引用:

原帖由 james3504 於 2011-4-20 11:24 發表

做人有時都好悲哀，雖然能力高過他人，但成就不及那人，這是命運的使然！所以樂天知命，安於現狀，每天也會過得開心。

係亞！閣下睇吓D諾貝爾經濟學得獎嘅人，佢地除咗有名氣之外，大多數唔够有名嘅金融機構果D亞頭〔CEO〕嘅收入。個人以為運氣排第一，得力排第二，唔知列位點睇。

人生在世，日子係都要過，開心同唔開心都要過，自己揀囉。

[quote]原帖由 james3504 於 2011-4-20 11:43 發表

命運是很玄妙，雖然每人也知人生有命運安排，但每人也不知下一步的走向！
所以給人在逆境、絕境中的求生意志，隨時可以反敗為勝、絕處逢生，這也是命運的樂趣！ [/quote


可能有D人唔信命運，果D人通常係四十歲樓下，有唔錯嘅學歷同學識，佢地相信科學同埋能力。最近好似有一位MBA持有人，穩咗好耐都穩唔到嘢做，唔知點解呢？

引用:

原帖由 james3504 於 2011-4-21 09:53 發表

絕對讚同閣下所言：運氣第一，能力第二。
有些人一出世便在帝王、富裕之家，他們順理成章便成為帝王、大富之人，他們未必是有能力的人，只是他們的命運特好吧！
另外，有些白手興家的大富之人，也只是運氣好過他 ...

歷史上有兩個運氣十分好嘅人 1，宋太祖趙匡胤，2，明太祖朱元璋。宋太祖前一晚都唔知天光後就做皇帝，陳橋兵變跟住黄袍加身，一日就做咗皇帝。明太祖出身低微，做過和尚同乞丐，父母兄弟姊妹全部死光，後來参軍抗元，後來登上帝位。

引用:

原帖由 james3504 於 2011-4-22 21:05 發表

上述兩位開國皇帝，因為是平民出生，所以閣下便認為他們運氣好，他們也要經過一生的打拼、艱苦的奮鬥才能成大業，但我認為他們的子孫後人運氣還好過這兩位開國之君，他們不需經過什麼大風浪便接登大位！
另外，歷 ...

梗係啦！打江山一定辛苦過座冮山嘅，歌仔都有得唱；牛耕田，馬食穀，老豆賺錢仔享福。武則天原本係後宮(才人)，比唐高宗睇中咗，運氣加機會同奮鬥，結果登上皇帝位，係中國有史以來，第一個女性皇帝，空前絕後，因為國己經冇咗皇帝。

[ 本帖最後由 81tkhk 於 2011-4-23 02:11 編輯 ]

引用:

原帖由 藍蝶 於 2011-4-24 12:37 發表


復活假期前一直在忙，放假作了個兩日一夜的短暫旅程，沒有景點遊覽，只是隨意走到那裡，吃在那裡。

自己曾經這樣說過，聊天和談戀愛一樣，要有個閒心，沒有閒暇的時間，便沒有閒置的心情，談什麼都不成，沒來 ...

閣下對 "莊子" 嘅學說好有認識，在下估，閣下可能係台灣生活過，或者係果道受過教育。絕對冇吹捧，閣下見識廣博，文筆流暢，見解獨特，佩服之至。

羡慕閣下有一個愉快慨旅遊，最吸引就係淋巴按摩，圖文並茂。在下都幾中意呢種玩意，有機會返港，定請閣下點路。

引用:

原帖由 james3504 於 2011-4-24 21:27 發表

有人為了登上權力頂峰而濫殺，為了積聚更多財富而害人，其實人生只得匆匆數十寒暑，更多的權力、財富也不能帶走，如果知足常樂，可能活得開心過他們呢！
我有個疑問還望閣下指點，人一出生便受到他自己的命運所支 ...

