引用:

原帖由 boot_boot 於 2012-7-25 15:07 發表



知己唔太難揾, 但健康係冇價寶.   

我會首選健康.   

當然冇健康乜都冇，乜嘢功名利祿，金銀財寶，父母夫婦，叔伯兄弟，親朋戚友，乜都冇用。人嘅一生有喜、怒、哀、樂，無論成功或者失敗，最好係有人分享或分担，所以，人生得一真正知己死而無憾！

引用:

原帖由 858991 於 2012-7-25 12:34 發表
好耐冇上來喇!心情不好時又冇人可以傾訴,想到之前每次看完仲惠哥哥的文采心情都會好轉,所以又來了...

認真高興再見到閣下在這裡，再一次謝謝閣下誇讚，這裡好文采之人多如過江之鰂，閣下亦是在其中。歡迎閣下隨時到來，海闊天空，天南地北無所不談。

[ 本帖最後由 81tkhk 於 2012-7-29 02:00 編輯 ]

引用:

原帖由 藍蝶 於 2012-7-26 14:30 發表

認同中的認同

承蒙閣下抬舉，有飄飄然之感，亦不期然帶來誠惶誠恐之意，實感愧對列位有識之士。

引用:

原帖由 chanpowing$ 於 2012-7-26 11:21 發表



非常認同，仲惠兄字字珠璣，得益不淺  

閣下使唔使咁大頂高帽笠過嚟呀，在下實在受之有愧，更無地自容。

唔知各位睇古裝清朝劇，裡面啲軍服，有啲用個(勇)字有啲就用個(兵)字，知唔知點解？請待下次話你/妳知。

引用:

原帖由 81tkhk 於 2012-8-9 05:27 發表
唔知各位睇古裝清朝劇，裡面啲軍服，有啲用個(勇)字有啲就用個(兵)字，知唔知點解？請待下次話你/妳知。

在下而家話俾大家聽，清兵嘅制服點解有啲用 (兵)字，有啲用個 (勇)字。努爾哈赤帶佢嘅(八旗)滿族子弟兵入關，佢地嘅軍服就用個(兵)字，後來子弟兵唔够用，要就地取材，命曾國藩組織起各地鄉勇，維持地方治安，佢哋嘅制服就用個(勇)字嚟分別 (八旗兵)同漢人嘅鄉勇。

[ 本帖最後由 81tkhk 於 2012-8-18 01:16 編輯 ]

由夏朝開始直到清末，經四千年，六十七個朝，共四百四十六個皇帝，大家估吓，果啲皇帝嘅平均壽命有幾歲？估中冇獎，下回開估。

引用:

原帖由 81tkhk 於 2012-8-26 04:32 發表
由夏朝開始直到清末，經四千年，六十七個朝，共四百四十六個皇帝，大家估吓，果啲皇帝嘅平均壽命有幾歲？估中冇獎，下回開估。

而家開估俾大家，果啲皇帝佢地嘅平均歲數，衹係得四十二歲幾，同而家嘅人比，減少咗成 50%。

一生人可唔可以讀破萬卷書呢？萬卷書究竟係幾多？下次大家傾吓。

引用:

原帖由 81tkhk 於 2012-9-12 08:50 發表
一生人可唔可以讀破萬卷書呢？萬卷書究竟係幾多？下次大家傾吓。

東漢時代蔡倫發明造紙之前，書寫文字在竹簡上面，最初用刀刻後來就筆寫。一卷書大約有20-30片竹簡，用繩連結，每片大概可以寫30-50字，要看字嘅大細而定，計算方法；一卷書算佢30片X每片40個字 (30X40=1,200個字一卷，一萬卷=12,000,000個竹簡字)。而家多數書都係每頁(前後計算一頁)約32行，每行約25字，一本書大約229頁(32X25X229=183,200字一本書)
用12,000,000字嘅一萬卷書去除183,200字嘅一本印刷書(12,000,000÷183,200=65.5印刷書)假如我哋每月讀一本，大約用五年半嘅日子就讀完萬卷書。

好多時都聽過人講， 我真係怕咗佢，我見倒佢就 (退避三舍) ， 噉唔知三舍有幾遠？退幾多至啱？下次就知。

引用:

原帖由 81tkhk 於 2012-9-22 08:36 發表
好多時都聽過人講， 我真係怕咗佢，我見倒佢就 (退避三舍) ， 噉唔知三舍有幾遠？退幾多至啱？下次就知。

古時啲軍人行走，佢哋用三十里作為一舍，三舍即是九十里。

有日宋代學者朱熹，在市集碰見一位朋友提着一個籃，他問那位友人；想買何物？那人想也不想便答；買些東西。朱熹問他，東西究竟是什麽？為何不買南北？東西是什麼？下次再談。

引用:

原帖由 81tkhk 於 2012-10-4 02:33 發表
有日宋代學者朱熹，在市集碰見一位朋友提着一個籃，他問那位友人；想買何物？那人想也不想便答；買些東西。朱熹問他，東西究竟是什麽？為何不買南北？東西是什麼？下次再談。

