引用:

原帖由 藍蝶 於 2011-8-27 23:25 發表


當日找換時是$8.6，愛吃牛角包的我，見當地麵包店的牛角包要4元澳幣一個，真係買唔落手。
你無睇錯，此行曾到藍山去看三姊妹，行去其中一個峯腰，又去了看Wentworth Falls...

唔


唔知閣下有冇去到首都---坎培拉 (Canberra)？果道離開雪梨又遠又冇乜嘢睇，在下認為唔值得去。

引用:

原帖由 藍蝶 於 2011-8-28 14:32 發表


短短十數天﹐實未能到太多的地方去，如果可以的話，反而想多留塔斯曼尼亞，所以沒打算到坎培拉去，而雪梨因為在該地轉機便順道留幾天。

在下都好鐘意塔斯曼尼亞，果道有山又有水，環境幽美而又寧靜，地方清潔空氣清新，海鮮又多又靚，因為佢四邊都係大海。

引用:

原帖由 leo1132003 於 2011-8-29 17:19 發表
歡迎嚟到地球！ 你好

首先應該係由藍蝶君或者在下講；歡迎嚟到(地球)呢道！ 你好

引用:

原帖由 藍蝶 於 2011-9-2 14:23 發表
唔該晒﹗

唔使唔該，在下知閣下正在遠行，竟然越俎代庖，尚未知會閣下就代為覆帖，承蒙不究，在此謝過。

引用:

原帖由 扒扒 於 2011-9-3 12:21 發表

我係一名佛教徒

在下雖然乜嘢徒都唔係，但係比較鐘意佛教嘅道理，尤其是佛經所講嘅 (五蘊) 、(六根) 、(六識) 、(六境)都幾合理。

引用:

原帖由 藍蝶 於 2011-9-3 13:25 發表


此中網上相逢，知遇能幾人，自是有緣人。

希望有日能與諸位有緣在香港相聚。

引用:

原帖由 扒扒 於 2011-9-4 19:57 發表

雖然,我係(佛教徒),但係,我對(佛教)認知好淺

信任何宗教都好，唔係一定需要精通教裡面嘅嘢，至可以信。又唔係想做牧師、神父、修女、尼姑..........等傳道人，衹係誠心去信就够。

引用:

原帖由 藍蝶 於 2011-9-7 22:42 發表

又或者有緣到安大略去相聚呢

有客自遠方來不亦樂乎。有朝一日閣下光臨寒舍，真個是篷壁生輝，届時定必倒履相迎。   






唔知發生咗乜嘢事？在下由 6th Sept.到8th Sept. 1:00pm 都入唔倒嚟，閣下果邊有冇噉嘅問題？

[ 本帖最後由 81tkhk 於 2011-9-9 10:00 編輯 ]

引用:

原帖由 藍蝶 於 2011-9-7 23:01 發表

廢話好多人都會講，例如在茶樓見到朋友：「喂﹗黎飲茶呀﹗」
人某些時候總會有些廢話，又或者某些時候做一些無聊事，幸福就是有一個人陪你無無聊聊，而大家都不覺得無聊。

言之有理，擲地鏗鏘有聲，在下完全同意(而大家都不覺得無聊)這句話。

引用:

原帖由 藍蝶 於 2011-9-10 00:54 發表


縱使無聊話無傷大雅，現實生活會敎自己少言為妙，只怕言者無心，聽者有意，不知不覺間得罪人，自己都唔知

引用從前聽過的一句;(言者無罪，聞者足戒，有則改之，無則嘉勉。)不知此句是否合用？

[ 本帖最後由 81tkhk 於 2011-9-11 03:15 編輯 ]

引用:

原帖由 藍蝶 於 2011-9-12 00:24 發表


雖說讚美的話不足道，批評的話才可貴，唯幾人能接受批評，能反醒自我？

的而且確人多會挑剔，少去欣賞，既難容人之短，也少容人之長。

閒來思己過，莫說人是非。君子有九思；視思明、聽思聰、色思温、貌思恭、事思敬、疑思問、言思忠、忿思難、見得思義。願與八十後人士共勉之。

引用:

原帖由 扒扒 於 2011-9-13 17:41 發表

我唔知幾時(的)起心肝,去做運動

運動最緊要係有恆心，運動量係因人而異，唔可以勉強，逛公司都可以當運動，總之郁吓都好過唔郁。




近呢個零兩個月，在下嘅登錄唔知點解，經常三幾日就會唔見咗，又要重新登錄，就算登入永久果道都冇用，認真麻煩。

引用:

原帖由 扒扒 於 2011-9-14 15:49 發表

真係要好有恆心，咁，我有出街行下嘅．
暫時，我未咁嘅情況出現．

在下以為咁熱都係行公司好D，有冷氣，而且空氣冇出面咁濁。

引用:

原帖由 藍蝶 於 2011-9-16 14:57 發表


對自己的過錯寛鬆 ，對別人的過錯苛刻，人性從來都是如此; 來說是非者 ，便是是非人，多少人會明白及理解。

在下前面所講嘅 ，係請年輕人要多D思考，因為佢地年輕社會經驗唔係咁多，"九思" 可能會有D用都唔定.  不過年輕人有衝勁係好嘅 "想做就去做"  在下希望佢地可唔可以經過思考之後改為 "應做就去做" 呢?

