[原創] 我睇咗[非常爆內幕]同點解香港唔會有[海角7號]

runaway

元老用戶組

Rank: 6 Rank: 6

帖子: 4856
積分: 21831
金錢: 6908
性別: 男
註冊時間: 2002-11-9

1^# 大中小發表於 2008-12-3 15:44 顯示全部帖子

[隱藏廣告]

我睇咗[非常爆內幕]同點解香港唔會有[海角7號]

昨日好榮幸同前嘉禾前老闆既鄒老闆一齊睇呢部戲.一代高手同一代癈柴集於一身,真係[成也風雲,敗也風雲],一個王國自己創造亦死在自己手上都算係天意.ANYWAY,有機會再講嘉禾既事情.

講番部戲,導演係BARRYLEVINSON, 算係美國大導演,拍過38部片,我對佢既”WAG THE DOG”同”ANALYZE THAT”都幾鍾意.部戲聽聞最近喺某個電影節做閉幕電影.演員方員除咗有羅拔迪尼路外,仲有唔少群星供照. 故事方面…可以話好簡單又可以話好複雜.主要睇吓你係乜野人.

其實個故事一句說話就講晒, 部片不過係講美國荷里活一個主流片廠既製片人兩個星期既生活.但係如果你唔知乜野係美國7大主流片廠?又唔知製片人既工作係乜?或者雙方同導演之間既關係點樣?唔明既人,相信部戲比睇[2001太空漫遊]更高深.相信在香港睇呢部戲睇得有感覺既人未必有500人,更加唔好講有共鳴.所以點解部戲有得上映?原因得一個,發行人心諗---多明星睇所OK,故事明唔明好小事啫…同樣原因,冇乜明星(過氣既范逸臣算唔算係明星?)成本千二萬既[海角7號],在香港根本唔可能出現. 現在既香港電影投資人,保守,自閉,低水平,成日要名演員, 加上本地觀眾普遍膚淺, 冇鍾意既演員唔肯入場, 做成香港演員坐大.亂開片酬.做成製作成本加重. 人地[海7]既所有演員費總數都不過係一百萬左右.香港製作,演員費通常沾總製作費一半. 港產片如此下去想唔死都幾難….

相關搜索目錄: 投資 Dog

附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.

TOP

‹‹ 上一主題 | 下一主題 ››

重要聲明：本討論區是以即時上載留言的方式運作，本網站對所有留言的真實性、完整性及立場等，不負任何法律責任。而一切留言之言論只代表留言者個人意見，並非本網站之立場，用戶不應信賴內容，並應自行判斷內容之真實性。於有關情形下，用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限，故不能完全監察所有留言，若讀者發現有留言出現問題，請聯絡我們。本討論區有權刪除任何留言及拒絕任何人士上載留言，同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。