說起中秋節不能不提月餅. 香港人以前甚少買月餅, 多做月餅會, 一份通常有十盒(可能是八盒）, 再加上一些用餅皮做的豬仔餅佛公餅. 豬仔餅用胶豬籠套着, 佛公鉼則用玻璃花盒盛載. 月餅品种十分粗糙, 充滿鄉土氣色, 如杬仁月, 五仁菓子月, 豆沙月, 雞油月, 金華火脚月, 而以蛋黄蓮容月為極品. 早年的月餅包裝以四個月鉼為一筒(不是一盒）,用爉紙包成筒狀. 後來改用紙皮盒和今日之铁皮盒, 盒面圖案由以前單一的嫦娥奔月改為今曰的美術圖案.

六十年代開始, 打從鬼節一過, 各家賣餅的洒樓茶館便張燈結彩掛花牌. 花牌內容千奇百怪, 有傳统的嫦娥奔月, 又有令人抱腹,諷刺時弊的漫畫, 如果你有那些花牌的舊照片, 請貼上來與大家分享.

中秋節是一個充滿温情, 鄉愁, 歡樂, 回憶的節日, 我曾经有過很多個快樂歡欣的中秋節, 亦有過不少弧單靜寂的中秋. 要說的話永遠說不完, 還是留侍各位仁兄仁姊續後.

我發覺愈來愈難叫齊人回家過節. 往年如果中秋正日在星期一至五, 因考慮到子女,女婿放工已疲乏, 不想他們舟車勞動, 所以大多提前到星期六,日. 今年也不例外, 選好日子用email通知他們, 個仔回覆話耍過埠, 換過日子又輪到個女話耍替鄰居看狗, 幾经商量, 終於定於今日下午一時回家, 還話明不能久留.

我不知道有多少人像我個仔個女般忙, 我後生時視回父母家和岳丈家過中秋乃一年中的大事, 中秋月餅送禮必不可少, 亦因為如此, 才留下很多美好的歡敍回憶. 不過時移勢易, 今年還有多少人回家與父母過中秋？

引用:

原帖由 cooolman 於 2007-9-23 19:58 發表

再搞落去，遲d連一家人過節食飯，都可能變成了大家o既【集體回憶】....！......真係好陰功！

cooolman及11111186两位所言什是, 傳統中國節日己漸漸受人忽畧, 取而代之的是洋人的萬聖節, 聖旦節, 為了不被時代淘汰, 老餅們也只能隨波逐流, trick or treat 一番.

引用:

原帖由 細摩 於 2007-9-24 09:25 發表


或者因為我跟女友都是同鄉人,
我們會互送月餅及一點錢給對方父母,
壽辰, 過年, 做冬, 端午, 鬼節等等, 更會到彼此的家吃飯. 鄉俗叫做節

縱然真的很悶, 沒有話題, 但老人家只想開開心心...

時移勢易, 做老人家的都耍跟上潮流, 與年青人傾偈時才能塔番两句. 我以前有個二叔公, 八九十歲,腰板廷直, 風度偏偏, 麻雀啤牌天九跑馬足球上夜總會跳舞睇女仔樣樣好樣樣精, 有佢在場, 個個開開心心. 老人家如果肯放下身段, 與年青人同樂也能成開心果一名.

引用:

原帖由 mandy 於 2007-9-24 20:12 發表

只能找到這一張餅家的花牌，但相比當年酒樓的大型花牌就遜色得多了！！

是瓊華酒樓嗎？

除月餅外, 中秋節最應景的莫過於燈籠, 細路仔無錢買燈籠, 見到紙扎舖前五彩繽紛的白免燈籠或楊桃燈籠, 只有望洋輕嘆. 有次行經一個建築地盆, 拾起幾條竹篾, 利用寫毛筆字的習字紙作扎條, 扎了一個圓型燈籠骨架,用一張拾回來的公司紙造燈籠的外穀, 再用一個毛筆筆套做蠟竹插座, 在外穀两面用墨寫上日月二字, 自製了一個日月燈籠.

自此之後一直對自製燈龍念念不忘, 常常幻想可以自扎一隻飛機燈籠.  十多年後某中秋, 行經一士多舖, 個仔纏着要買燈籠, 我對個仔講話不用買, 爸爸可以扎一隻飛機燈籠給他, 回家後搜索羊枯, 去那裹找竹篾呢？出街行了幾個建築地盤, 不見有竹篾. 突然靈機一動, 冇竹篾何不用鉄線. 可惜鉄線不好用, 很難定型, 終於中秋節過了還沒有做好. 我個仔善忘, 幾十年來不見舊事重提, 如果提起, 只有出街買個頂數.

沒有同個仔做飛機燈籠, 却同個女做了個柚皮燈籠. 我個女每次玩燈籠都火燭收尾, 一次終於燒晒家中燈籠, 買又買唔切, 唯有用一個柚皮, 幾條繩做了一個柚皮燈籠, 個女開心到飛起, 因為可以與眾不同. 柚皮燈籠燒不爛, 碰不散, 舉世無雙.

引用:

原帖由 mandy 於 2007-9-26 21:49 發表

最記得就係用牛奶罐，鐵線同汽水蓋做既滾動燈籠，真係環保兼有創意！！
再找到一張瓊華酒樓中秋花牌相。

看來與聖旦燈色有得比. 謝謝

引用:

原帖由 cooolman 於 2007-9-27 00:56 發表

實不相瞞.....小弟幾年前整過一個俾條細路玩，牛奶嘜問相熟茶檔班到一個........就係搵唔到木線轆，終於走左去d車木工場，搵師傅車左個木線轆....唉！妹仔大過主人婆！

有冇圖片 ？