轉貼一水庫雅典城有賊，千其唔好去

上個星期六我同兩個朋友去左水庫果間雅典城水療休閒中心按摩，硬件配套唔錯，地方幾骨子，可惜到最後令人好失望！令我地決定以後都唔會再去！！！

事緣我朋友係按原摩後在原房留宿，早上扎醒時，發覺本來放在枕頭下既銀包同手機不翼而飛，即時向服務員頭訴，馬上試打自己的手機號碼，竟然在另一房間傳來電話響起之聲，發現我朋友既銀包同手機就被藏於該房間既枕頭下面，點算後發覺並無財物損失，所有現金、信用咭同証件都係番度，即時抺一額汗，(估計係果度既職員做既，應該係來唔切攞走，我個朋友就扎醒左，所以就求其收係另一房間既枕頭底，如果係外面人做就一早攞走左啦)，即時向肥部長興帥問罪，要求翻看該時段既錄影帶，個肥部長竟然想我地搵番就當無發生過，叫佢報公安又唔肯，最後搵埋保安主任出來比我地既答覆係該時段保安錄影系統壞左，乜都錄唔到，咁樣耍我地，真係比佢吹漲，最後個部長就打個八折比我地埋單算數，唯有一肚氣咁埋單走人。

其實我地覺得唔係搵翻就可以算數，個負責人應該要作出合理交代，單野擺明係佢地自己人做，其實有心查一定可以查到，當時上班既而負責果層樓既服務員都無幾多個，佢地根本係有包卑之嫌，估計呢個場可能有唔少客中過招，所以呢個場係星期六都咁靜，各位師兄以後千其唔好去呢個場呀，仲有以後按摩時一定要小心財物啊，銀包、証件、手機一定要跟身呀！