引用:

原帖由 扒扒 於 2011-4-16 00:52 發表

咪係,我咁多肉(玉),冇人識得憐香惜玉(肉)喎

在下每次返香港都會去憐香惜肉(去蓮香茶樓食免切肥义飯)

引用:

原帖由 chanpowing$ 於 2011-4-19 12:28 發表


那麼我也跌了不少腳毛, 到閣樓處唱歌仔, 又到後山跑補習助生計。   

請問閣下有冇去過四海打保齡同埋去慶相逢飲茶？如果有去，大家可能撞見過都唔定。

引用:

原帖由 扒扒 於 2011-4-19 13:23 發表

果然,好識得憐香惜玉(肉)喎

而家D人唔識憐音惜玉(肉)，因為佢地怕肥，唔敢食咁多肉。

引用:

原帖由 chanpowing$ 於 2011-4-21 00:31 發表


上下九都有間, 同惜玉去食一餐  

講起上下九成二十年都冇去過，果道都有在下唔少嘅脚毛留低咗。

引用:

原帖由 chanpowing$ 於 2011-4-21 00:34 發表


有保齡年代, 小弟仲係無產階級, 應該無咁"橘" 見過 lu  

同是呢版吹水人，相逢何必曾相識。

引用:

原帖由 扒扒 於 2011-4-21 11:54 發表

係呀,現在啲人,好怕肥,我都係,不過,我衰為食

國以民為本，民以食為天。食嘢大哂，尤其是好食嘅嘢，食咗唔會即刻死嘅，一定食，最多係唔食咁多，少少地噉啦。

引用:

原帖由 chanpowing$ 於 2011-4-26 14:07 發表


而家至睇到     

上下九行到督督咪蓮香, 再唔係過對面馬路陶陶居囉!

後生果陣時常去陶陶居飲茶，佢斜對面行两分鐘就係金星戲院，果道舊時好似叫做第十甫？

引用:

原帖由 扒扒 於 2011-4-27 10:58 發表

咁又係.
我係唔食野味,牛肉,羊肉

唔知係唔係後生果陣冇乜嘢食，狗肉都食，而家唔食囉。野味淨係食過果子狸，果次係一個非常識飲識食嘅商人朋友，由佢個私人厨師鼎力泡製，用日本廾個頭吉品乾鮑做配料，色、香、味都有齊，至今難忘。

引用:

原帖由 扒扒 於 2011-4-29 11:17 發表

我小時候,(阿媽)帶我去,(沙田)個(親戚)屋企,食(狗肉)我都唔食.

D狗肉煮起上嚟果陣，非常非常香，俗語都有講；狗肉滚三滾，神仙都企唔穩。不過在下而家唔食囉。

引用:

原帖由 藍蝶 於 2011-5-5 00:30 發表


識唔識佢唔係問題，你一樣可以同佢打招呼，佢應唔應你就另一回事。

很久以前，我和友人們到澳門玩，上船時見到黃霑、徐克、施南生一眾人，我其中一位朋友好搞笑向佢揮手講：Hi 霑叔，黃霑好有禮貌回番：Hi  ...

黄霑係一個真正多才多藝嘅娛樂界人物，有外號鬼才霑之稱，一句；(人頭馬一開好事自然來)，為人頭馬牌子嘅拔蘭地酒做廣告，深入民心，世界仔一名是也。

引用:

原帖由 藍蝶 於 2011-5-13 12:07 發表


去到咁遠八，車費都蝕埋，不如係香港吃番個奶油脆豬

啱嘅！而家的交通費咁貴，正式係費財失事[唔見錢兼唔見時間]。

[ 本帖最後由 81tkhk 於 2011-5-14 04:31 編輯 ]

引用:

原帖由 扒扒 於 2011-5-14 10:52 發表

現在,我至睇到,打錯字係榴槤至啱.
係呀,我家人有買榴槤食,佢覺得唔差喎

在下呢道新鮮嘅榴槤就冇，急凍嘅HK$10.00---12.00一磅，點都冇新鮮嘅咁好食。

[ 本帖最後由 81tkhk 於 2011-5-15 00:46 編輯 ]

引用:

原帖由 藍蝶 於 2011-5-16 00:01 發表

唔單止交通費貴，樓價都貴，食都... 午餐去大x活，加杯餐飲，都由卅幾加到四十元。images/smilies/default/oh.gif
物價漲了就跌不下來，生活水準越來越高，工資漲幅卻追不上物價，日常生活越見艱難。

在下呢邊都要四十元，但係要加13%稅同10%tips，噉即是貴咗23%。不過呢道最低工資係C$10.50 per hour=HK$85.00。

引用:

原帖由 chanpowing 於 2011-5-15 01:06 發表


有個+ 國老友教點食急凍榴槤，榴槤一直放在冰格，想食時，用個像蒸籠的，榴槤在上，網隙可排水，解凍後會較像樣。


當年我都有試過偷運新鮮榴槤到 + 國   

多謝閣下教路，在下中意食榴槤，第日一定會試吓。

引用:

