引用:

原帖由 藍蝶 於 2011-2-20 17:58 發表

先謝過贈言，再回送閣下四字 【碩學通儒】，在下見笑大方

乜咁大頂高帽笠過嚟，令在下卻之不恭，如果受之就非常非常有愧，唔知點好，面都紅哂。

引用:

原帖由 藍蝶 於 2011-2-21 13:22 發表

你講得無錯，磨咗D豆，再煮咗佢...
不過要再仔細d，因為用唔同嘅煮製法，磨豆的粗幼有分便，平時我飲開Espresso, 豆要磨幼細一點，但Kopi Luwak咖啡用 French Press 或 Moka Pot 做法較適合，豆 ...

閣下對飲食認真有獨到嘅見識，哪！淨係飲咖啡都咁講究，直情令人羨慕。Espresso在下飲唔慣，嫌佢太濃，Kopi Luwak 太貴，想試吓都飲唔起。依道嘅咖啡興淡D嘅口味，同埋有D商店有自助免費咖非招待。

引用:

原帖由 扒扒 於 2011-2-20 11:10 發表

係呀,你好叻呀

叻鬼咩！淨係得個講字，正式係 (大隻廣)，乜都唔識做，淨係識食，而且仲係百彈齋主嚟添。

[ 本帖最後由 81tkhk 於 2011-2-22 02:43 編輯 ]

引用:

原帖由 扒扒 於 2011-2-22 12:54 發表

依三講,我都啱喎

在下認為閣下玩少咗一樣嘢------旅遊，記得閣下曾經講過，好少去旅遊。

引用:

原帖由 redhorse 於 2011-2-22 22:02 發表

阿爺教落,只要你認唔識,自然有人教你,可能唔使你做,重郁手幫你做埋添

有阿爺照住梗係好，點祇郁手幫你做咁簡單，閣下可以要風得風要雨得雨。

引用:

原帖由 扒扒 於 2011-2-22 12:57 發表

唔係呀,你食野咪好叻囉.

一D都唔叻，叻嘅係藍蝶君，在下淨係成日揀飲擇食，但係食又唔識，飲就更加唔惦。

引用:

原帖由 扒扒 於 2011-2-23 11:58 發表

我亦係一啲都唔叻

叻唔叻都無問題，起碼閣下識整，而且仲有人欣賞。

引用:

原帖由 藍蝶 於 2011-2-24 21:47 發表


你吹捧，我抬舉，禮尚往來

醒目仔女出嚟撈嘅三步曲，吹、捧、拍都似乎出齊，唔憂撈唔起。

引用:

原帖由 藍蝶 於 2011-2-24 21:58 發表


曾有段時間飲過量的濃咖啡，以致手震，現在都飲少咗，同埋都唔敢空肚飲，會胃痛。

唔知閣下會唔會改飲淡一D嘅呢？好似 Cappuccino 噉，香港 30幾度嘅熱天，飲番杯冰凍嘅 Cappuccino 都唔錯架。

引用:

原帖由 藍蝶 於 2011-2-26 19:37 發表


如何吹、捧、拍，撈得一時，唔撈得一世，最好就係有d"吃"力，加上時運，唔洗撈仲正得多 。

好多人都係目光淺短，祇顧眼前，冇睇得咁長遠，兼無所不用其極，過得海就係神仙。在下絕對欣賞閣下呢句；有d"吃"力，加上時運。

引用:

原帖由 藍蝶 於 2011-2-26 19:39 發表

這種情況，我會有個想法，寧願有事的是自己，因為我都算幾受得苦 。

偉大！捨己為人，義薄雲天，在下欽佩之至。

引用:

原帖由 HJ2127_ATR1 於 2011-2-28 02:17 發表


我就聽慣麥 Sir 講果句金句 : never give up 。

在下以為有D嘢唔可以死牛一便頸，要審時度勢，唔好心口鑲咗個勇字，就勇往直前，應謀定而動。有兩句茅盾嘅話；〔天下無事不可為〕另一句〔事不可為〕唔知邊句啱？

引用:

原帖由 藍蝶 於 2011-3-1 15:39 發表


我這個庸人，倒是間中會天下本無事，妄自擾之。

係呀！天下本無事，庸人自擾之。包括在下，世上99.99%嘅都係庸人，能够擧得出嘅智者又有幾多？智者又如何？智者千慮必有一失，愚者千慮必有一得。在下認為(得失)同天時、地利、人和更有關係。




唔知點解，頭先電腦又話上面嘅文字唔够十二個字符

[ 本帖最後由 81tkhk 於 2011-3-2 02:18 編輯 ]

引用:

原帖由 藍蝶 於 2011-3-2 13:36 發表



人生本來有得失﹐花落春來又花開。

在失去之餘，學懂要珍惜，這是人生一課的得著吧﹗
在享受得著的成果，背後曾付出的精力和時間，另一面而言，是失去過吧﹗

花開花落平常事，屹立風前有傲枝。:applaus ...

