改裝 M4A4 而在陸地戰場上成為唯一一個當時可以同德國虎式坦克匹敵既對手,英國人將大約 2,000 架 M4A4 上面原本既 75 炮拆走,換上自己既 17 磅反坦炮,番號係 Sherman VC,芳名叫 " Firefly 螢火蟲" ,而呢個 VC 後來在歐洲戰場上,打到德國鬼叫阿媽,上面提及過既德國坦克皇牌之一既米高威特曼先生,就係死响 VC 既手上,你話西唔西利先?

Sherman VC

點解 VC 換上一門 17 磅炮又會變得咁利害呢? 17 磅炮 ( 17 pdr ) 係英國人對火炮既稱呼,英國人用炮彈重量而不是以火炮口徑作為火炮大小的分類.其實 17 磅炮口徑是 76.2mm ,彈體重量為 17 磅,而 17 pdr 比美國 M4 坦克上的 75 炮同 76 炮只係大左 dd ,不過由於它的設計不同,主要係炮身長度有別,於是在口徑看來只係差了 1.2mm 的環境下,就令彈體產生了截然不同的穿透效果.

17 pdr 炮身長度是口徑的 55 倍,炮管長度達 4.191m,發射初速達 884 ~ 1,204m/s (炮口初速要視乎發射彈種而有異),以最常見的常規 AP 穿甲彈而言,可以在約一千米的距離打穿斜角 30 度的 131mm 厚裝甲.而換上 APDS 穿甲彈就更利晦,同上條件下可以打穿 914mm 厚的裝甲,就算是當時的德國虎至都要投降!

下面是英國 17 磅反坦炮和炮彈 ( 穿甲彈 AP ) :











[ 本帖最後由 jj2jr 於 2010-10-20 10:25 編輯 ]

在芸芸眾多的 M4 坦克之中,英國人改良的 M4A4 ,即是 Sherman VC 是最容易認出來,因為由於英國的 17pdr 發射時後座行程長,原有的 M4A4 炮塔容納不了,於是就把炮塔後部開個天窗再加個外置四方盒,用來放無線電等東西.而另一方面, 17 pdr 炮身長再加上有個炮口制退器,一眼就可以認出.而既然連在下不才都可以睇得出 VC 同普通 Sherman 既分別,精明既德國佬又點會睇唔出呢?所以德國人但凡一見到有類似 M4 坦克物體,就一定先挑個長炮既打先,呢 d 正式係槍打出頭鳥勒.

英國佬初時都好奇怪點解果 d 德國鬼會咁醒,成班 M4 响度,佢地咩都唔郁只係打我地果 d VC 呢?後來至明解原來係自己碌長野累事,於是就想出將 VC 炮身前部塗上波浪紋,魏人地遠遠睇到都以為只係 M4 仔冇有怕,另外在平時行車時又將個炮塔向後轉 180 度,等條炮唔好呾揚,咁就命仔長 dd 咁啦.

下面有幾張 VC 照片,可以充分睇到 上面所講既 VC 特徽,大家睇睇.

同上車,不過拿走了帆有,可以再睇清楚車身裝備,番意炮塔後的外突箱.

這架 VC 給德國人捉去了,時地車人不詳.

一架塗上了加拿大坦克標記的 VC .

說過了 M4A4 之後,自然是順序到 M4A5 了,不過原來 M4A5 不是美國制式坦克的一份子,它是由加拿大直接在本土生產的一個仿 M4 的坦克,或者可以說, M4A5 根本是和 美國的 M4 坦克完全無關.

M4A5 在加拿大被叫做 "Ram",有一式 (MkI) 和二式 (MkII) 兩個型號, Ram 外型和 M4 無異,仍採用 M4A1 的 Continental R975 9 缸引擎,不過身上的火炮就比任何的一款 M4 都來得小,一型配有一門 40mm 的兩磅炮 (2 pdr),二型算是大一點,有一門 57mm 的 6 磅炮 (6 pdr).

Ram MkI






Ram MkII

M4A5 的 Ram 一式坦克只做了 50 架,而二式就做了 1,899 架.不過基本上從沒有一架上過戰場打過仗,主要任務都是在後方用作訓練車,在前方就用二式車改裝了 85 架做觀察指揮車 (OP/C).


OP/C 坦克因為要把炮塔內清空地方放其他通訊及觀測器材,所以身上只裝了一支假炮.

Ram 二式坦克 :

加拿大的 Ram 雖然在戰場上沒出過什麼大業,不過都是為反法西斯出過一份力.而 Ram 最常出現的場景就是當裝甲運兵車,把炮塔拆下,士兵就擠在炮塔圈上,好似一群擠在母親口袋中的小袋鼠,因此這個因陋就簡的運兵車就叫 "Kangaroo 袋鼠" .

當美國軍方仍在建做 M4A3 和 M4A4 坦克的時候 (後者是賣給盟友的出口版,因為認為車頭麻煩自己反而不用!) ,在 1943 年 1 月 又出新花臣,就是叫 Caterpillar 公司 做一千個 D200A 油渣引擎出黎,用黎替換 M4A4 上面既 A57 30 缸車頭,重將換上新車頭既 M4A4 改名叫 M4A6 .

Caterpillar 接左呢張大單就肯定笑到甩牙,不過又唔好咁開心住播,因為就响岩岩裝到 75 架 M4A6 之後,軍方又搞急剎車叫停,原因好簡單 ------- 因為都係覺得用緊電油既 M4A3 最好,於是又把所有建做坦克既資源重新放落 M4A3 上面,你又吹咩?

出左世既 M4A6 突然間變左孤兒仔,只好留响美國本土做教練車,而英國佬就唔理咁多,第日有冇得分身家都冇有理,一於同 M4A6 起個番號魏自己好打理,就係 Sherman VII 勒!

M4A6 外型同 M4A4 一樣,都係加長車身,不過佢既車尾引擎蓋就有個駝峰,因為 D200A 大件既原因,所以好易認.