閣下太謙，在下邊道有資格指點，噉樣講會笑死人冇命賠癸架。啱呀！人生匆匆數十寒暑，有如白駒過隙，什麼名譽、權力、財富都係過眼雲煙，來就光身一條，去亦帶唔走乜嘢。

在下對輪迴都唔係好認識，淨係聽過同書裡睇過，輪迴係講前生、今生、來生，前生種嘅善因就今世享，今生種嘅善因就來生享，種善因得善果，天網恢恢。在下對輪迴都係半信半疑，唔知閣下點睇？佛教要世人；〔自覺、覺他、覺宇宙〕在下覺得好合理。

引用:

原帖由 james3504 於 2011-4-27 11:10 發表

輪迴再生我都有些相信，為什麼有人一世都咁好命運，可能是他前生做了很多善事，反之，可能前世做太多傷天害理的事！
所以我們應該知足，不要為求得到更多，而做傷害別人的事情，更多也帶不去呢！

在下認為，傷天害理嘅事，唔係人人都識做同埋有膽去做，起碼閣下同在下都係得個 "講" 字，識講唔識做，就算識都冇膽去做(包括大多數人在內)。在下始終相信識害人嘅只係小數而已。

引用:

原帖由 藍蝶 於 2011-4-28 00:26 發表


我沒有在台灣生活過或受過教育，但到過台灣數次旅遊，上過阿里山看日出，到過花蓮踏單車，泡過台北誠品書店。

給了你一個錯覺，請勿見怪﹗ 我嘛﹗書讀得不多，見識也不廣，人情世故倒懂得一 ...

對唔住，估錯咗添！因為閣下有時寫嘅嘢，文藝氣息非常高，使在下有所悞猜。台灣早時去過多次，閣下提及嘅地方，亦有在下嘅足跡。在下以為台灣現今，係中華文化氣息最濃厚嘅地方，唔知閣下有冇去過西門町重慶南路，果道書店林立，五步一樓十步一閣，中意書嘅人真係美不勝收。

引用:

原帖由 藍蝶 於 2011-4-28 01:25 發表
在此也講一講輪迴之說，存疑是不合生物學理，生物乃各有其不同種類的祖先﹐繁殖也各從其類，若以輪迴之說，該投生何道，以何作界定？

人若作惡，下世轉為畜牲的話，那麼畜牲如何作善轉世為人？世界人口日益增加， ...

十分慚愧，活了半世紀，始終尚未進入天主、基督、猶太、伊斯蘭、婆羅門、鍚克、道教、佛教....等各教為徒，簡直是一個沒教化野蠻人。輪迴是一個非常難以解說明白問題，在下僅略知六道輪迴中有分三善；天道、人道、阿修羅道。三惡；之餓鬼道、地獄道與畜生道，謹止於此而矣，其他一無所知。

[ 本帖最後由 81tkhk 於 2011-4-30 02:25 編輯 ]

引用:

原帖由 james3504 於 2011-4-29 10:29 發表

人之初，性本善，人人皆有惻忍之心，唔好話做埋D傷天害理既事，就算腦中都唔會有呢D念頭！

性相近，習相遠。苟不教，性乃遷。因此後天教育和交友是很重要，近朱者赤，近墨者黑。家長們披星戴月，尋找一份名校報名表，他們用心之苦盡在不言中。

引用:

原帖由 藍蝶 於 2011-4-30 18:44 發表




沒有任何科學證據可以證明生命死亡之後的輪迴，如鬼神之說一樣，因此是個不解的謎題。

與自己相關聯系的世界，只有今生，在我出生以前，我不會知道世界的存在，因為我不曾見過，在我死後，也不會知道世界 ...

