我都是在紅磡成長的, 以下是小弟的印象

1) 寶其利街 -  回想80年代, 附近有大排檔, 寶石戲院, 黃埔街, 新中華國貨, 由早上旺到晚上, 好熱鬧, 而家偶然路過, 好像水靜鵝飛

2) 黃埔街 - 記得細個係寶石睇完9:30, 會去近街頭的卷仔入面食生滾粥, 冬天街尾又有煲仔飯, 當然重有碼頭既漢堡包

3) 美國寶 - 機鋪及波樓, 細個覺得好雜

4) 紅磡舊街市 - 永遠咁濕, 但好親切, 因童年時差不多每天都去, 近街尾早上食鮮牛通粉, 重有蕪湖街的豆腐花, 正呀!!

引用:

原帖由 大隻西 於 2008-2-3 15:51 發表
昨晚和今天也去過紅磡 這是昨晚嚴寒細雨中 在寶其利街拍的一照。

引用:

原帖由 hk3dman 於 2008-2-4 15:30 發表
小弟在 70 年代中期住在彿光街消防宿舍( 剛移為平地 )，旁邊就是消防局，
最愛是在宿舍旁的一個迷你三角型公園玩，小小天地快樂到不得了。

每逢假日一定同媽咪去「金寶石酒樓」飲茶，最鍾意由二樓個閉路電視望 ...

朋友! 我都係住響[金寶石]對面, 差不多每天都去飲茶, 我地鍾意坐近廚房門口, 近廚得食

公園仔, 是不是利工街尾那一個, 中間有個圓形花莆, 我多數會上彿光街上面果個, 條sir滑梯細個覺得好高.

原來消防宿舍已移為平地!那旁邊舊時綠色外牆的關員宿舍也是嗎?

哈哈, 相信世伯是消防員, 你識得"范博偉"嗎? 他應該跟你同期住宿舍的

引用:

原帖由 hk3dman 於 2008-2-4 17:06 發表

彿光街上面果個大公園，因為要過條小小 ...

家陣要帶個仔返去回味0下啦!!

咁有冇朋友讀"普愛學校"

引用:

原帖由 hk3dman 於 2008-2-4 17:35 發表
請問以前 " 寶其利街 " 是不是街市來的 ??

我有印象但不肯定............


但我係好鍾意睇你講兩位前 ...

" 寶其利街 " 不算是街市, 但街上每天早上開始已經有很多很多小販, 而黃埔街兩旁就有一些"緊"檔, 好像花園街那樣, 好熱鬧