引用:

原帖由 ktwu2005 於 2010-9-27 15:52 發表


where are you?

I live in Richmond Hill,  Ontario, Canada。

引用:

原帖由 藍蝶 於 2010-9-27 10:18 發表

去咗瞓喇﹗今朝先睇番你呢個留言
番幾日就放假，會去泰國玩下，忙歸忙，間中都要輕鬆下。

在下都好耐冇去過泰國，係香港果陣，差唔多三兩年都會去一次。忙裡偷閒，充吓電，唔錯架，玩得開心D。

引用:

原帖由 扒扒 於 2010-9-27 12:10 發表

你真係恨食得好交關喎

在下覺得蟹，係食物中最鮮味既食品，尤其是大閘蟹雄蟹膏，味甘鮮無出其右。

引用:

原帖由 ktwu2005 於 2010-9-28 00:01 發表


了解多d, 你係o個邊讀書o既學生? 定係做緊野?

兩樣都唔係，係呢道在下曾經講過係；游手好閒，無所事事既人，係真架唔係講笑，呢道既人都好多都知道，閣下可能公私兩忙，一時over look咗。唔緊要在下得閒啫，都係傾計之馬，唔係咩。

引用:

原帖由 ktwu2005 於 2010-9-28 13:05 發表


嗯! 好似聽你講過!
我猜你是退休了吧
加國的福利不錯, 我表妹也是加國的大學生, 可是她厭倦那邊的生活模式, 回港享受非人的打工仔生活.
你選擇的, 一定有理由!

每個人都有自己的選擇，有人喜歡熱閙，亦有人鐘意平靜，各適其適，無傷大雅。

引用:

原帖由 葉落花枯 於 2010-9-27 23:50 發表

瀨尿蝦都唔錯架>

係！瀨尿煆都唔錯，在下始終都係鐘情大閘蟹嘅膏。

引用:

原帖由 藍蝶 於 2010-9-29 10:36 發表

上次去新加坡都係四日，通常去東南亞多是短程旅遊，不過上年去北海道就去咗十日，打算聖誕北上麗江五日。
其實放假休息可以留係香港，但間中離開呢個城市，會覺得真正的遠離煩喧，心理作祟。

舊年年尾我地三對夫婦，一共六個人冇参加旅行團，自己去咗北海道一個禮拜，食咗一件非常靚嘅海膽壽司，但係非常非常貴，為起港紙一佰蚊一件，又食北海道嘅雪蟹。有一間好出名嘅食牛肉店，地方好隱閉同埋好細，大約可以坐十多人，我地冇預訂，冇得食，想預訂，最早係兩星期後先至有位。

雲南麗江係唔錯嘅旅行地方，一百年前既街道同房屋，古式古香歷歷在目，玉龍雪山都唔錯，幾年前我地兩對夫婦，跟旅行團去過。

引用:

原帖由 扒扒 於 2010-9-30 11:10 發表

咁又係

世界咁大點去得哂吖，遠嘅唔講，淨係在下住嘅省---安大略省，由省嘅東面向西飛到省界，差不多要兩個鐘，由呢道飛去 B C省温哥華要五個鐘，飛行時間長過由香港飛東京。

引用:

原帖由 boot_boot 於 2010-9-29 17:44 發表


冇錢冇得敬 .... , 失敬晒!   

講心唔講金，無論乜嘢都好，千祈唔好講錢，講錢失感情。

引用:

原帖由 boot_boot 於 2010-10-1 11:57 發表


姊姊未必請我食餸, 唯有用豉油撈飯.   

鼓油撈飯嘅歇後話係〔整色整水〕，唔知閣下係唔係呢？

引用:

原帖由 扒扒 於 2010-9-29 13:03 發表

妳去好多地方玩喎

去地方遊玩要有；財力、體力、時間、興趣，缺少任何一樣，都冇噤好玩。

引用:

原帖由 我係一名火星人 於 2010-10-1 20:52 發表

記住唔好落太多豉油

即是叫佢唔好太過〔整色整水〕啫。

引用:

原帖由 boot_boot 於 2010-10-2 15:17 發表


咩野叫 "整色整水" 先?  

