承求其兄教誨, 小弟呼籲一眾兄弟以後都要盡量避開o架仔波, 因為賽果實在太過離譜~

雖然o架仔波出名古惑, 但係今日天皇盃粒班霸鑽石主場對住仲打緊護級附加賽嘅小黃蜂被捧成1.20倍嘅熱門, 合理! 小黃蜂早前兩場護級附加賽對住乙組神戶船都要握手言和, 試問點係粒鑽石嘅手腳?

天皇盃嘅賽制係打和就加時, 再和就踢十二碼, 所以正常計個個都希望喺九十分鐘之內將對手打敗~

可惜, 見到今日嘅賽果之後, 相信大家都會明白點解要避開o架仔波~

我用佢離過關啫! 幾十蚊一條八穿一唔傷肝~

不過輸還輸, 加時階段至發力, 仲要一發力就贏三粒講唔通~

引用:

原帖由 求其 於 2006-12-16 11:53 PM 發表


真係呀, 賭架仔波唔駛識波架, 亂買同度完買結果差不多o者!

此言甚是~ 季尾有一場廣島三箭主場對京都不死鳥, 我仲講笑話一隻雀仔飛入射箭區, 中三支箭唔死都重傷啦! 果然開得出, 真係唔識好過識.....吹脹~

我都見到呢一段報導, 只可惜有兩條過關尋晚已經買咗, 兼且已經過咗兩三關, 所以無得截番~

之不過, 就算有幾名球員抱恙缺陣, 咪仲難解釋點解九十分鐘之後就可以入三粒~

Anyway, 有人贏錢始終係開心嘅~ 恭喜晒!

引用:

原帖由 求其 於 2006-12-17 12:08 AM 發表


日本波難在: 你話佢鬼, 佢又唔係時時係咁 (係既話我地反而易捉), 你話正路咩, 佢又唔係, 成日大咩(似荷甲), 佢唔係, 你話佢成日細咩(像法甲), 佢又唔係, 一句講晒, 往往同波迷捉依因, 好飄忽, 好難估, 真係好 ...

正是! 大家小心咯~

引用:

原帖由 HJ2127_ATR1 於 2006-12-18 09:25 AM 發表
你唔講都唔知，只知賽果係 0:0

中咗招之後要檢討一下點輸吖嘛.......唔係邊有得賴?

之不過, 真係有啲怕怕咯~

多謝大師提供詳盡資料~

聽日又有天皇盃嘞, 各位兄弟小心咯~

應該都有微利啩?

依家我已經向o架仔投晒降~