睇書30年, 自古龍仙去, 金庸封筆, 溫瑞安停產, 李天命睇得辛苦, 李碧華唔係講鬼就講食, 亦舒不再過癮, 梁羽生扮晒野, 芥川龍之介同川瑞康城睇盡唔入腦, 唔通真係要睇.....

直至最近發現台灣出現一個奇人叫[九把刀]

有睇過就吹兩句啦...

好啦,好啦...終於有人回應...首先回應法王老兄..."恐懼炸彈"是九把刀的早期書,唔記得係唔係第一本..., 我同意有好多毛病, 不過20歲出頭可以寫到這樣已經不錯...對九把刀有興趣之人,我提議可睇[樓下的房客],同[那些年,我們一起追的女孩]...之後再睇[獵命師系列],[功夫].....

明日我再寫對[樓下的房客],同[那些年,我們一起追的女孩]的觀後感

對於[少林第8銅人],我覺得在玩過千萬次的少林寺上,還可以有新搞作創意方面的確厲害...加上暗玩[倚天屠龍記]改寫了張三豐出身,我覺得幾欣賞...

對於言情小說一向閱歷不多,看了八成亦舒,幾本張小嫻,再加李碧華之所有.但睇完了九把刀的[那些年...]之後感動至深, 故事真真假假也好, 是講一名男子在初中二年和同班另一個女子之8年感情事件,當中全部細節都是台灣鄉土味,但又不太影響作為香港人的我去了解事情的味道, 基本上悲歡離合意料之中,但過程好睇單純清新,三日睇完心感震蕩,可惜自已多年來沒有如此深刻至真的感情,作為單身既中年人睇之前,睇此書前要做好準備...

九把刀既感情系列---包括[等一個人咖啡],[愛情兩好三壞],[媽,親一下],[那些年,我們一起追的女孩]...
我本人覺得應該先睇[那些年],再睇[媽,親一下]...因為那兩本書是九把刀第一身講他自已的事,有關人物和時空的細節交代,先看[那些年]是比較有趣...同時有關[媽,親一下],作為一個大男人不應成日講情講塔,但[媽]這本書真的令我重新估計我和母親的關係...

深圳要搞齊左九把刀係好難, 基本上我都係去銅鑼灣開益書局,或者sogo後面一間上樓叫[台灣書局],兩間都ok...

法王兄原來住九龍, 我在旺角上樓書局都有見過, 田園,青文之類都會有, 可能要走幾間書局呢...