日前，有親戚小女兒結婚，去飲喜酒，有感而發。

1) 這塲婚禮，花費達卅萬，双方家境並不富裕，有此必要？
2)這塲婚禮，籌備達兩三年，新人花盡心思，又在狄士尼舉行婚禮，又在直升機上求婚，真正夢幻婚禮，但聽聞新人向銀行借了十多萬才達成心願。
3)在宴會前，有幻燈片show，歴時成四十分鐘，双方新人朋友即時唱歌伴舞，有新意！但台下口行行，想訓覺。
4)食食下，又玩遊戲，D兄弟姐妹大玩不文遊戲，有點過份夾無聊，台下只好陪笑夾拍手掌。
5)在其他賓客口中聽到，原來為了塲面熱鬧，多開幾圍，双方新人連前前前份工的同事，上下大小一律派帖，搞到有些賓客口中有些怨言。
6)散席搞到成十二點幾，有無想過親友的不便。
其實成晚似去歡樂今宵多過似去飲結婚酒。
可能小弟老餅，想常年，小弟與D婆結婚，背起背囊两人共遊絲路去也，不知幾爽，何必咁浮跨呢？

大家睇下而家D後生，結婚搞大佢，係因為要互相攀比呀！可憐！

講起教兒育女。小弟真係唔明？而家D老豆老母，要同D一兩歲仔女全英文對白。小弟有一次見一對夫婦同過一歲不到的兒子全程英語對白，D英文難聽之極，時式錯曬，仲大大聲，個賓妹都唔好意思。

但各位睇下而家的婚禮服務，確是一門大生意。

點解婚宴上要搞到好似EYT咁呢？實際D，走出來跟親友
多D傾下打下招呼，勸下酒，吹下水，好過在台上亂up，咁鬼虛偽。

十幾皮係前期工作，未計酒席

而家真係好少聽到有旅行結婚了，可能是大港女效應，而家香港D男仔個個都有去男性化傾向，(在大學畢業禮中觀察得知，果D男畢業生頭頂四方帽，人人攬住個巨型毛毛麥兜公仔映相之象可以証實)，唯有對女方唯命是從，十萬八萬在狄士尼買個所誯夢幻婚禮，定係兩公婆背起背囊，一路互相扶持，共同計劃，遊山玩水。邊樣好？真係見人見智了，

其實結完婚，就耍揹數，又耍供樓，又要久唔久去下旅行，又耍供Iphone，幾時先出生天

講回來，真是浮跨惹的禍。只要觀察一下現時年青一代的穿著，日用品，手機等等物，已完全喪失自我，被浮跨風氣牽著走，真無趣。
(只要觀察一下，現在人的穿戴，由T恤到眼鏡，由頭到脚都加閃石，又金又銀，閃到眼花為好，可見一班)

其實好懷念當時食鯇魚時代架，雖然老土但好食，好過而家上双班或係急凍星班丫，好似食蔗渣咁。仲有以前洒席一定有個冬菇湯，唔知幾除消左？細個果時最鐘意食鑲蟹鉗