引用:

原帖由 27man 於 2013-3-31 23:53 發表
又見 j j ,

機器佬你好!

幾位黨衛軍成員在巴黎鐵塔前留影.

1943 年 6 月北非突尼斯美國空軍基地,工作人員為一架 P-38 戰機繪上圖案.公仔叫做 : "The Bat Out Of Hell".

响太平洋上空打瓜山本五十六既就係呢種 P-38 戰機.

整多張 P-38 睇下.

呢位英國亞蛇企响一台八號坦克 Maus 既未完成炮塔前影相留念,等日後番到祖家批薯仔時可以同 d 工友有野講.

1944 年 8 月意大利佛羅倫斯英軍總部門外,一名英軍憲兵站崗.左面係一個穿上傳統製服既意大利憲兵.

孤獨的機槍手,這是一位英國輕型轟炸機 Bristol Blenheim 上三名機員之一,除了負責機槍外,還要當無線電生.

上面架 Bristol Blenheim 原來係咁既,呢架野身上畫左二戰芬蘭空軍軍徽,應該係當時俾德國佬或者係芬蘭佬拎左去駛,原存放在芬蘭中央航空博物館.各位有時間既可以去 look look.

1941 年,幾名年青芬蘭士兵,手上都拿著國產的 Suomi M31 沖鋒槍.我睇佢地最大都唔夠 18 歲.

時間 : 1944 年 6 月 30 日.
地點 : 芬蘭,塔利-伊漢塔拉 (Tali-Ihantala)
事件 : 大鼻佬為報之前俾芬佬打左鑊甘既一箭之仇,於是派左大約 15 萬人同無數飛機大炮去打芬蘭,當時芬佬加埋德佬只有 5 萬左右,戰事由 6 月25 日打到同年 7 月 9 日,大鼻佬傷亡二萬人左右,坦克飛機各唔見約 300 架,最後夾住條尾番鄉下食雪.芬佬方面就傷亡約唔夠一萬人.呢個世界有時 d 野真係好九過癮,即如大鼻佬係人都唔怕,就怕中國共產黨同芬佬.

下面張公仔比起小池榮子重有震撼性,三個芬蘭反坦克兵行過一架打柴既 T-34 坦克旁邊,中間果位亞哥叫 Heino Nikulassi ,有打巢三架大鼻佬坦克既記錄,不過隔日就戰死左.行佢前面果位叫 Kaarlo Niemelä ,曾打爆過 5 件大鼻坦克,不過佢後來點就唔知道.

重有話聲亞 db 仔聽,你睇古就唔好駁古,咪一陣又亞支亞左又問人點解咁清楚,問人係咪响現場親眼見咁,擺明玩野既就因住出街冇啦啦俾人 dup 鑊甘既,話明一定唔關我事架!

一隊芬蘭反坦克兵,圖中果碌勁野係芬佬自家產品,叫做 Lahti L-39 20mm 反坦步槍.

芬佬既拿的 L-39 .

又係芬佬,今次佢地玩集體打飛機,用既係大鼻佬既 7.62mm 航空機槍 ShKAS KM35 ,呢碌野本來裝响大鼻佬既戰機上既.留意條炮仔左面果隻大彈鼓.

二戰時期德國佬最強悍兵種 ----- 傘兵.呢位亞哥匿响自己個散兵坑度拎住支 FG-42 一型,外加兩件手榴彈,頭岳岳咁似乎正在等待佢 d 行家從天而降.

1943 年 9 月意大利,一組德國傘兵正在小休.佢地可能係一隊臼炮兵,地上有條 80mm 臼炮,牆上 pun 左兩條 FG-42 .

幾位亞哥响地下執左支 Tommy gun ,幾條大鄉里就响度研究 ~~~
A : 咦!乜碌野冇有窗既?
B : 係羅,咁容乜易焗九死!

1941 年,非洲戰場上兩個意大利佬同一支意大利製 Breda 20mm 高炮.意大利出既火器同重機械可以講係一流,好似呢條炮仔就係佢地既代表作.不過人就九流加九流流,响成個二戰期間,意大利人從未打個一場好仗,連希臘佬都打贏佢!

呢位亞哥心口唔係個勇字,而係一排排 9mm 彈夾.留意佢右肩有條 MAB 38 沖鋒槍.

MAB 38 係咁既.

呢幾位亞哥一定係一路 fair 一路媽媽聲,因為佢地用緊個支係意大利自家傑作 ---- Breda M1930 輕機槍,廿發彈夾由槍身右邊插入,不過要加油既,如果唔係就好易 jam 彈,問你死未!

Breda m1930 點可以拎去沙漠用呢?你話勒!

兩條媽媽咪亞一人拎住一碌 MAB 39A ,留意槍咀下方有支固定可折式剌刀.

呢位意大利傘兵手上拎住支英國 Sten ,就引起左一 d 網友既爭議勒.原因係大家都唔知張相幾時拍既,有人話佢係 43 年尾意大利反水投向盟軍後既 "忠" 既意大利兵,所以佢就可以派左支 Sten .

但係有人就話如果佢係反水既,應該著住英或美軍服至岩,否則好易搞錯俾自己友 fair ,因此佢手上支 Sten 應該係執既.

我就傾向同意後一個講法.

佢打唔打得我就唔知勒,不過佢同架 Moto Guzzi 都好有型!

上便架野係叫 Superalce .單缸 500cc ,果時係意大利軍警用車.