美國海軍自 1942 年起把 Oerlikon 20mm 高炮全面取代所有艦隻上面原先使用的 Browning 0.5" 機槍.一般一支 20mm 高炮有組員三人.就是炮手裝彈手和一個叫做 "piece chief" 的仁兄,他是負責為炮手指示敵機方位.炮手上場時同變型金剛差不多,兩個肩頭卡在高炮的兩個月牙形彎托上,另外還有一條腰帶把炮手綁緊.高炮扣機在右把手上.如果是雙聯裝就要多加一個裝彈手.

我估炮手打完日本仔之後,兩個膊頭會甩較都似.

睇過 20mm Oerlikon 之後,就睇睇蘇利雲號上面兩座 40mm Bofors 雙聯高炮.作者先生標叔叔話呢兩座高炮型號係 40mm / L56 ,我相信係亞標叔叔一時手誤.因為 Bofors 既 40mm 高炮只有 60 倍同 70 倍口徑管長呢兩個型號,就算係美國佬在二戰時同英國買左一座 Bofors 40mm 高炮,然後自己偷偷生產,就叫 MkI 同 MkII 40mm 高炮,都係只得 40mm /L60 ,因為 L70 呢個款式係响二戰拉屎至由瑞士原廠製做,原因係可以打高 d .




[ 本帖最後由 jj2jr 於 2011-1-20 14:19 編輯 ]

大家唔好睇小呢支 40mm 高炮既 60 倍同 70 倍管長呢個問題,以為大不了都係條炮仔長左 400mm ,但係原來整個炮就要因應需要而加大或者加厚,重量由原來 L60 的 1,981kg 激增至 L70 的 5,150kg .

一座 40mm 高炮有組員 7 人.















[ 本帖最後由 jj2jr 於 2011-1-20 14:35 編輯 ]

講完 40mm 既寶福高炮後,就輪到位於戰艦中部既一個雙聯 3" 高炮.

美國海軍在二戰後為了應付老毛子大鼻佬的冷戰,於是就在 1957 年起推出了一個叫做 FRAM 的計劃,其實就是為所有美國戰艦更新艦載火器和雷達等設施.蘇利雲號所屬的法查級驅逐艦亦全部升級.火器升級過程中,法查級驅逐艦更換了最多 6 組 3" 雙聯高炮,不過蘇利雲號就只是換了一組.

蘇利雲號的 3" 雙聯炮安置在戰艦中部的煙通後面,這個火炮由 12 名船員操作,每分鐘可以發射最多 50 發炮彈.

蘇利雲號的 3" 炮正式名稱是 3" /50 Mk22 .是由美國人自己設計和開發的.美國人的 3" 炮有很多型號,而這個 22 型屬於兩用炮,即是可當平射和高射兩用,因為它的垂直射角是由 -15 至 85 度.

3" 炮彈架,由於缺乏其他更詳細圖片,因此我不知道這個架的確賓位置.

另一個 3" 炮彈架,還是不明白它的位置在那?看來要找個時間親身上船才可以明白.

關於 3" 雙聯炮的圖片不多,下面不如轉去看看蘇利雲號的四個主力火炮,就是單發式的 5"/38 Mk30 艦炮.這個艦炮也是由美國海軍自行研發及製做,規格是 5" 口徑配上 38 倍口徑長度的炮管,所以就叫 5"/38 , 5"/38 艦炮屬於平射和防空兩用炮,基於不同型號就要用上不同數量的人手.蘇利雲號上的 5" 炮就要由 15 名組員同時操作. 而每一個人的分工都是非常明細有序,下面先看 5"/38 炮的照片,有時間再把它的工作情況和大家介紹一下.

由這個 5" 炮塔後面的兩門 3" 炮,可以知道這是蘇利雲號的尾炮.

二戰時期所有美國戰艦都安裝了 5"/38 炮,炮塔 (其實應該叫 "炮架 gun mount",不過總是覺得拗口,於是就繼續炮它的塔下去好了!) 內部叫炮室 (gun room) ,炮室地板下層是弾藥倉,存放著 5" 炮用的分拆式炮彈,即是彈頭和火藥筒.


