引用:

原帖由 OrangeFai 於 2008-5-21 01:47 發表

只能夠講的就係, 輸一年可以係無運, 輸兩年都勉強可以, 輸咁多年仲講運氣之故?

恐怕就算當事人講完都好難唔面黃

佢要行個套唔留30對開既政策, 註定隊中有既經驗有限, 求仁得仁啦~

一路以來阿仙奴都唔係細球會黎架啦, 要咁多年先拿到幾屆, 都唔知話佢係無運定係贏個幾屆有運囉 ^^

不過咁, 發掘潛質個方面佢既成績係有目共睹既 ^^

引用:

原帖由 mynameishoi 於 2008-5-21 16:57 發表

哩D野好難講「運」嘅 - 至少兵工廠贏錦標多過車仔丫.
好多人對雲格賣走亨利嘅決定有微詞, 但係我覺得佢其實做得冇錯. 係! 佢仍然係一流選手, 但係佢嘅狀態已經開始走下坡. 加埋人地已經心思 ...

阿仙奴贏得多過車仔係因為車仔之前係中上游球隊je, 油王都係黎咗5年之嘛... 唔可以咁比既...
其實要用其他球隊做比較都己經難架喇, 目標又未必一致, 財力同擁有既球員又唔同...

賣亨利我都覺得無問題, 其實要賣埋韋拉都無乜問題既, 一路都係話法比仔代替佢個位架嘛, 但係基拔圖施華真係一個大問號, 又唔係傷得多(突然無得踢個陣真係因為傷), 又唔係無態(傷完返出黎幾場都踢得ok架), 點解無啦啦雪佢雪咁耐呢, 話晒都係足球王國巴西隊既隊長喎... 就當係法明尼法比加斯大勇喇, 咁都要抖下, 咪比基拔圖出黎踢下囉... 一雪雪到骨頭都硬晒又無啦啦話要佢出黎踢喎, 12月16-3月29號淨係計聯賽既話阿仙奴有16場波, 基拔圖踢咗 7場, 總共加埋都唔超過200分鐘... 到唔知3月定4月法比仔仲開到聲話踢到殘tim... 呢d好明顯就係領隊調兵遺將既問題啦...

阿仙奴既後防其實無乜辦法既, 改朝換代都總要一斷磨合既時候, 到順利接手, 羅倫就麻麻啦, 蘇金寶托尼幾好丫, 艾殊利高爾當時更加被傳為最佳左後衛之一tim, 到依家伊保爾/沙格拿我覺得好穩陣, 托尼+加拿斯都一樣咁穩陣, 基治都好好丫...

引用:

原帖由 mynameishoi 於 2008-5-21 17:04 發表

可能兵工廠嘅「最強」同曼聯/車仔嘅「最強」係冇得比呢?

要咁樣比既話, 阿仙奴同曼聯/車仔都幾定絕對有得比既, 不過每次有類似既大戰, 尤其是係對曼聯, 雲格都鐘意先收埋d大將(尤其是係亨利), 賽事咪遜色咗d囉...

不過講到錦標喇喎, 永遠追求既都係穩定性, 呢方面阿仙奴就差d喇... 係個年全年不敗囉, 其他年份好多時都龍頭蛇尾...

引用:

原帖由 mynameishoi 於 2008-5-21 20:18 發表

何解呢?
我無正式數據證明, 但曼聯不是現時價值最高的球隊嗎?

佢指增值率je~
用平價既球員踢出可觀既球賽,
球員升價之後又高價賣返出去, 商業上成功~

引用:

原帖由 mynameishoi 於 2008-5-22 13:01 發表

我都估可能佢講緊增值率. 雲格接手以來, 不止重整軍威, 而且球隊嘅形象亦比格拉咸年代進步左好多.

不過如果以「已有資源」來計, 保頓可能先至係最成功嘅隊伍.
佢地最初上英超時, 冇大將, 冇威勢 ...

呢幾年既升班馬之中連續幾年都係兩支跌返落去一支留得低, 留低個支例如雷丁韋根咁都係10名左右, 算係幾好野, 不過要好似保頓咁又真係難d... 大sam係幾好野既, 不過紐卡素多年黎既內部問題始終唔係一個外人攪得掂既...

