此圖應該攝於五十年代尾, 那時個巴士站遠離徙置區, 沙塵滾滾, 幼時不懂, 以為沙漠就是如此.

那年头一年一次到柴灣探我姑婆, 大人傾計, 小孩在空地騎單車, 跌了不小交.

聞說柴灣乃魚村, 不知海灣在何處 ?

七十年代中再回柴灣, 柴灣多了個興華邨, 巴士站搬了, 附近有一家地下茶室, 我到那裹揾「仔」, 每次出現, 雞飛狗走, 老板多得我唔少.

興華坉巴士站附近那間地下茶室週時聚埋一斑死飛仔死飛女,  茶室週圍廣佈天文台, 每當我們出現, 有屎在身的都会自動退避  曾有一個不怕死的充炮艇向外放聲氣, 話要我們有命入冇命出, 最終還是手到拿來, 乖乖跟我們回所服刑.

引用:

原帖由 stary 於 2011-11-29 01:54 發表
牛奶蛇果然利害，鼠輩聞風喪胆，那時柴灣真的龍蛇混集！

我不是什么利害, 只是履行職責, 靠的還是當時港英政府的管冶威信, 若是換轉今日的弱勢特區政府, 公務員冇背後撑腰, 熱誠何來.

筆老兄住六＋樓高層, 日日滕雲架霧, 如住仙洞, 羨熬旁人. 看來閣下必冇畏高.

藍塘海峽我以前出入很多次, 只是從冇由高角度看, 原來大自然佈局精奇, 船行其中, 不知精妙, 多謝賞圖.

引用:

原帖由 mtpen 於 2011-12-1 07:58 發表


牛Sir鍾意船，我有好些船景會放上給老兄欣賞！

先行謝過. 如我有居所如此, 必買一只强力望遠鏡, 每日單看, 已夠我過日神了.

引用:

原帖由 scottiehong 於 2011-12-4 12:07 發表


筆兄

道理人人明白, 可惜唔係人人做得到.

所以话要及時行樂，趁行得走得，食得瞓得，多些出外叹吓世界，对周圍的人好些，否则無命享，無命作善举。

引用:

原帖由 mtpen 於 2011-12-4 21:46 發表


再次一贊康兄睇嘢夠哂巨細無遺，你繼續以此精神處事，我有信心唔止壹號銀海有得你住，連壹號金海都在你脚下呀！


此Panasonic Lumix DMC-LX2以$4500購於2006九月，此乃我首部用錢 ...

有前冇後或有後冇前乃因景深( depth of view) 不足. 宜用细光圈 F8/F11, 配脚架, 時間由相機測光决定.  如陽光足夠, 可用 F16.

[ 本帖最後由 牛奶蛇 於 2011-12-4 22:05 編輯 ]

脚架是攝影秘枝,  一架在手, 傻瓜機也能拍出沙龙.

..............wrong post.

[ 本帖最後由 牛奶蛇 於 2011-12-5 10:50 編輯 ]

傻瓜機當然不傻瓜, 如果懂得利用半按 shutter button , 把光圈和 focus 鎖定, 再移鏡头剪裁, 如此可調校景深, 得出大機大鏡頭的效果.  都是那句, 帶脚架.

引用:

原帖由 mtpen 於 2011-12-6 16:35 發表


再次多謝牛Sir大師之攝影心得！

你等着噍！等我中咗六合彩，我一定會去買番呢個單位！我唔要嚟住，只當行宮／Holiday Home而已！

到時我會試足老兄所教之獨步單方，當然 ...

大師說不上, 只是一個發燒友而己. 玩影相少说也有四十多年, 由全手動至傻瓜, 由 medium format 至 SLR, DC 未有前, 我自已有黑房冲晒. 後來老婆投訢, 話难頂那藥水味, 於是花四千幾美刀買了部 film scanner 回來,菲林照冲, 哂相和裁相則由此機及photoshop 代勞矣. e+ DC 流行, 反而失却興趣, 巳冇玩相十年八載了.

引用:

原帖由 mtpen 於 2011-12-6 21:58 發表


請問牛Sir個Film Scanner是否用來將Negative Films and/or Slides convert into Digital pictures嗰隻呢？  

正是.................

引用:

原帖由 mtpen 於 2011-12-7 07:51 發表


正！咁請教牛Sir最新科技訊息，市面有邊隻Digital Scanner一般人都afford得起i.e. not those for commercial use？

我後生時影落好多好多slides，想將之轉為digital，每次想拎出嚟睇，因念及又 ...

冇玩太耐, 不敢推介.

引用:

原帖由 mtpen 於 2011-12-10 09:14 發表


我有理由懷疑呢啲猪籠車有部份係懲教處載啲就快出册嘅犯入嚟替英軍做簡單工程，又或剷草之類工作。

說的怎是. 这叫做「出外圍」, 替英軍, 政府医院, 郊野公園, 边界, 沙滩等公眾地方清除雜草, 垃圾等工作. 有時甚至要乘直升機到外島工作.

