[原創] 條女係我面前狂數"港燦"男友

日前去k玩, 遇著件陀地(廣東), 19歲, 卜卜脆, 幾好傾.
突然傾開佢條仔, 原來係"港燦", 條女係甘投訴, 話條仔又煩又痴身, 最煩係連衫褲鞋襪底衫褲都幫佢買埋, 原話節錄如下, 供各沉船港燦深思:
"佢都傻既, 以為自己係香港人就好巴閉, 咩都要我聽晒佢, 咩都幫我安排好晒, 咩都管住晒, 重煩過我老豆. 我想做咩都話唔好, 成日係香港買埋晒d佢自以為好睇既衫, 又唔知道我鍾意著咩, 我適合著咩, 當我好似娃娃公仔甘, 任佢搞. 痴線! 除左我手上呢部手機之外, 佢買既野我無樣鍾意, d衫著又唔係, 唔著又唔係. 我自己又唔係買唔起, 佢係香港買d衫又唔見得靚過我去虎門買個d.....兩個人一齊, 最緊要開心, 咩都要我依照你意思, 點會開心呀!"

今時今日, 大陸既女仔已經"進步左", 尤其有賺錢能力既女仔, 咪以為咩都比晒佢就溝到佢, 其實又唔係要同佢做人世, 反而搞到條女係第二d男人面前數落, 確係值得深思.