引用:

原帖由 mynameishoi 於 2008-5-23 17:35 發表

紐卡素頂多咪都係中上游球會, 但係管理層野心太大, 差唔多當自己係四大天王一部份.
以佢地而家嘅實力同資源, 有歐聯打應該已經好高興啦.

樸茨茅夫有機會成為保頓第二, 領隊列納非泛泛之輩, 以蘇金寶, ...

樸茨茅夫升上黎個年幾好, 今年亦都踢得好, 但係要同當年保頓比個人認為始終差少少...

列納我覺得一般, 順既時候ok, 不過順境波個個都識打, 逆境既時候無乜料到, 好似以前幾次降班都係一沉不起

引用:

原帖由 OrangeFai 於 2008-5-24 23:03 發表

紐卡素你計成績當然唔係大球會, 但如果計規模、財力, 佢地都勉強算係大會黎架.

計歷史都係架, 但係我對佢地既財力唔係咁樂觀je

引用:

原帖由 周五一次郎 於 2008-5-25 14:21 發表


又或者系舒亞拿唔想做纽记领队呢？
话时话，舒亞拿有冇教练牌先？

暫時未有, 但係好多英超領隊都係咁教, 邊做邊讀~
好似修夫基咁囉~

引用:

原帖由 OrangeFai 於 2008-5-28 17:54 發表

季中果陣紐記幾乎就快降班, 舒利亞毫無經驗, 突然俾佢教, 一間真係降左班, 就會變成雙輸:
1. 紐卡素咁的規模的球會居然要降班, 對球會的收入、名聲有極大損失
2. 舒利亞本來係紐記入面, 可以講話係殿堂級人物 ...

呢個的確絕對係一個雙輸既局面

以依家既四大黎睇, 球會好, 領隊好, 球員好 (而且多), 其他球會係盃賽淘汰制度下有球會突破四大壟斷既局面機會其實己經唔大,邊有機會係聯賽上呢d鬥耐力, 鬥穩定既比賽裡面同佢地鬥...所以我真係好佩服維拉, 布力般, 愛華頓呢d中型班, 交到功課既球會...

咁紐記拿第五算唔算贏丫? 我諗對球迷同佢地苛刻既球會高層黎講唔算... 所以紐記贏既機會一d都唔大, 或者一年裡面贏/和到四大兩三次都己經超過佢地既預期喇...

講返阿仙奴, 全年不敗個年, 唔講其他比賽, 淨係講對曼聯因雲佬而起既打鬥事件個場波, 如果唔係傑斯空門射高佢都己經無咗全年不敗既紀錄, 所以呢個紀錄都好有運架喇 (當然我唔係懷疑雲格既能力, 只不過話佢無咩運氣又未至於je)

引用:

原帖由 mynameishoi 於 2008-5-29 20:26 發表

紐記D擁躉其實應該諗清楚, 佢地現有嘅財力同隊伍並唔係top 4嘅料子.
羅第五應該算贏啦, 實力同佢地有得比嘅球隊比比皆是.

應該同紐記d死硬派粉絲傾下 ^^

引用:

原帖由 OrangeFai 於 2008-5-29 23:48 發表

咁又係呀....愛華頓、維拉表現都算係幾好.

不過維拉下年可能無左最重要的巴利.... 唔知仲會唔會有今年咁好成績

巴利真係好勁, 場場都交足功課, 奧尼爾無咗呢名大將真係幾慘, 陣中人腳己經唔多, 又好少見佢買人...

引用:

原帖由 mynameishoi 於 2008-5-30 15:16 發表

一早已經爆左啦...90年代尾, 年年等降班, 血壓都高過人...

依家去到頭幾名又要爭歐聯/歐協, 血壓都唔低得好邊

引用:

原帖由 solskjaer234 於 2008-7-3 12:33 發表
實力所限 唔關運氣事 始終係J LEAGUE級數 返去教白鯨啦

各大聯賽雲格都有實力玩架喇, 不過講教大會既話以佢既買賣/用人方針又真係好似差咗dd... (似商業娛樂角度多於捧盃為先), 如果係中型班應該都會幾好睇~ 可能可以試下教紐卡素布力般喎