至於有關神鬼與輪迴問題，存在已久，有人相信，亦有人不相信，他們誰也沒法拿到確實証據，去証明事情存在與否，在下以為雙方爭論不休時，有人問意見，最中肯的回答；(信則有，不信則無)及(敬鬼神而遠之)，對兩方面都模稜兩可，答完等如沒答。

[ 本帖最後由 81tkhk 於 2011-5-1 02:57 編輯 ]

引用:

原帖由 藍蝶 於 2011-4-30 18:40 發表


估中無奬，估錯無罰，唔洗講對唔住。

藍蝶去台北，多以食為主，去到西門町，首先食個麵線，再來個青蛙下蛋，逛書店志在打發時間，等待下一餐。
**** 本內容被作者隱藏 *****

差不多十年沒有到過台灣，未知閣下此次遊台北，曾否有光顧鼎泰豐老店？有逛華西街嗎？那裡食店林立，有一家名為 "台南担仔麵" 不少本地名人和遊客光顧，門前擺滿各類活生生海鮮，生意甚為旺盛。

引用:

原帖由 藍蝶 於 2011-5-1 23:55 發表

聊天吹水的精要之一是能自說自話，二是模稜兩可，三是講咗等如無講...，閣下真是聊天吹水中的高手

答完等如無答，點都好過問非所答兼九唔答八

過譽，太過譽！什麼聊天吹水中的高手，使在下受寵若驚，實在愧不敢當。

引用:

原帖由 藍蝶 於 2011-5-2 00:10 發表


鼎泰豐是同行友人每次到台北必食的店子，去過台灣好幾次，到過不同夜市，倒沒有光顧過華西街的"台南担仔麵"

**** 本內容被作者隱藏 *****

相片中看見有小籠包、臭豆腐、台南担仔麵、果汁店全部都是在下至愛。台灣的生果，木瓜、石榴、柳丁、鳳梨都不錯。未知閣下有否飲木瓜牛奶？

引用:

原帖由 藍蝶 於 2011-5-5 00:10 發表


木瓜鮮奶就一定有飲過，但我果次係飲咗白玉苦瓜汁。

苦瓜汁係在下每日必飲嘅一種汁，因為五青汁裡面包括苦瓜在內，在下飲咗五青汁幾年，其他人有乜效果就唔知，在下飲咗佢幾年，最大嘅收獲就係，由每日食三隻唔同嘅降血壓丸，而家淨係，食一隻就得，減咗兩隻。上面講嘅係在下實情，因各人嘅體質唔同，效果亦會唔同，係呢道絕無意推介。每次搾汁事前事後要花費 45分鐘至60分鐘，認真費事兼費時。

[quote]原帖由 藍蝶 於 2011-5-5 00:09 發表


再講下去，我都開始覺得自己虛假 [/quot



世事都係真真假假，假假真真，真即是假，假即是真，一切都係由心生，普通人好難做到心無罣礙。

引用:

原帖由 藍蝶 於 2011-5-5 23:37 發表


通常公司同事請飲果汁，我都會order 五青汁，佢地都好奇怪咁難飲我都鐘意飲，口味呢回事係好個人化。

無獨有偶，終于穩到有鐘意飲，而且又受得嘅同道中人。在下返港時好少飲果汁店搾嘅，自己做又費事，多數都係飲台灣出產嘅五青汁粉狀冲劑，包裝精美清潔，價錢平宜，佰零鈫一盒內有廾小包，每天一小包，非常方便，吉之島有賣。香港嘅 Sole Agent；-------    Ltd. Tel.2---- -787 網址；www.--------.com 閣下可以打電話問零售店嘅地址。

[ 本帖最後由 81tkhk 於 2011-5-7 04:25 編輯 ]

引用:

原帖由 藍蝶 於 2011-5-6 23:44 發表


謝謝推介，見到都買番盒來試下先，但始終感覺鮮搾會好d 。

後註：網址教嘅製作方法係用攪拌機加水攪拌，而唔係用搾汁機搾出汁液。

琴日無意中發現有同路人-----鐘意而又受得飲五青汁嘅，居然得意忘形噉，係呢道直寫出代理嘅名，電話同埋網址，唔識 PM比閣下。

用攪冸機可以連渣都食埋，搾汁機係隔咗渣淨汁嚟，在下估各有各嘅好處，最緊要係自己鐘意。

引用:

原帖由 藍蝶 於 2011-5-5 23:55 發表

「假作真時真亦假，無為有處有還無」，頗適合來形容這個虛擬網絡世界，卻細心留意不難看出點端倪，在現實世界中，始終真必勝假，有必勝無，而真假之處，重在人悟！

一定先有真，有咗真就先至會有假。蘇聯(俄羅斯)嘅人造鑽石，如果唔係專門人員，都好難分出真假。除咗物質有真假之外，講嘢係最多假嘅，噉點分講嘅係真，或者係假呢？要心水清------重在人悟！(請恕引用)

引用:

原帖由 藍蝶 於 2011-5-8 22:35 發表


五青汁我無日日飲，係好間唔中先會飲下，咖啡反而日日飲，每天一至兩杯。

舊時係香港，在下都係每日咖排兩杯，而家就一星期兩三杯，五青汁就日日一杯(自搾)。

引用:

原帖由 藍蝶 於 2011-5-8 22:46 發表


講到假野，我就寧願用平貨，都唔會用假嘅名牌貨。
在某程度上，自己都算好慳儉，又係好間唔中先買番樣貴d嘅比自己。
儘管人生信命，某些事情仍得靠自己，例如讓自己快樂...

在下始終認為自己應做嘅做盡，成或敗唔係自己可以決定{謀事在人，成事在天}，因為在下信命。讓自己快樂(自求多福)係啱嘅。

引用:

原帖由 藍蝶 於 2011-5-13 12:57 發表

平日我一早會先飲兩杯水，返到公司就飲一杯咖啡，早上期間會飲一杯水和一杯清茶，午餐食晏一杯奶茶或咖啡，下午係公司又會飲一杯清茶或咖啡, 再加一杯水，晚上在家一杯水加一杯清茶，計番一日飲好多杯。


在下 ...

閣下每日飲嘅嘢，埋單如下；水五杯、清茶兩杯、咖啡一杯、奶茶或咖啡一杯、清茶或咖啡一杯，哈哈！啱啱十隻手指數哂。

引用:

原帖由 藍蝶 於 2011-5-13 12:57 發表

平日我一早會先飲兩杯水，返到公司就飲一杯咖啡，早上期間會飲一杯水和一杯清茶，午餐食晏一杯奶茶或咖啡，下午係公司又會飲一杯清茶或咖啡, 再加一杯水，晚上在家一杯水加一杯清茶，計番一日飲好多杯。


在下 ...

而家香港真係寸金尺土，要有瓦遮頭一D都唔容易，幾萬銀一呎樓。從報章中知道，去年頂尖嘅大學畢業生(除醫科)，佢地嘅薪金中位數係HK$12,500 ，大話怕計數，每月唔食唔洗祇可以買一呎普通樓，打一年工買十弍呎，十年買120呎，人生最光輝嘅30年，淨係換得果360呎，重要卅年裡面一個仙都唔使，真係我欲無言。重邊有餘力去幫人吖！好多人都係有心無力，無奈！

引用:

原帖由 藍蝶 於 2011-5-15 23:47 發表


香港地產上升浪，一浪過高一浪，由最近的賣地成交額所見，也不知何時是真正的浪頂，樓價飆升的得益者似乎與自住用家的港人無關，得益者多是湧到香港炒樓的內地人，加上人民幣升值，引來更多來自內地的買家，抬高 ...

我地有句老土話；唔米貴，至怕運滯。樓價升對自住用家的港人有關，因為差銄地稅都要交多D，總之係(城門失火殃反池魚)，無端端要交多咗錢真係運滯。

引用:

原帖由 james3504 於 2011-5-16 19:04 發表

其實樓價咁貴都係政府高地價政策做成既，政府為左每年既財政收入同公務員既薪酬福利，懶得理一般市民的死活！

絕對同意閣下嘅觀點。生活起碼嘅事係；衣、食、住、行四柱，衣食足知榮辱，安居先至可以樂業。