5" 炮塔下層的彈藥室,位於下方但名字卻叫 "upper handling room" ,真妙.

在彈藥室的人員利用這些由液壓驅動的連輸槽把彈頭和火藥筒分別送上上層的炮室.下面的照片是拍自不同的炮塔,因此出現不同的背景.

作者標叔叔沒說明這是什麼,但我覺得這個應該就是位於炮室內的彈藥連輸槽的出口.

一個 5" 炮塔上下兩層夾埋有十幾人做野,亞頭叫做 "塔長 Mount captain" ,通常係由一個資深三柴擔任,佢既工作就係响對敵時,全程企高由炮塔上方後部的一個有保護罩既窗口觀察敵情,利用自己的作戰經驗交帶下面既手足點做.

在 5" 炮塔上方的塔長觀察窗.

炮塔內第二號人物是 "炮長 Gun captain" ,這位仁兄對操作 5" 炮的每一個操作過程和各炮兵組員間的分工都是非常了解.因此當進行炮戰時,他是全程站在炮塔里面後方,用肉眼監視每一個人的工作,一旦發現有人或者是有機械出現失誤,就會立即出手制止.

引用:

原帖由 27man 於 2011-1-24 02:37 發表
j j 妙筆生花請繼續.........

一於你話事!

在下對 5" 炮塔著墨較多,主要原因係覺得人地做野真係好認真,分工明細,唔會有我地而家好多人做事既心態 ------- 搞掂算數.這個說話其實就係馬虎既代名詞,我個人就一直對此都好反感,不過果 d 都係題外話,只係想交代下點解會响隻 5" 炮塔上噴咁多口水.

蘇利雲號驅逐艦上面既 5" 艦炮係使用既炮彈係分拆式彈藥,即係彈頭同推動藥二者係分開放入炮膛內才發射.因此在炮塔下面既彈藥庫內,彈頭同推動藥就分開擺放,負責運送彈藥上炮塔既士兵係分成兩組,分別用不同的運輸槽把彈頭和推動藥送上炮塔.

下面可以見到彈藥庫入面放有彈頭同金黃色既銅質弾殼 (即係推動藥) ,我估佢而家只係一個 demo ,所以就會見到彈頭同推動藥同放一起既場面,事實上係唔可以既,因為彈頭同推動藥係由不同位置既運輸槽送上上面大炮既兩側,由上面不同工種既士兵接收,所以冇可能二者混放.

而圖片有個灰色既金屬斜 box ,標叔叔話佢估果個 box 係 fuse setter ,我都同意佢老人家呢個 point ,不過我覺得呢個野應該係用黎運送彈頭既,因為運送推動藥既係上面介紹過既垂直運輸槽,而圖片入面既 box 斜插住一個彈殼,相信係博物館既工友放錯.







如果工友冇錯就係我錯.

講埋 5" 炮塔入面做野班大哥先.上面提過有塔長同炮長兩位大佬,跟住既就有三個負責瞄準目標既仁兄,分別係第一個叫做 pointer ,負責控制火炮垂直俯仰角度同埋手動開炮,,第二個叫 trainer ,負責控制炮塔水平轉動,第三個叫 sight setter ,係控制火炮對準目標.

下面係蘇利雲號上面一個 sight setter ,唔好問我點用,因為我唔識!




之後重有 fuze setter ,係負責幫彈頭調校信管起爆時間.另外有彈頭兵 projectile man 同 推動藥兵 powder man ,分別負責接收由下面送上黎既彈頭同彈藥.咁每次打完炮都會淨低個空報,就由一個執殼兵 hot case man 負責清理.最後重有個亞哥叫做睇水兵 check sight ,佢係負責睇住條炮有冇依然對準目標.

上面班友仔全部既動作都係聽從塔長既指示做野,如果有過程出錯就由炮長叫停.好比每次打完一炮之後,當執殼兵清左個空殼之後,就會用高壓空氣吹入炮管,主要係將入面殘留既金屬碎屑吹走保証炮管暢通,如果冇風出或者係果條友唔記得,炮長就即刻上去嗌停兼且鬧人勒.