引用:

原帖由 KidHung 於 2008-5-19 23:42 發表
第１集，ｏｋ，有追看感！
好耐都冇睇過林文龍

不過有最憎的蛇詩慢同鄭加詠....

引用:

原帖由 KidHung 於 2008-5-29 23:20 發表
嗯，澤琛就好慘！本身係孤兒，仲要失去個未婚妻

咪就係....唉....

小柔係咪死埋??

引用:

原帖由 露哂先機 於 2008-6-4 16:17 發表
TV癡的劇集真係越黎越癡!

講到個MADAM 咁叻咁勁, 個老母有事又痾又嘔(係食物中毒喎)竟然唔係CALL白車而係CALL個響酒樓食緊飯既老豆上黎睇佢!!??

無記的編劇只要唔係文盲都可以勝任!

為了堆砌一幕大媽同細婆兩母女嘈交的白癡戲!
竟然講到一間屋內有一個法醫一個法証兩個女幫辦仲有成班差佬差婆,竟然唔係call車送伯母入醫院,而係企響度加入嘈交!!!!!!!!!!!!!!

兩個食環署職員響酒樓同個太子爺講佢間野食物唔乾淨,果幕真係笑爆咀到呢,黐Q線,個兩個職員講野的語氣好似兩個酒樓部長幫客寫菜咁,佢地講的程序更加係亂咁作,有間酒樓食到人食物中毒,邊會咁樣查?個老細一家仲可以坐響度話"唔係要坐監咁大件事呀!",我笑到噴飯!

算啦,點都好過早輪果套"禽流真菌",簡直係超垃圾!

係唔明點解呢版會有個無記義務市場策劃經理,乜劇集都話好睇!仲捧場個 D 師奶!

(補記 : 費事比人抽後腳, 尋晚果集係響某澡堂LOBBY等入閘時,全場四部電視都播住時無意睇左大半集)  

tvb係唔係拍垃圾劇集, 人人有唔同的睇法, 我唔方便加入自己主觀意見

TVB劇集好多場口都係特登搵劇來俾演員們「發揮演技」, 相信有睇電視都清楚一二.

不過令小弟有興趣回應呢個POST的原因, 係小弟發現如果真係好多人, 明明講到自己對乜乜物物幾反感、幾唔中意, 又係咁踩, 點知又要睇!

原本都唔想俾人話「抽人後腳」, 不過有人自己舉高隻痛腳, 唔幫佢捉下又點得?

你唔好話我聽, 你第一次睇就知道「個MADAM 咁叻咁勁」?
只係睇左一集....唔係, 係「響某澡堂LOBBY等入閘時,全場四部電視都播住時無意睇左大半集」下, 就可以知道劇中咁多人的職位, 知道邊個係「差佬」、邊個係「法醫」、邊個係「法証」、邊兩個係「女幫辦」.....?

喂大佬, 我而家真係「笑到噴飯」喇!!!

引用:

原帖由 露哂先機 於 2008-6-11 12:41 發表


對於那些專門搵交嗌的細路的智力水平,當然係唔明白點解別人會睇一陣就知人物性格,角色關係,時代背景!

咁叫做抽到人後腳?我就真係笑到噴飯!

師奶台電視汁養大的人,當然只會跟著白癡編劇的思維,自己白癡就以為全世界的人都係白癡!

細路,搵交嗌行遠的啦!

自己露左底, 仲學人講露晒先機?

笑死人咩!! 講講下知自己穿煲, 咪話人細路諗住就咁遮住佢算數囉
連回應我的說話都唔夠膽?

我有無話唔反對你所講的野先? 我都覺得入面有d場口唔多合理, 你所講的母女哎交一場正是一例. 但我同你唔同的係, 我唔會因為呢樣野而唔睇呢套野姐.

你係有睇開咪認左佢囉, 睇左又要扮無睇, 仲要扮到自己好委屈咁睇左大半集先令我覺得最惡頂!

引用:

原帖由 露哂先機 於 2008-6-11 15:17 發表
我回應左你啦,你未夠智慧睇唔出?定扮睇唔到?

有些人比較蠢,睇電視要角色講到明"我係幫辦,我係差人,我係法証,我係法醫,我係兇手,我係幫兇.......我係小販......我係路人甲.....我係...."

呢類叫電視盲,平常視力無問題,但一到睇電視就變盲,除了演員講對白交待劇情外,佢地係睇唔明亦接受唔到其他表達方法!

所以這些人是不會理解為什麼別人只看數十分鐘便可以明咁多野!

他們的理論是 : "我都要睇成十幾集先明,你睇一陣就明,唔好玩啦!"
_____________________________


成套戲我就係睇左果大半集!
我無講大話,亦無需要你認同!

我亦無諗過同人嗌交,係你先撩者賤!
上個post我已忍手,可惜你亦看不出來,唯有用番你一向理解事物的方式來回應你!

唔用腦,蠢,本來無罪,好多人都係咁,我亦從無罵過那些電視迷!

但係你就抵鬧!因為你無容人之量,亦唔識得咩叫包容同欣賞!蠢得黎仲要串,咁先至抵抦!

我睇大半集就知道咁多野好出奇咩,TV低B的劇集有幾多度板斧?

你自己蠢要全世界人都陪你一齊笨?

係你唔識用腦咋!唔用腦仲要唔抵得人有腦,你話你係咪抵鬧?

咁醒目? 呵呵, 無記錯的話, 果集有講到入面d人的職位係咩?
哦, 睇左一集, 呀唔係, 你老哥所講的大半集, 就知道咁q多野?

好心你, 明眼人一睇就知邊個睇左扮無睇黎鬧人啦
講唔掂, 上次邊個挑釁人先? 邊個唔係討論, 一開始就懶醒先踩節目, 再話人細路? 連基本要討論的禮貌都未曉!
呵呵, 而家連話人蠢都出埋
詞窮未呀? 不過睇你仲有大把? 唔緊要丫. 不過勸你睇番你所講的一集, 應該網上有大把可以download. 睇完之後幾得話我知究竟你點解憑「大半集」就知道晒所有人的職位.
呢度好多人都唔係蠢, 可以俾你隻手遮天.
tvb節目係無深度, 大鋼同劇情估到好正常, 不過連咁details的position name都知道....呵呵....睇一集就知.....你中意自欺欺人咪繼續囉

引用:

原帖由 superengine 於 2008-6-27 23:57 發表
可疑人物應該燒阿佘張相之前打一次小人先

出左喇, 陳丹丹丫嘛

引用:

原帖由 Bond007 於 2008-6-29 00:56 發表



Rubbish ending !!!   

陳丹丹那有可能識得弄計時炸彈

ending係唔係rubbish....我就同意一半喇

至於點解陳丹丹識整計時炸彈, 一方面可能好似你所講的老作喇, 但如果解釋做果個海哥生前教佢的話, 其實亦算合理.