從來師長都教我要帶眼識人, 其實網上交友亦是如此.
上黎呢度, 除左尋開心, 我亦當同每一位相遇的網友為一種緣份, 而以"朋友"身份待之.
不過原來好多時, 呢個世界, 唔係話你尊重人, 人就尊重你；即使網上呢個人人平等的世界亦非如此.
可能係本身小弟的性格有缺憾吧, 致使有人總係會唔妥小弟!

小弟今次講的係網友ktwu2005, uid: 300407
自問呢位人兄入來以黎, 小弟都以禮待之.
如果互相的輕鬆吹水、取笑, 小弟覺得絕對可以接受, 但若涉及人生攻擊, 則非小弟所容忍！

小弟對網友ktwu2005的不滿, 在於其經常在唔知頭唔知路、非完全知情的情況下作出無理的評論甚至惡意的攻擊.
例子實在不少, 如:
http://xocat.com/f/thread-177044-1-1.html
或今次事件:
http://xocat.com/f/thread-183867-1-1.html

網友ktwu2005在無理據的情況下, 指小弟為「擦鞋仔」.
依小弟之見, 此乃嚴重且具攻擊性的指控, 在沒有足夠的理據的情況下, 我認為實在與誹謗無異!

而在小弟表達自己對此事的不滿以後, 網友ktwu2005以輕挑的「登報紙, 阿笨」回應（http://xocat.com/f/thread-174752-38-1.html）, 小弟認為這絕對不能接受!

由此, 小弟係呢道發表聲明, 從今以後唔會再回應任何有關ktwu2005之言論, 亦不會再踏足深宵聊天室半步. 發表此thread的原因, 係希望大家以後見到我唔回應呢一位網友的時候別以為小弟待其不禮貌. 小弟只相信「人必先自辱, 而後人辱之」!

引用:

原帖由 HJ2127_ATR1 於 2008-4-15 16:26 發表
你兩個發生咩事呀！　

老人家溫馨提示：網上交流，岩就傾多句，唔岩就唔回文！　


我在版面識既橙同學絕對唔係一個擦鞋仔，應該係有性格先岩，我行我素，絕不分幫派，應該屬於死梗派。　:read ...

我係睇唔過有d人, 自以為好能醒, 未睇清楚就學人搭嘴, 俾人窒就人身攻擊咁低莊姐

有d人, 連自己錯係邊都唔知, 就成日怨天怨人, 真係睇得多都傷眼 :bird:

引用:

原帖由 bluedance 於 2008-4-15 22:38 發表
若要人似我，除非兩個我。

「兩個我」是不可能的事，每個人都有自己獨有個性﹐有的外向、有的內向、有的達觀、有的憂鬱、有的剛烈、有的柔弱… 所以，人與人的相處不是件容易事，也可當是一門學問來學習，凡事看開，對人寬容，嘗試多往別人的優點和好的方向去看，眼中的世界會更美好。

記得我曾說過你執著，執著的缺點是很多時候跟自己過不去，優點是保持自我和堅信不移。

對於糊仔的口不擇言，不用太過介懷，相信他是沒有機心，如果要怒他﹐我一早如你一樣了，有次他叫我去死，當時心情不好的我，聽了真的不好受，在此也要好言相勸糊仔，一些無謂的誤端因禍從口出而起，開玩笑、打誑語也要看時候、看情況和看人物。

得理要饒人，理直要氣和；生氣，就是拿別人的過錯來懲罰自己；原諒別人，就是善待自己；一個人的快樂，不是他擁有的多，而是他計較的少；君子如水，隨方就圓，無處不自在。

不希望看到你們這個情況，但願你能釋懷，糊仔言句好，皆大歡喜，又可聊個不易樂乎？  

你講的未嘗不是道理, 不過, 抱歉, 「擦鞋仔」呢個字眼對我黎講係絕對的侮辱, 除非ktwu2005肯收番呢三個字, 否則恕難體諒.

我認同人有時不應過份執著, 不過當一些挑釁性的字眼觸及個人的底線, 就不能不企硬了

點都好, 多謝藍蝶小姐的關心, 小弟會好好思考一下你的philosophy, 或許到了某一刻, 我會明白你的意思也說不定.