原帖由 HJ2127_ATR1 於 2011-5-17 01:09 發表


仲有一樣加，CAD --> HKD 都由 N 年前 6.x 到而家 8.x 。　

係呀！收入嘅係HK$使用嘅係C$真係好惨，加埋依一兩年D嘢貴哂，用三五年前比較，唔見咗成40%

引用:

原帖由 HJ2127_ATR1 於 2011-5-17 21:21 發表


正呀，好味道。　 　次次去都會叫過橋肥牛米線。　

講起食牛肉，在下呢邊真係平、靚、正，但係豬、雞、鴨、鵝(甚少見)、魚、(除三文魚)、蟹都係香港好。

引用:

原帖由 扒扒 於 2011-5-19 11:45 發表

冇錯,我家人食咗幾個榴槤嗱.

在下淨係識得泰國榴槤，有[青尼]用[金枕頭]兩個品種，真他唔知重有乜呢？馬來西亞，新加坡，印尼的榴槤唔知好唔好食？

引用:

原帖由 扒扒 於 2011-5-21 11:49 發表

我都唔係好清楚,我好小留意,個盒,寫邊個國家.

對唔住，借個地盆用一用。好奇怪琴日覆藍蝶君嘅嘢唔見哂，而家淨係睇倒五月廾一號之前嘅嘢，五月廾二日到而家(7th June)完全睇唔見，唔知你地果邊點呢？

引用:

原帖由 bluedance 於 2011-6-8 11:17 發表


相信是XOCAT本身的server問題，再重設的latest backup，可能只去到五月尾, 所以此日期後的留言都沒有了。

這種情況之前也曾出現過，見怪不怪。

在下係呢道日子淺，從前出現過嘅嘢一D都唔知，多謝閣下相告。在下此次旅行，未有事前告知，祈請諸位見諒。

引用:

原帖由 藍蝶 於 2011-6-8 23:59 發表
去得去玩，緊係玩大晒先，呢度有時間得閒先來聊聊天是次旅行有沒有遇上什麼有趣見聞或較深刻印象的遊點？

在下呢次係去咗 Scandinavia 同埋 St.Petersburg, Russia。最可惜第一站係 Iceland，由於火山爆發，機塲封閉轉飛哥本哈根，果道，比在下印相最深，就係行單車嘅道路，一條路分三行，汽車、單車、行人，涇渭分明，各行各路，最難得係單車路嘅闊度，兩架車並排而行都够位有餘。美人魚係果道嘅地標，遊客必到，不過爾爾，睇明信片或風景相重好。下次再講。

引用:

原帖由 藍蝶 於 2011-6-11 11:13 發表


北歐俄羅斯等地，藍蝶仍未有機會去過，期待閣下更多的分享

Scandianvia

引用:

原帖由 藍蝶 於 2011-6-11 11:13 發表


北歐俄羅斯等地，藍蝶仍未有機會去過，期待閣下更多的分享

Scandinavia，從前是丹麥、挪威、瑞典，後來加埋芬蘭同冰島。人口非常少，冰島只有三十二萬餘人口，任何一個國家嘅人口，都唔够香港人多，除丹麥外，其他都在北緯 60度以上，氣侯寒冷，唔知有冇1%人裝冷氣機，在下最凍果日係 St. Petersburg(蘇聯時期稱為列寧格勒)7-9度。除咗 Iceland 其他嘅國家，都可以經波羅的海彼此交往。下次再續。

引用:

原帖由 81tkhk 於 2011-6-12 04:48 發表



Scandinavia，從前是丹麥、挪威、瑞典，後來加埋芬蘭同冰島。人口非常少，冰島只有三十二萬餘人口，任何一個國家嘅人口，都唔够香港人多，除丹麥外，其他都在北緯 60度以上，氣侯寒冷，唔知有冇1% ...

Scandinavia 諸國地區，有兩樣嘢比較其地區高，其一係稅率，另一係女權，稅率聽講係70%，聞說有一個市議會，裡面嘅市議員，女性佔50%以上。國家福利都好好，讀書由小學到大學都免費，歐盟諸國嘅國民都可以受惠。以上各項都係道聽塗說，請有識諸君，多多指正。下回再續。

引用:

原帖由 chanpowing 於 2011-6-13 11:39 發表


又上一課, 多謝     

版主閣下用上〔又上一課〕四字，實令在下愧不敢當，閣下見多識廣，無須自謙。在下祇道聽塗說，未加考証，請有識之士多加指正。

引用:

原帖由 藍蝶 於 2011-6-13 23:46 發表

不想的不要勉強自己，去了就盡情歡樂，一賣一買，你情我願。

你情我願-----風流。強迫欺騙------下流。以上係在下嘅淺見，唔知列位意為如何？