首先,大家理性討論是一件好事.

撇開侵權或其他法理問題唔講,呢度post的相主要分為兩類,一是各位同佢地的合照(曾經是同事/朋友),二是在其他場合自己影佢地的一舉一動.

我覺得如果是第二類,在其他場合自己拍,只要唔係乜野醜態,唔影響當事人個人形象的,可以接受,照登.

至於第一類,問題較複雜,因為當日合照時,你唔會問當事人,"喂,第日可唔可以post出來架?",但如果我地就此推論,當事人冇講唔得即係點處理都得,咁講法,在理的層面還講得通,在情就可能有少少商確.

我的立場是,如果我本身咁好彩識得佢,我唔會登佢的相,因為多多少少,我係靠同佢的關係影的,我會珍惜同佢的關係,在未問過佢下,我自己唔會登.

當然仲有第三種情況,佢本身唔識我,但我在街上見到佢,走埋去同佢影合照,呢種情況,我覺得登亦無妨,因為呢d公眾人物,可能都會預左有人會傳閱呢d相.

唔好意思,長篇大論,總之大家理性討論,多d人討論,都係一件好事.

阿媽教落,做人多一分尊重同包容,對己對人都好d.哈

我都好反對批評主播的親人,對佢地更唔公道

我地多d將自己代入主播及佢地家人的角色,就會體諒佢地多一d