我哋嘅五行方向，東、西、南、北 、中所屬係，金 、木 、水 、火、 土。朋友個籃淨係可以儎金屬同埋木造嘅用品，唔可以儎南北嘅水同火，古時啲土隨地都有唔使買。從果時之後[買嘢]就叫做買東西。

事情係噉嘅，有日我哋啲人，帶齊燒豬生果酒水去拜先人，同時隔离有幾個西人，帶住幾朿鮮花去拜佢哋啲人，其中有個西人問；[咁多食物，你哋底下嘅人幾時會上嚟食嘢呀？] 一個中國人答佢；[你哋啲親友上嚟欣賞你嘅鮮花果陣，我哋嘅人就會上嚟食嘢兼賞花！]

事情係咁樣嘅，一對美國嘅夫婦，去宗教城市----耶路撒冷旅遊，不幸佢老婆於途中去世。當地殯儀館老板問；遺體下葬喺呢道或者運返美國？本地葬嘅費用US$3,000--如果運返美國則要US$35,000--，丈夫答；運返美國，老板覺得奇怪就問；點解貴成十倍你都要運返美國葬？丈夫答；我聽見有人講過，曾經有人葬喺呢道，三日後佢就會復活！


各位知唔知咁貴都將佢老婆運返美國?而唔就地埋葬?

[ 本帖最後由 81tkhk 於 2012-10-19 01:08 編輯 ]

引用:

原帖由 81tkhk 於 2012-10-18 01:01 發表
事情係咁樣嘅，一對美國嘅夫婦，去宗教城市----耶路撒冷旅遊，不幸佢老婆於途中去世。當地殯儀館老板問；遺體下葬喺呢道或者運返美國？本地葬嘅費用US$3,000--如果運返美國則要US$35,000--， ...

靜靜地話比大家聽，佢老公唔想佢葬果道，原因係耶穌葬咗落果道(耶路撤冷)三日後就番生。噉各位應該明白架啦！

社交上介紹老婆個老豆比人識，一般都唔會講佢係我老婆，或者我女人，又或者係內人，賤內嘅父親，爸爸或者老豆。廣州或香港話，大多數發音都會講，呢個係我嘅(外府)岳父，岳父呢兩個字點嚟嘅呢？下次再噏。

引用:

原帖由 81tkhk 於 2012-11-4 04:59 發表
社交上介紹老婆個老豆比人識，一般都唔會講佢係我老婆，或者我女人，又或者係內人，賤內嘅父親，爸爸或者老豆。廣州或香港話，大多數發音都會講，呢個係我嘅(外府)岳父，岳父呢兩個字點嚟嘅 ...

(岳父) 呢個稱呼係由舊時皇帝祭天(封禪)果陣，(封禪)嘅儀式係要喺山頂舉行，東岳泰山係五岳之首，皇帝多數選泰山嚟做(封禪)之地。話說唐玄宗李隆基指派佢個高官做呢個位高權重嘅 (封禪使)，由於當時得令，佢張自己個女婿，由九品官提升到五品，皇帝發覺當面質問，旁邊啲同事笑佢 (呢啲就係泰山嘅力喇)。件事傳咗出去，啲人就叫九品官個老婆嘅老豆做 (泰山)，又因為泰山係五嶽之首，噉換句話即係山岳之父 (岳父)。

唔知呢棑啲人去哂邊？去咗開實發達？

看看各位能找出下面有幾多個 'F' 字；
FINISHED FILES ARE THE RESULT OF YEARS OF SCIENTIFIC STUDY COMBINED WITH THE EXPERIENCE OF YEARS.......。


HOW MANY  ' F ' s

星期六開估。

引用:

原帖由 81tkhk 於 2012-11-21 05:21 發表
看看各位能找出下面有幾多個 'F' 字；
FINISHED FILES ARE THE RESULT OF YEARS OF SCIENTIFIC STUDY COMBINED WITH THE EXPERIENCE OF YEARS.......。


HOW MANY  ' F ' s

星期六開估。

'F' 字嘅正確答案係...............6個

引用:

原帖由 chanpowing 於 2012-11-28 01:33 發表

古學維基

老兄，唔見咗好耐，好嘛？想定必事事如意。嘩！一返嚟就咁大頂帽笠過嚟，好莘苦呀。

在數目字中1、2...........9、0十個字裡面有奇數 (單) 偶數 (雙)，噉 0 (零)究竟算係單數抑或係雙數？

引用:

原帖由 kamsanhk 於 2012-12-27 18:29 發表
傳說中既自問自答 ?

歡迎閣下光臨，在下不學無術，尤其是數理方面。原由是從報章中得知，某城市為環保，汽車行走要按車牌尾數字，分雙日與單日行駛，而該市車牌尾數是零字者，不論是單日或雙日均在市面行駛，執法人員也沒有按雙單開罰票。在下一時好奇而已，並沒有閣下所言; (傳說中既自問自答)敬請明察。