睇咗[一夜賭城戀大咗]what happens in vegas…

有時真唔知要佩服d美國佬定要炳吓d香港電影人, 明明係港產片既神髓但比人借屍還魂變成一部好睇既美國娛樂片.
套戲個故事超簡單,如果有睇過預告片就完全明白部戲條大橋係講乜野, 如果未睇過講出來亦無妨,因為睇本片既樂趣係睇男女主角鬥法而唔係睇條大橋有幾絕.
個故事大約係講男女主角因為不同原因走咗去VEGAS賭城瘋狂咗一日,結果當然係相識,飲大同結埋婚…醉醒之後大家講好搞離婚,點知酒店分手之前兩人一齊中咗老虎機既大獎三百萬美金….之後故事發展唔使講太多大家都估得七七八八. 其他野就已經唔重要,因為之後就係睇美式cheap皮笑話.

男女主角係[情迷索瑪莉]既金馬倫戴雅絲同香港唔太出名既艾士頓吉查(迪美摩亞既男友), 一個中到唔中既中女同一個廿中歲既死靚仔又有幾好睇?出乎意料又唔係想像咁差起碼順眼.

一直都想唔通點解呢類戲在香港幾乎絕跡., 昨晚在戲院睇時明明大部份觀眾睇得開開心心,證明有市場, 但係香港呢類戲一直用低成本去製作, 唔吸引既演員同狗肉既劇本同配套, 點會有人入場睇. [戀愛初歌],[單身部落],[甜心粉絲王]你想睇多一次嗎?