一段少插曲. 曾經有幾個月被放逐出外圍, 每早帶百五個宝宝分乘五部猪籠車去边界修刀鋼及除草, 其中深圳河一段很窄, 跨步可过, 那裹由一隊來至河南的解放軍駐守, 往往埋伏在草叢中, 侍我們行近時, 突然持搶起身, 怒目而視. 初時俾佢嚇一跳, 後來慣了, 冇當一回事. 不过有樣野担心, 萬一有個宝宝跨步过河, 我們追唔追好.

時間久了, 那斑河南佬和我斑宝宝 friend 起來, 互遞烟仔茶水, 还學会幾句廣東話, 跟斑宝宝叫我 Ah Sir, 食左飯味. 好彩那段時間冇沖冇突, 否則要上演边境風云矣.

答老筆, 帶宝宝出外行街街須萬分警覺, 边境也不例外, 曾有宝宝跑过華界失踪, 事後發覺宝宝家在深圳. 更多時, 宝宝跑过華界吸毒或叫雞, 吸飽食飽才施施然回來歸隊.

答 stary, HK 是 GMT+8, 我處是 GMT-6, 香港早十四個鐘.

引用:

原帖由 suewong 於 2011-12-11 17:48 發表


當時大陸應該未開放, 都咁烏煙瘴氣咖 ?

當時是八十年代初, 算是己開放, 很多大陸古惑仔已搶先在边境搵食, 黄賭毒辮辮齊. 走私客每日在落馬洲渡頭好似上斑咁朝六晚四搬屋咁搬, 公仔麵, 火水, 單車軚, 布疋, 運動服, 膠鞋...熱閙非常, 两边警察公安英軍解放軍隻眼開隻眼闭, 大家河河蟹蟹又一日, 那种边境風光確不多見.

引用:

原帖由 mtpen 於 2011-12-11 10:58 發表


咁咪即係臨天光瀨尿？

要加監鮁噃！真係有人咁蠢，等多陣都唔得？

加監等閒事, 監獄風涼水冷, 有得食有得玩, 生活有伴又可吹水, 病來有人照顧, 可謂衣食無憂, 有人出了册也要搏番入去呀.

好一個「愈亂愈好」！, 死得人多矣.

偉大主席要與天斗, 與地斗, 與人斗.  中國人傻QQ也跟着去斗, 还美其名為革命, 终弄至神憎鬼厭.

最近遇一韓人, 知道我是chinese後立即板起面孔, 埋怨中國人幫金氏入侵南韓, 害朝鲜人長久分裂, 累千萬人饑餓窮困.  我說你少安暴燥, 中國人也沒有好过, 陪了性命也窮了幾十年,  今日你我都是美國公民, 你不是想向我討債吧.

監獄裹面有一種犯人穿私家衫, 食私家飯, 週日行行企企, 看看書, 睇睇電視, 捉吓棋, 打打桌球, 天南地北, 優由自在. 他們就是 debtor也, 戲稱「㗳糖」, 乃無錢还的債仔也, 債仔在獄中的食用及管理費用歸債主付, 坐完錢債監後, 債主不得再迫債仔还錢, 即是話不用还.

說到这裹, 諸君何有使剩的爛美金, 破Euro, 借我十萬八萬, 也讓我㗳糖一番.

在美國有機会遇到東南亞人, 大致上对中國政府扶助各國独裁政權, 弄致人民一窮二白的行為, 皆無好感, 明事理的懂得分中國政府的行為與廣大華人無干, 不識分的就像中國的義和團一樣, 对華人採取敵視. 現今各東南亞小國寧與鬼子佬埋堆, 不願與大中華合作, 非崇洋媚外可觧.

廾幾年前認識一緬甸助教, 跟我十分友善. 他談及他祖國, 唏噓不巳, 問中國人何解要支撑一個独裁的軍人政權, 害緬甸人也與世隔絕. 一窮二白. 言下之意是, 你衰是自找, 無謂害街坊.

緬甸助教畢業受聘 USAF, 去研制 F16 了.

說起 F16, 我那時讀書的學校與 USAF 頗有淵源, 每年都有USAF的專家到學校為post grad 上課, 最注目就是講觧 F16的结搆和它的自動系统. 每堂都迫爆人, 中國留学生佔了一半, 那些專家有問必答, 好像沒有什么機秘, 連一些數椐也照講照答, 唯一限制是不准錄影錄音.

我上了幾堂, 始终一頭霧水, 理論及數式太深, 自行退出.

引用:

原帖由 stary 於 2011-12-13 01:57 發表
牛Sir見識廣博，經歴生活上兩個完全不同階梯，真好！

不敢托大, 只是人上年纪, 多些不同生活体驗. 这裹不乏有見識之仕, 大家坦誠交流, 實一樂也.

引用:

原帖由 mtpen 於 2011-12-16 20:45 發表
牛Sir好船，為咗服答老兄响攝影方面不慳賜教，與及响另題上有些少頂撞作賠罪，小弟放上幾幅船景供老兄欣賞，夠哂多船喇掛！  

筆兄言重了, 你那來頂橦. 如我出言不遜, 有所偏差, 还望閣下多多指正.