引用:

原帖由 藍蝶 於 2011-10-1 12:43 發表
剛起來，吃個brunch

咁晏至食 Brunch？在下呢邊嘅假日自助早午餐，多數係11:00 am---3:00pm。遲咗D靚嘢比人揀哂。

引用:

原帖由 藍蝶 於 2011-10-2 10:14 發表
你最愛的，往往沒有選擇你…
最愛你的，往往不是你的最愛…
而伴你終老的，偏偏不是你最愛的，也不是最愛你的， 只是在最適當時間出現的那個…
人情物事有天意，緣去時，莫強留；離合散聚早註定，緣到時，莫放手 ...

無解可擊！無獨有偶，閣下講嘅嘢，係在下亦想講嘅，不過在下冇閣下寫得咁精細而已。

引用:

原帖由 Ada2011 於 2011-10-2 11:32 發表




竟然選擇去愛，又何來有恨，緣盡理應放手。

一般嚟講，愛嘅反面就係恨，愛越深，恨更深，如果個個人都識得緣盡放手就好咯。有幾多人能够做到再見亦是朋友？

引用:

原帖由 Ada2011 於 2011-10-3 15:18 發表




天下之友以投緣為佳，友誼以適已為悅，愛以知音為貴，情以稱心為重。

靜一靜，諗一諗，再見已會是朋友。

(知音)講就容昜，簡直係陽春白雪，伯牙同子期，係鳳毛麟角，甚至係龜毛兔角。不過有時會踏破鐵鞋無覓處，得來全不費功夫，係(玄)同(緣)世事好多嘢都冇得解。

引用:

原帖由 bb3808 於 2011-10-4 06:36 發表


兩位中文水平真高, 我同你地唔同lv. 速逃

閣下過譽喇！在下唔噉喺呢道，夫子廟前賣文章，依道有識之士如過江之鰂，卧虎藏龍多的是。話唔定閣下嘅外文或其他技能嘅成就，不願為人所知。

引用:

原帖由 Ada2011 於 2011-10-5 07:36 發表





佢咪深長不露之人囉。

深藏不露並不簡單，有朝一日，不鳴則已，一鳴驚人。

引用:

原帖由 扒扒 於 2011-10-5 20:34 發表

係呀
咁又係 有時間 真係好想休息下
最近 我係屋企 學整嘢食 今日 我第一次 整(琥珀核桃)

賣相好靚，拍得上在下從前喺鯉魚門見倒果啲。

引用:

原帖由 扒扒 於 2011-10-6 12:30 發表

多謝你 咁讚我 鯉魚門 係焗 我係用油炸 我試過 焗(核桃) 但 唔係咁好食

閣下慨烹飪技術非常了得，時不時都見閣下嘅精品喺呢道出現，真係令人垂涎三尺

引用:

原帖由 扒扒 於 2011-10-8 12:17 發表

多謝讚賞 都係個句 試下先知

唔使人讚，有麝自然香。第日返嚟唔知有冇得試呢？

引用:

原帖由 藍蝶 於 2011-10-9 00:20 發表

扒扒間唔中就引誘人, 我比佢引到流晒口水

唔講閣下，就算在下喺咁遠都聞倒啲香味。

引用:

原帖由 扒扒 於 2011-10-9 12:34 發表

唔係呀 咁誇張
我仲有 好多 有關食物照片

唔好再引誘在下喇。好似茶樓賣點心嘅人(有得叫冇得食)，在下就(有得睇冇得食)。

引用:

原帖由 藍蝶 於 2011-10-9 18:47 發表

閣下久居外地，對地道美食一定有思念之情，就算能煮一手好菜，唯買不到地道食材，也無用武之地。

絕對同意！閣下所講嘅食材係非常重要。在下睇過清朝乾隆時代，袁枚 (1716----1797) 字子才，別號隨園老人所寫嘅(隨園食單)，佢講食材佔40%廚藝係60%，幾乎一半一半。

引用:

原帖由 藍蝶 於 2011-10-9 00:20 發表

扒扒間唔中就引誘人, 我比佢引到流晒口水

閣下就好啦，大家都住喺香港，一個call一打的就到，去到果陣啲嘢係重熱嘅。

引用:

原帖由 藍蝶 於 2011-10-9 11:01 發表
今天沒有睡到午間，弄了個早餐，喜歡星期日假日的感覺，吃著喜愛的牛角包，喝著香濃的熱咖啡，這不是個Gloomy Sunday

閣下食嘅牛角飽Croissant喺有一個古仔講架。係噉嘅，十七世紀末當時嘅Ottoman，即係而加嘅土耳其，攻打維也納失敗，維也納麵飽匠憎恨奧圖曼帝國Ottoman，將佢國旗中嘅新月形 (國旗裡有一粒星同埋一個新月) 做成麵飽，使到人人日日都咬佢食佢。

引用:

原帖由 藍蝶 於 2011-10-10 22:38 發表


你唔講我又真係唔知呢個古仔，多謝賜教

閣下無須客氣，更談不上(賜教)兩字，這故事在下十數年前讀過，憑記憶寫出。

引用:

原帖由 藍蝶 於 2011-10-10 23:20 發表


我也沒懷疑過說這話的誠懇，唯人會變，事物也都在變，，不斷的轉變才是永恆。

在下萬分同意 (不斷的轉變才是永恆)。

引用:

原帖由 bluedance 於 2011-10-11 15:31 發表


不喚作賜教，那麼... 謝謝你的分享。

記得小時候，媽媽買回來半打牛角包打算一家人吃，誰知愛吃牛角包的我一口氣便吃光了六隻，感謝媽媽的寵愛，沒有責罵，幸好一向乖巧，也沒有持寵生嬌，媽媽以後要買一打回 ...

在這裡我們大家一起分享各人讀過的書，聽和見過的事與物。正如閣下提到小時候媽媽買回來的牛角飽，雖事隔多年家常事，現在聽來還是多麼温馨，更勾起在下兒時不少苦和樂回憶。真正應該謝謝是閣下的分享。

引用:

原帖由 扒扒 於 2011-10-11 18:36 發表

你有時間 飛返(香港) 可以品嚐一下味食
再次 引誘下你先 係(蜜汁豬頸肉) 我整架

嘩！正呀！豬頸肉係呢十零年至興，以前喺香港都唔見(可能在下見識少)。閣下嘅出品又爽、又甜、又香(豬頸肉係爽嘅，蜜汁係甜嘅，炭燒係香嘅)。

引用:

原帖由 bluedance 於 2011-10-11 15:45 發表


我們不能停滯不前，也不能去改變變化，唯仍可以去適應轉變，與時並進。

閣下所寫這段文字，真的簡直是無懈可擊。

引用:

原帖由 扒扒 於 2011-10-13 10:52 發表

真係好正

真係好正！人地講; (話梅止渴，畫餅充飢)，在下別無他法，就衹好睇圖充飢。

引用:

原帖由 扒扒 於 2011-10-14 13:48 發表

如果 你有機會 返香港 你唔嫌棄嘅話 整俾你食

係真唔係？唔係講笑吖馬？在下想喺下個月返嚟攞噃$6,000，同埋見吓班親友戚友添。

引用:

原帖由 扒扒 於 2011-10-16 11:29 發表

到時 約埋金巴 藍蝶一齊 出嚟見面

嗱！噉一言為定，如果在下决定返嚟訂好機票之後，會用短消息( PM )通知，唔知方唔方便？

引用:

原帖由 HJ2127_ATR1 於 2011-10-17 21:30 發表


預埋我。　

在下當然歡迎閣下，不過仲未决定噃唔噃。

引用:

原帖由 扒扒 於 2011-10-17 10:32 發表

方便 到時(聯絡) 我哋吖

好！一于噉話，到時再聯絡妳/你地。

引用:

原帖由 HJ2127_ATR1 於 2011-10-18 21:03 發表


順其自然。

睇吓在下呢次有冇噉嘅機緣，拜會列位網上朋友。