我幾白, 冇咩色.
我幾窮, 冇咩水.   所以, .......    

你又能化我呢個小朋友.      

整色整水既歇後語意思，好似另一句〔亞茂整餅〕==冇果樣整果樣。外省都有好多；〔牛背看書〕＝走着瞧。〔和尚打傘〕＝無法無天。〔高山滚鼓〕＝不通不通。在下就係〔屎坑關刀〕＝文又唔得武又唔得。

引用:

原帖由 boot_boot 於 2010-10-3 13:57 發表


老師, 多謝詳解.       

不過我係: 有果樣整到冇咗果樣.

咁係點叫呢?

歇後語就唔識，引用成語；〔不知所以〕，唔知啱唔啱呢？

引用:

原帖由 boot_boot 於 2010-10-3 13:57 發表


老師, 多謝詳解.       

不過我係: 有果樣整到冇咗果樣.

咁係點叫呢?

或者叫做；〔乾坤大挪移〕或者叫〔移形換影〕又或者叫〔色即是空，空即是色〕噉又啱唔啱？

引用:

原帖由 藍蝶 於 2010-10-4 13:51 發表


無去過不一定不知道，知道都可以扮無知，無知會以為無所不知，哈哈﹗
只知... 知己知彼，知難而退，知過要改，知足常樂。

知己知彼---百戰不殆。知難而退---見可而進。知過要改---善莫大焉。知足常樂---順其自然。

上述既嘢，在下實在係，狗尾續貂---不自量力，不倫不類，不屑一顧，不值一哂。

引用:

原帖由 扒扒 於 2010-10-4 10:38 發表

哦,我間中換下頭像架.

在下想問閣下以前嘅頭像，係荷花定係蓮花，兩種花有冇分別架？

引用:

原帖由 扒扒 於 2010-10-5 12:14 發表

照我所知,係冇分別,只不過,係花名唔同.

thx 明白哂，聽聞玟瑰同薔薇都冇乜分別，淨係名唔同。

引用:

原帖由 扒扒 於 2010-10-6 13:32 發表

玫瑰同薔薇,係有些少分別.

?ib_____DSkGIWmef

多謝晒！兩朵都好似樣，在下估第一朵係玫瑰，唔知啱唔啱呢？

引用:

原帖由 boot_boot 於 2010-10-6 13:16 發表


咁我食魚魚.     

最近聽聞話食深海大魚有機會中毒，唔知係唔係？

[quote]原帖由 ktwu2005 於 2010-10-7 11:50 發表


睇花瓣.玫瑰比薔薇生得高身d.
玫瑰生長後, 花瓣形型好似紅酒杯.
薔薇, 就好似你尼張圖咁.
佢上面第2 張圖應該係假花. (用棉布整)
http://art8.photozou.jp/pub/716/111716/photo/3338163.v12864 ... [/quot


在下對植物知識甚為貧乏，閣下指教受益非淺，在此謝過。

引用:

原帖由 藍蝶 於 2010-10-8 00:58 發表


回這帖，在下东施效鼙 ，力困筋乏，類推作用，顧此失彼，哂笑而散  

閣下無須自謙，文字吹水嘅聊天遊戲，正一係〔生草藥〕噏得就噏，無傷大雅，大家一笑置之。

引用:

原帖由 藍蝶 於 2010-10-8 21:07 發表

談笑有鴻儒，往來無白丁

不知何德何能，承蒙抬舉， "鴻儒" 二字實愧不敢當，在下白丁一名而已。

引用:

原帖由 藍蝶 於 2010-10-10 00:47 發表


你也無需過於謙遜，有說往來無白丁俗客，談笑有上士高賓。

任憑才高八斗，學富五車，若話不投機，老生者見不生，常談者見不談，唯拂袖而去。

引用:

原帖由 藍蝶 於 2010-10-11 13:09 發表

藍蝶享受與友好吃頓美味晚宴，把酒言歡，輕談淺酌，實為樂事，正因酒逢知己千杯少，話不投機半句。

絕對係賞心樂事，人生幾何。但係真正既知己一D都唔易穩，尤其是而家嘅社會，真係我欲無言。