018

引用:

原帖由 私鐘 於 2007-9-22 16:55 發表


全部都刪除 即係冇買      

咪就係

引用:

原帖由 熊魔鬼 於 2007-9-29 20:26 發表


重新出既post有時間寫住幾時出,
編輯既post一樣係有時間寫住幾時編輯,
兩者有乜分別??

兄台, 等我黎同你解釋一下

呢度個系統有一個問題, 就係編輯的時間會根據user自己個時間, 但出post的時間就根據系統的時間.

即係點呢?

俾如話我而家出呢個post係早上香港時間8:00,
然之後我去「控制面板」度轉我自己個時間做英國時間, 之後再edit個post,
咁我個編輯時間就會係 00:00

問題係, 當我轉番香港時間之後, 編輯時間仍然會寫住「00:00」
同樣道理, 即係如果場波係9:00開打, 我投注個post係響果日7:00
假設12:00我睇完場波, 但主持人又未計分, 咁我就可以用編輯時間呢個漏洞.
>>首先我去控制面板度搵一個地區係慢香港時間４個鐘的．
>>然後我去edit我個post, 改為「a隊晒冷」
>>之後我去轉番做香港時間

咁樣計分員就會以為, 我7:00出post, 8:00改post, 場波9:00先開波, 就會當我嬴.

引用:

原帖由 熊魔鬼 於 2007-9-29 21:42 發表


<費時口到鼻拗，所以凡編輯既投注就作廢>
呢個冇問題,
係我自己冇睇清楚規則.

但問題係點解將之前一層既留言編輯,
而重新出過新post,
咁樣又唔當係有編輯過呢??
其他人已經睇唔返佢之前既留言寫 ...

或者我用呢個post做一個實驗, 你就會好清楚.

[ 本帖最後由 Orange+Fai 於 2007-9-30 06:55 編輯 ]

引用:

原帖由 熊魔鬼 於 2007-9-30 22:15 發表
請問大家估唔估到我編輯左既文章,
原來係投注乜野?

答案係~~

話俾你知喇, 你出post之後的1-2分鐘之內你改左個post係睇唔到你改過架

但你試下5分鐘之後再改下睇下點

引用:

原帖由 熊魔鬼 於 2007-9-30 22:49 發表


剛剛又改多次,
但係睇唔出有乜唔同??

仲係「樸茨茅夫   W*1000 」喎, 有改過咩?

引用:

原帖由 熊魔鬼 於 2007-9-30 23:53 發表


樸茨茅夫贏左波梗係唔需要編輯啦,
我係講樸茨茅夫對上一個post,
用左你教我既修改國家時間黎編輯,
一樣可以將我之前明明輸左既投注遮蓋,
重新開一個新帖,
咁樣等如同我喺返原先個帖入面修改係冇分別,
一樣可以做手腳.

你講唔認輸的問題? 係呀, 就算有唔准edit post都有呢個問題
但主持人可以做到的只有咁多, 就係唔俾呢d作弊者有分嬴, 我地暫時未有辦法阻止人唔輸得

引用:

原帖由 熊魔鬼 於 2007-10-1 01:15 發表


我冇講認唔認輸既問題,
我講既係既然主持人set規條既目的係唔想有作弊者出現,
影響遊戲規則,
就應該要貫徹實行,
唔應該有灰色地帶,
分類為點樣編輯就可以,
點樣編輯就唔可以,
編輯左就係編輯左,
我已經做左一個示範,
證明主持人所容許既編輯一樣可以作弊.

講老實說話, 我實在唔知你想點樣囉
你講果個問題, 即係一出完個post即刻edit, 乜野都睇唔到, 咁梗係計啦
何況只係1-2分鐘, 參賽者根本出唔到貓!
但係好似你個case咁, 你編輯時間都出左黎即係代表你過左一段時間先edit的, 睇到你edit過, 咪唔計你, 有咩唔岩?
乜野灰色地帶先? 你唔好捉字蝨, 人地金巴一早就講到明編輯一律作廢. 理得理點樣編輯, 係你自己唔睇清楚先.
你講到咁樣, 我又想問下閣下如果係主持人會點樣做?

仲有, 你一開始係話你見到有d人edit過但金巴都計分, 咁就唔該俾d證據黎睇下.

引用:

原帖由 熊魔鬼 於 2007-10-1 02:16 發表

<你講果個問題, 即係一出完個post即刻edit, 乜野都睇唔到, 咁梗係計啦
何況只係1-2分鐘, 參賽者根本出唔到貓!>
我出完個post之後即刻edit,
係作為示範之用,
正如你講編輯既時間係可以做手腳,
所以同樣情況係可以發生喺球賽結束之後,
任何時間edit都係一樣可以作弊.

咩叫任何時間都可以作弊? 一分鐘之內點樣作弊?
你成日乜野杜絕呢D作弊, 我想問, 你一分鐘之內就改左個POST根本其他人都睇唔到, 點check?
個情況係, 根本1分鐘之內改POST就唔可能構成作弊, 有乜野需要討論?

引用:

<但係好似你個case咁, 你編輯時間都出左黎即係代表你過左一段時間先edit的, 睇到你edit過, 咪唔計你, 有咩唔岩? >
請睇清楚先講,
我編輯果陣係所有比賽都未開始.

講極你都唔明!
主持人點知你係咪改過國家時間先EDIT? 你額頭寫住你改過咩唔通?
就係唔想有爭拗先至定呢條規則, 你由頭都尾都唔明主持人的用意!!

引用:

<乜野灰色地帶先? 你唔好捉字蝨, 人地金巴一早就講到明編輯一律作廢. 理得理點樣編輯, 係你自己唔睇清楚先.>
咁係咪你都認同比賽區內任何編輯文章都唔應該出現?
唔應該分類為邊種編輯就可以,
邊種編輯就唔接受呢?

我認同, 但1分鐘之內的編輯係睇唔到, 你搞咁多野, 究竟想點?
係唔係想主持人計番你果條的分?

引用:

<你講到咁樣, 我又想問下閣下如果係主持人會點樣做?>
頭先講左,
應該貫徹執行,
唔應該分類為邊種編輯方法可以接受,
邊種編輯方法就唔接受.

好, 咁請你講清楚有幾多種編輯, 唔好整到個問題懶係複雜!
我自己睇到只係有兩種,
1. 一分鐘之內edit的, 係就係無證據係出面睇, 但係根本作唔到弊, 有咩所謂?
2. 超過一分鐘作弊, 就有我所講改國家時間而作弊的問題, 主持人點知你係誠實定係後面做過手腳

總之一句, 點解你係都要做埋d野瓜田李下? copy左d野, 再出一個新post係唔係好難?????

引用:

<仲有, 你一開始係話你見到有d人edit過但金巴都計分, 咁就唔該俾d證據黎睇下. >
其實我一路都有同主持人pm緊,
你講既證據我都俾左佢,
我唔想post出黎,
就係因為唔想太多人加入討論,
輪流向我發問,
正如你而家既情況一樣,
你不停向我發問,
我要不停答你,
咁樣做只會搞到個問題越來越覆雜.


所有問題,
不如留返我同主持人傾,
好嗎?
  

我自己係另一個遊戲的主持人, 紅豆沙就更加唔使講, 點解我地唔可以加入討論?
不停對你發問係因為你只係永遠用自己個角度去諗!
有d乜野唔見得光係都要匿埋討論?
呢單野你講到咁嚴重即係單野關乎所有參賽者利益, 我唔明白你做咩要整到個discussion 鬼鬼祟祟?