飛馬係美孚石油,美孚新村都係用呢個logo,blackcat 係黑貓香煙,英國煙,當年十枝一包,標榜係松咀,我食過.

黑貓係英國煙,用左維珍尼亞煙葉,以示高級,十支裝六十年代好興,重有五十支罐裝,後生仔怕且未見過.我今年52,食左30年煙,戒左2年啦.七十年代初期食過黑貓,個時煙仔牌子好多,個八銀錢一包紅萬、雲絲頓,好多人食,好人壞人紳士淑女都食,冇人話有害健康,你睇下粵語長片,最正氣好人既周聰、胡楓、華探長都食,不過今時今日知道醫學真相,要戒喇.

1.馬寶山係賣餅乾面包既
4.何方亮係西營盤某跌打館
寶芳吾肯定 好似賣鞋掛

引用:

原帖由 鴨頭 於 2007-5-30 07:32 發表
占飛百貨

嘩!見番中環書信館（郵政局）建築真係正！果時人民冇牙力,拆左都冇人敢嘈,換轉而加,嘈到拆天！話又說回來,如果保留書信館吾拆,係咪好蹝寸金尺土既中環地皮呢？