睇上面嘅文章，令在下想起後生果陣學Bookkeeping ，裡面有一條 GOLDEN RULE；有Credit就必定有Debit，Credit 同Debit 一定相等，換句話講，就係有得就有失。

引用:

原帖由 藍蝶 於 2011-3-3 10:09 發表


帳目清清楚楚就相等，不清不楚的話...，哈哈﹗盤數好亂。

盤數就一定要清楚，俗語有講；數還數路還路，人情還人情數目要分明。做人就唔使太清楚，千祈唔好"眾人皆醉我獨醒"自嗚清高。人一生就好似〔白駒過隙〕好快趣就玩完，珍惜當前每一秒鐘。

引用:

原帖由 HJ2127_ATR1 於 2011-3-4 22:53 發表


咁深奧，好難明。　

唔好取笑在下啦，彫蟲小技，不登大雅，簿記係在下年青時謀生本事之一，請勿見笑。

[ 本帖最後由 81tkhk 於 2011-3-5 01:22 編輯 ]

引用:

原帖由 藍蝶 於 2011-3-5 12:10 發表


朋友間最好都不涉及錢銀交易，為錢好易傷感情，曾經有一友人借了錢，自此避而不見，當然錢也不還，起初會感到惋惜，想深一層，這樣的朋友，不要也罷﹗

一個人自得其樂或許總不及獨樂樂不如眾樂樂吧﹗

生命 ...

講錢就傷感，近日家族爭身家嘅事，父子、夫妻、兄弟、朋友，五倫裡面嘅除咗君臣之外，全都齊哂。

[ 本帖最後由 81tkhk 於 2011-3-6 01:30 編輯 ]

引用:

原帖由 藍蝶 於 2011-3-7 23:56 發表


錢對我而言，夠日常簡單生活便可，但人性多數都會貪，得一想二，未必咁易能滿足。

錢唔係萬能，但係冇錢就萬萬不能，最少都要正如閣下所講嘅；〔够日常簡單生活便可〕，千祈唔好靠親戚朋友，自求多福。

引用:

原帖由 扒扒 於 2011-3-9 23:22 發表

鄭丹瑞同何嘉麗,唱過好多首歌,同林姍姍,都有合唱過.

在下對時代流行曲可以講係一竅不通，淨係識得鄧麗君嘅月亮代表我的心.............小城的故事果十首八首。

引用:

原帖由 藍蝶 於 2011-3-14 23:07 發表

自心自作，自性自度，自力自為，總之都係好自為之。

嘩！咁高深嘅佛謁同埋禪機，在下淨係識自慚形穢。

引用:

原帖由 藍蝶 於 2011-3-15 22:31 發表


閣下謙謙君子，卑以自牧。

呢道有咁多高人雅士，尤其是係閣下，在下想唔謙卑自養都唔得喇！

引用:

原帖由 Roster8888 於 2011-3-16 03:24 發表
歡迎…歡迎…

歡迎...歡迎....丈八金剛，唔知閣下歡迎邊位大駕光臨？在下驚住我地有失遠迎。

引用:

原帖由 藍蝶 於 2011-3-17 23:59 發表


我生得唔矮，但都唔算係高人，我唔講粗口，仍未算係雅士　

我唔會自命清高，實與凡夫俗子無異，我唔慕虛榮名利，只想樂安天命。

五蕰皆空，六根清淨，淡薄名利，樂天知命，隨遇而安，絕非凡夫俗子可為。

引用:

原帖由 藍蝶 於 2011-3-19 13:53 發表


閣下所言，在下頂多都只能做到後三者，五蕰皆空，六根清淨，到那個境界，或許便是我離世那一日，哈哈~~

現今社會裡能做到後三項者，真有如鳳毛麟角，可算是絕無僅有，可喜可賀。

引用:

原帖由 藍蝶 於 2011-3-21 22:53 發表

係呀﹗我曾經被人叫史前生物... 恐龍，真係絕無僅有，哈哈~~

或者可以用另一種叫法；〔萬綠叢中一點紅〕。





頭先電腦又話上面文章唔够十二個字符。