由於12月至1月期間在趕工,所以一連串電影都miss左...
好彩世界上有dvd,而家努力睇戲...分享report...

講番今次部戲[破事兒], 自已一向都喜愛小彭導演既戲, 有心思,細節豐富,夠黑色幽默,有時仲幾抵死...以上種種都在本片中見到. 睇戲有時覺得有d故事其實真的不夠拖一個半小時, 小說都有長篇短篇啦...而演員方面,我覺得彭導處理幾好睇, 感覺最深係陳逸寧真空小短褲,視覺上十分吸引,而stepy既雙面性格又幾到肉...片段短,演員戲唔係太差都唔多覺,可以過骨...
正如市面上既資料所講本片有6,7個故事...
陳輝虹同大塊田既夫妻訪問,非常低調,賤格而抵死
陳弈迅+陳逸寧個part就比較咸濕同好笑
stepy同阿嬌既個part, 就令我感覺最深, 身邊既朋友到底係真心幫你定另有心思...而結果又可以變另一樣野, 人生無常...加多句juno個角色亦做得幾入型入格...
而杜汶澤既叫雞以外故事,淡淡而有feel
當然又唔係每一個都係好睇, 起碼我就唔鍾意,sun boys--stephen既[德雅星],余文樂既[尊尼亞],同陳冠希既[公民責任],就麻麻...

本片票房最後都係強差人意,幾百萬貨仔就收場...我既睇法係這種片在宣傳上係有一定既難度, 冇重點冇主線,傳統宣傳人睇見都投降...
不過如果部戲遲兩個月上映,相信又係另一局面, 世事就係甘奇妙, 片中演員有幾個都跌入呢個淫照風波, 如果食得住個勢, 可能又係另一回事...

你唔在香港,話晒都叫做聖誕節唯一既港產片wor...