引用:

原帖由 8366 於 2007-7-27 10:41 發表

如果我個女大D,佢要去,
我都要陪佢去架,
可憐天下父母心

為人父親 係咁架喇


ha ha ha   佢叫你幫佢排埋隊  你都要去呀   

各位 早安   

今年生日 . 打算開始將 生活既點點   記晌 xanga

以前我會嫌麻煩 , 又懶 , 所以無打算整

可能近年記憶力開始衰退 , 所以都係決定整一個自己既架步


有趣既 , 特別既 , 平淡既 , 戇居既 ,  一一記載


可惜我只係云云眾生 極平凡既其中之一

要我寫一 個天花龍鳳 , 有過百萬人 閱讀既 blog , 對不起 , 我無呢個能耐

何況 , 晌互聯網未有今日咁普及既時候 , 以前既人寫日記 , 乜唔係一支筆加一本日記簿 , 每日寫完收晌枕頭底 , 唔可以比人睇架咩 ?

時移世易 , blog 已經成為一個   比 d 希望成為萬眾矚目 , 受人莫拜景仰 , 令自己有成為 " 明星 " 感覺既人個平台 ; 我曾經睇過一 o的 blog ,  得到既感覺
係 -- 作得就作 ! 有咁誇就寫咁誇 ; 直到今日 , 呢個感覺都係揮之不去 。最頂癮既係 , 一 d 女仔既 blog , 的確吸到到一大班麻甩仔粉絲 , 寫 blog , 追求既就係呢 d 野 ? 會唔會有 d 本末倒置呢 , 哈哈 !  


( 以上言論 , 純粹個人意見 ,與本論壇或任何人無關 ,. 唔 o岩 聽都冇計 !
sorry !  )





咩話 ? 我個 blog ?  做咩要比我本日記你睇呀 ?  私人野黎架嘛 , 傻架 !!

引用:

原帖由 HJ2127_ATR1 於 2007-7-28 11:37 發表
自己鐘意咪得囉，每人性格不同，有ｄ人鐘意同人分享自己既日記，又有ｄ人只係畀自己睇，而我呢，連寫呢個習慣都冇，間唔中咪係茶水站自言自語囉。　

對 . 所以我開設呢個 topic 比自己  是旦 up  發花癲  

引用:

原帖由 HJ2127_ATR1 於 2007-7-28 11:46 發表


我都知丫，得閒咪係度 up 兩句，等我地八下囉，我都有時係茶水站 up 野。　

發 up 瘋 o者

邊有咁好文采  ha ha

引用:

原帖由 forever more 於 2007-7-28 11:55 發表


聽聞朋友話佢經常係MK三街出現.......   

何謂  MK  三街 ... ?  

引用:

原帖由 momoccc 於 2007-7-28 18:57 發表
原來你今日生日.....
首先祝你生日快樂...日日都開心到爆..........
我都有寫blog..其實寫blog純粹有個天地比自己
將開心既唔開心既寫哂出黎........
可以話係發洩同分享既地方......
確實有網友回應支持真係 ...

我想我令妳誤會了  ha ha

我係六月頭先日的

不過   也多謝你   

引用:

原帖由 forever more 於 2007-7-28 12:52 發表

portland, shanghai and sun tin tei......

有老婆 有女  都仲去 呢 d 地方 .....

梗係掛住 叫 x    冇時間畫 野定啦  

睇 左 百份百 既結局 .


好聽 d 可以用 出人意表 , 但我更加願以用 " 格硬黎 " 呢三個字


不過呢套漫畫 , 不嬲都係咁天馬行空 。一個廣告設計從業員 , 晌結局話為左圓夢 , 去非洲拍記錄片 , 仲攞埋奧斯卡 ,  劉生 , 雖然你話個結局老早諗好左,
但係 ...... 就算係真既 , 會唔會都 " gamchulia " 左 d 呢 ?



尋晚睇左  大約 四十分鐘 既 " 12 monkeys " , 係 - 我係未睇過 ; 越睇落去 ,
我就越似畢佬 ~~ hey , 我梗係冇人地咁靚仔啦 , 我係指套戲入面 , 佢係一個精神病人 , 但越睇就越混淆 , 所以決定都係去搵番呢隻碟 , 帶佢返屋企細意品嚐一下好 d  ~

向左扭  向右扭


我既黃金左腳  不只一次拉傷過   不幸地 , 星期日去踢波 , 為左一個型字 , 再次令自己受傷 , 一拐一拐既日子 , 對我黎講並唔陌生。有位朋友叫我去睇下跌打 , 我話唔通比個 pet pet 人地捽咩 , 傻囡 ?!   ( 我痛楚既位置 , 係由左面既 pet pet 去到成個大脾 )


幸好我既工作並唔需要出賣勞力 , 否則康復既時間難以估計。球場上既其中一個不成文定論  : 上場比賽 , 受傷是預計在內的 , 是比賽的一部份。所以無論我每次撞爆眼角 , 拉傷大腿 , 咬柴篤魚蛋 , 甚至多年前右膝韌帶受傷 , 好番之後我仍然會繼續踢波。

後悔 ?  當然唔會 , 只要你足夠愛佢 , 你可以為左佢付出所有 ; 對你既另一半亦然 !   

引用:

原帖由 8366 於 2007-8-1 10:30 發表

又改返

安坐家中 了 ~  

引用:

原帖由 8366 於 2007-8-1 10:39 發表

仲唔瞓教
今晚唔洗做呀

差不多


每天總不會過 十一時半  便會訓   

引用:

原帖由 8366 於 2007-8-1 10:51 發表

仲未見到你份生日報告喎

生日報告  ??? 生咩日


計埋聽日  ~~ 都生左成兩個月喇,  傻人  哈哈

引用:

原帖由 阿病 於 2007-8-3 06:47 發表
沉哂底咁既 搞咩呀!嘿嘿!

沒什麼

我好似你個名咁樣  >>>> 病


抖左兩日  , 好多了   

引用:

原帖由 HJ2127_ATR1 於 2007-8-3 09:42 發表
細 B ，今日咁早呀，係咪補番昨日數呢？　

準時收工囉


早 d 返屋企抖下嘛

叫做退左燒  好左好多   

有心  有心


愛人的照顧下 , 加上迫自己喪飲水 , 吉左支針  食左藥  


已無大礙

引用:

原帖由 阿病 於 2007-8-3 16:55 發表

錢多身子就弱

　有財又唔怕弱少少   

可惜財又唔係多   身子又唔係強   

求學唔係求分數  ?  講下好 .......

唔夠分升唔到中六 , 真係鬼可憐你咩 ?! 唔係求分數 , 唔好昆人啦,  講到尾 , 求學只為求分數 !


會考既新聞 , 一年衰過一年 , 今年更加有 d 睇到想嘔既感覺 , 呢個又戒酒考試 , 果個又死人冧樓 , 另一個又個腦唔知生乜 堅持應考 ; sorry , 我絕對尊重呢班考生 , 只係報導手法越黎越不知所謂 。今年有個十四歲 9 A 女神童 , 唔知佢地下年仲可以做 D 咩新聞 ......  真係登佢地擔心 。