讀完中學，揾左份酒店前堂見習生做，人工奀，大打雜夾受氣，但見人多幾好玩

酒店生意不錯，因房價不高，好多人入住，成日爆房。但爆房還爆房，在十幾樓總有一間1XX8號房唔租出去。36D當的儍儍下問D師兄點解，D友都話細佬仔唔好問咁多。36D心起疑問。
有一晚，我當通宵班，拍檔師兄唔舒服要返屋企。自己一個頂檔，半夜12時多，有一對瑞典妹walk in 入泥，36D胆粗粗開左間1xx8號房比佢地。

[ 本帖最後由 36D 於 2010-5-18 20:47 編輯 ]

引用:

原帖由 suewong 於 2010-5-18 21:06 發表



多口 1 問, d 哥幾大 ? (想知香港精神, 在幾多年間, 煙消雲散) fftopic:" />

我 d 讀酒店既學生, 以為是不用做, 著得靚靚, 係大堂睇明星. 去親實習, 負責既同事, 就要補鑊...

小弟行將半百了，做酒店見習生，搬行李都搬到冇命啦，D ball boy 都烚你啦，不過週時有貼士，最多收過一百美濃。

引用:

原帖由 ali 於 2010-5-19 01:34 發表
好o野有古講，有古聽。
邊間酒店？畀d貼士大家估下

對不起！ 小弟不會開名的，因為該酒店還在營運，又有同事還在揾食，只可以講位置在九龍。請各位多多包涵。就當我講古仔算了。

引用:

原帖由 36D 於 2010-5-18 20:44 發表
讀完中學，揾左份酒店前堂見習生做，人工奀，大打雜夾受氣，但見人多幾好玩

酒店生意不錯，因房價不高，好多人入住，成日爆房。但爆房還爆房，在十幾樓總有一間1XX8號房唔租出去。36D當的儍 ...

對瑞典妹入了房，小弟就繼續做野，一切正常過正常。約半夜两三點左右，两條瑞典妹衝左落前堂，發曬爛渣，話我地係黑店，吼佢地訓覺時派人入去偷野，要報警。36D當時只係靚仔一名，乜經驗都無，酒店當時一個話事人都冇。嚇到魂銷魄散，急call 前堂副理返黎拆彈。
副理返到泥，同個客講又咁又咁，又送早午餐，又換大房，終於擺平了事。之後，小弟當然被問候廿一代祖宗及親戚，個面當堂立立令。第二日返工，個前堂經理又召我上佢房，又小一輪後同我講:"我睇你都幾醒目，又勤力，同D同事又夾得泥，比次機會你，以後好好做，大把世界。"你話36D幾岸居，竟然當面問個經理，究竟1xx8號房做乜唔妥？經理無奈地答："間房有污糟嘢嫁。以後唔好再亂泥喇。"當時低能的我竟然大聲回答;"車！我唔信呢D嘢嘅!"個經理笑住同我講："咁你够唔够薑入去訓一晚？"  "TILL! 有乜唔敢呀！"個心即時醒起，仆街喇！呢次開錯口添。

引用:

原帖由 ali 於 2010-5-20 01:27 發表

D哥，當時两條瑞典妹係身穿睡衣定裸睡抑或就咁拿住張被衝落前堂？
記得以前係內地或歐洲自由行，租住散舖或青年旅社，同一房間見到d鬼妹多數只著內衣褲或用大毛巾包身裸睡。

無呀!都係T恤波褲。但當時嚇到賴尿咁滯，邊有心情睇丫

等到第二日返中班，當時就有同事走過黎同我講：靚仔，你咁有吉屎，抵老頂睇起你。又有D媽媽級女同事好言相勸地同我講，儍仔黎嘅，有咁多嘢唔玩，玩D咁野，出事點算呀？快D同老頂道過歉啦，唔好制呀。
我被問到蒙查查。個師兄先同我講：今朝老細落左柯打，是你要求今晚要在1XX8訓一晚，你自己執生，做人唔好寸，自然有彎轉。同老細講聲Sorry啦，細路仔。
嘩！個死人經理都够狠囉，頂佢两句，就擺我上枱。但當時的我，年少氣盛，邊衰得丁，竟同D同事大大聲咁講，你地驚遮，唔代表我要驚架。我唔信呢D野嘅，最好有宵夜同早餐比埋我食仲好。就係咁一直等到晚上八點幾，經理就樣衰衰咁走泥前堂同我們講，我收工啦，你地交帶夜更，阿X會在1XX8過夜，多D留意下。又轉過頭同我講，唔好死頂呀，唔掂就出聲呀。
不知不覺就十一點收工，我自己攞住條房匙上房，個心又跳，對腳又軟，但呢次唔衰得，頂硬上！

入到房，第一件事開曬D燈，開埋個電視，睇下報紙先，慢慢心情就穩定下來。坐得两坐，周公急call，唔理咁多，熄電視，大被蓋過頭，准備一夜到天明，(注意：此時我肯定無熄燈訓覺)。唔覺唔覺就訓著左。唔知過左幾耐，我聽到好嘈，好似响街市咁嘈。好多人講嘢，但係又聽唔清講乜，迷糊之間醒起自己在1xx8房，當然成個彈起身，起身後周圍粒聲都無，但係黑麻麻無著燈，小弟立刻開番晒D燈，房內無特別，只是衣櫃門打開了，我順手閂番度門，心知賴野了 ，但而家出去好醜 ，睇下個錶两點幾，捱埋佢，睇下點。點知坐坐下變訓低，訓訓下又訓著左 。又唔知幾耐，耳邊嘈聲又起，真係嘈到心煩，起身，死就死啦！一起身，又無曬聲，燈又熄左，但呢次剩番廁所燈著住，我走去廁所睇下無野，但係發覺衣櫃門又打開左。我即時有所悟，著番D燈，用張櫈頂住個櫃門，再訓過。呢次成功，一覺訓到八點幾，起身梳洗落去食早餐，好多同事都好奇怪我無事，仲話我叻仔(其實我都嚇到脚軟啦)。後來同老頂講番，佢叫人將1xx8個衣櫃拆左，個房改埋做儲物室，無幾耐小弟亦唔撈，重返校園了 。
講故完畢！

引用:

原帖由 suewong 於 2010-5-19 17:24 發表


嘩, 咁你理財真有方.

我 1 向以為 d 哥是 40/50 後...

財來財去，有鬼用咩！