預測五大聯賽來季冠軍誰屬

大家好~
球壇收咧呢度都靜晒~

意, 西, 德基本上同樓主睇法一致~
里昂年年賣星賣咗咁多年, 其他隊又年年增強, 其實候利亞走個年我己經覺得里昂未必咁穩, 今年似乎有少少唔同, 照波爾多vs里昂一仗睇, 里昂未必再係「超晒班」既行列, 法甲既大戰開始對爭霸有d影響喇! (之前好多年都係里昂輸幾場大戰都照輕鬆棒盃...)

英超曼聯無錯中場兵源充足, 但前後其實都缺兵, 戰術上亦其實變化不大, 霸氣不足... (無錯我係悲觀既魔迷)
阿仙奴連年賣星, 今年變化更大, 雖然話雲格既強項亦於始, 當年買個不知名既「多哥球皇」亦掂, 戰力不足, 氣勢卻其實不俗, 只要保持到全年平穩, 雖然未必有力爭霸, 但係實力同表現絕對會影響到最終既結果~
利物蒲一向都海鮮, 但係托利斯絕對係當今最強之一, 加埋羅比堅尼, 攻擊力絕對數一數二, 自九零年代利物蒲都以防守足球作主導, 個人認為今年既利物蒲只要輪換得不太過份, 絕對可以挑戰冠軍!
車仔由史sir執教, 相信對阿巴鐘愛既悅目/進攻足球有幫助, 加上迪高既加盟, 絕對對行軍既流暢度有正面幫助, 我心目中佢地要面對既問題反而係史sir點樣排條中場線, 艾辛係必然正選, 要以林伯迪高波歷克填滿中場線, 球員既特性上似乎問題不大 (既然林伯波歷克己經成功融合), 實際上做唔做到係另一個問題, 咁樣做既效率/效果亦係另一個問題, 但個人對迪高加盟車仔既睇法係正面既!
另外, 個人認為保辛華亦係另一個好重要既加盟, 費拉拿一向被評為車仔後防弱點, 以係今年歐冠表現突出(特別係斬波路線, 力度&落點)既保辛華, 加上另外三名有名有實既超名牌泰利,卡華路& a高爾, 陣容十分完整, 絕對不在曼聯之下