引用:

原帖由 藍蝶 於 2011-9-16 14:57 發表


對自己的過錯寛鬆 ，對別人的過錯苛刻，人性從來都是如此; 來說是非者 ，便是是非人，多少人會明白及理解。

認真同意閣下嘅講法，唔理有乜嘢過錯，凡事都對自己寬鬆，對他人苛刻，依D就係日常大家所講嘅(自私)。

引用:

原帖由 藍蝶 於 2011-9-18 14:39 發表


我可以接人性中的自私，自私包含了自我中心，以自己為大，當對自己利益有衝突就算有損人的自私，都無可厚非。




其實我們一樣自私
只保留讓自己快樂的方式
卻總是誤解別 ...

有一句俗言;(人不為己，天誅地滅)，在下以為有 (你)字和 (我)字存在就會有自私，因為有你我之分。(自和私)這兩個字係代表(我)的意思，要絕無自私，就要走進無人無我的境界，要走進這個境界，是要有很高的智慧，非一般人所能到達的境界，所以自私是永遠存在，差別只是程度上而已。但千萬不可做損人而不利己之事。

引用:

原帖由 藍蝶 於 2011-9-18 14:08 發表


我說的是一般而言，不只對80後，況且自己也曾年輕過，雖未至於衝動去做錯事，但總有作過愚蠢事的時候。

在下喺 "好耐唔見" 嘅貼裡面講過聖人都有錯，佢地錯在要做聖人，所以一言一行都要經過三思，另外一錯係投生做人，噉就脫離唔倒人生四苦; 生、老、病、死。(一笑)

引用:

原帖由 扒扒 於 2011-9-18 12:19 發表

講得啱,我做(義工),咪有咁嘅情況出現,對方做就可以,我做,就唔得,唔可以,仲話我唔啱,我忍無可忍,我至出聲話番佢.我有個(朋友)亦係咁,我講:我唔出聲,並唔代表你(妳)啱,我係唔想傷和氣同感情 ...

俗言講 (蕒操都有知心友，関公都有對頭人)啱KEY嘅做吓朋友，傾多兩句，唔啱KEY嘅採你都傻。有言; "道不同不相為謀"

[ 本帖最後由 81tkhk 於 2011-9-20 04:49 編輯 ]

引用:

原帖由 藍蝶 於 2011-9-20 23:27 發表


尚可以接受自私，這個可以理解，就是不大接受何故會有損人又不利己的事。

縱是如此，我寧願相信人性本善，只是後天環境所影響與造成的偏差，幸好人間仍有愛，會有無私的愛存在。

宋代嘅三字經，一開頭就;人之初，性本善。性相近，習相遠。在下同意會有無私的愛存在，不過絕大多數是，父母對子女無私的愛。

引用:

原帖由 藍蝶 於 2011-9-21 22:58 發表

行街市是種樂趣，買來新鮮又便宜的好東西，會樂上半天。
很多時午餐後，我會去逛超市，一來餐後散步，二來看看有咩生果可買。

生果係在下最喜愛嘅食物，無論乜生果都鐘意，只係程度上嘅分別。

引用:

原帖由 藍蝶 於 2011-9-21 15:37 發表


天下事成於公而敗於私。成於真而敗於偽，先去私心，後可以治公事，先平己見，後可以聽人言，如果可以不單只看自己，也可以顧及別人，這世界定會更美好。
父母對子女的愛，不一定要有回報，也必定會先付出，有不 ...

在下非常贊同閣下之 "父母對子女的愛，不一定要有回報" 。個人認為父母對子女的愛，是世上最真最純。

引用:

原帖由 藍蝶 於 2011-9-25 22:47 發表

唯凡事總有例外，虐兒個案有上升趨勢，是經濟環境或是生活壓力所致？我難以去理解...

在下認為除去人生嘅單程路(one way)同埋人生四苦; 生、老、病、死之外，絕對同意閣下嘅凡事總有例外。在下呢邊對兒童同埋老人都非常關注，無論津貼，稅務優恵，入塲費折扣同排隊優先，食自助餐都有七折或八折。

在下以為虐兒嘅個案，正如閣下提到嘅，多數發生於經濟環境或是生活壓力，完全係難解决嘅社會問題。

引用:

原帖由 藍蝶 於 2011-9-30 23:02 發表

以文交友，懂得文字的浪漫能幾人？
現實的藍蝶愛浪漫，卻浪漫不起。

浪漫這两個簡單字合在一起，變成為一個有非常高深含義詞句，非在下凡夫俗子，市井之徒能體會，雖經常聞他人言及，故躍躍欲試，無奈心有餘而力不足，衹好再次借用籃蝶君句子;(卻浪漫不起)。在下以為浪漫最需要是天時、地利、人和缺一不可，未知然否？

引用:

原帖由 Ada2011 於 2011-10-1 01:44 發表




人生難得幾次醉，曾經浪漫已無悔。

唔錯，確實係人生難得幾回醉？無悔更唔錯，最好加埋無恨落去，唔知閣下點睇呢？(請恕在下喺度狗尾續貂)

引用:

原帖由 Ada2011 於 2011-10-1 09:30 發表





緣來 緣起 緣落 緣盡

曾經浪漫已無悔，恨時只會添愁緒。

在下以為緣來、緣起..........緣盡。緣，係來無影去無踪嘅嘢，揾唔倒買唔倒，大家都唔知佢幾時來，幾時盡，所以最好加理(隨緣)落去，提醒大家唔好強求。在下又要拾閣下慨牙慧; (恨時只會添愁緒)，所以提意加埋(無恨)落去，變成無悔無恨。