大家還記得橫頭磡的月光嗎?... 一份永不褪色的回憶

月餅, 楊桃, 爉燭陣, 各位街坊會對它們陌生嗎?

[ 本帖最後由 lamlamchem 於 2008-9-12 22:27 編輯 ]

是呀, 我找了很久也找不到, 連不是橫頭磡的也沒有, 莫非這個火龍臘燭陣只可存在大家記憶之中...??

是否按東, 南,  北三條路將橫頭磡整區圍起來, 中間加條橫頭磡中道及富美街?   大家覺唔覺這樣工整的設計在其他屋村較少見. 仲有, 唔知點解無咗橫頭磡西道呢條路

[ 本帖最後由 lamlamchem 於 2008-9-17 20:51 編輯 ]

CB 2138 兄, 介唔介意講講你和橫頭磡有何淵源

[ 本帖最後由 lamlamchem 於 2008-9-20 00:06 編輯 ]

對, 這幅相是身邊隨手找來比大家回憶吓d 感覺, 拋磚引玉啫!
下圖是 1963 年村內某座地下, 有無人知是第幾座呢?

橫頭磡真是唔簡單, 除了 "獅子山下"常在 24 座拍攝外, 馬會clinic 雷達山也常用來拍外景, 還記得有次在馬會診所外睇住張瑛叔拍戲, 當年已潚洒不再, 成個伯父咁, 呢輪亞視深夜重播新變色龍, 仲可見番佢.
下低幅相個亞伯來頭仲大, 唔知大家知唔知佢係邊位及他巡視第幾座??

記得, 但似是六十年代尾70年代初, 我當時住18座, 唔知點解要排, 屋企似乎唔係好等住開飯.

排米就未排過, 但波地d 神功戲就好有印象, 日夜唔停, 成晚 "技機顧技機", 唔係 "架技noun" 唔識聼都幾係

18 座3樓向天井也有一檔, 我同老媽子就買唔少, 其實當時太細, 唔知細節, 好似有狀元, 夫人, 探花, .... 四個一組共36個選擇, 買中佐就 一賠31, 當然唔可以一賠36 啦, 長遠計你都會究輸比莊家.

今 日 同 你 回 憶 一 吓 ， 1961 年 呢 個 時 候 ， 好 多 男 女 都 忙 於 一 種 賭 博 活 動 ， 呢 種 就 係 字 花 賭 博 。 話 說 四 十 七 年 前 嘅 呢 個 時 間 ， 沉 寂 多 時 嘅 字 花 又 再 次 大 行 其 道 ， 喺 香 港 東 區 一 帶 瘋 魔 咗 唔 少 婦 孺 ， 佢 哋 攞 住 字 花 題 ， 日 思 夜 念 ， 攪 到 頭 瘟 腦 脹 ， 有 啲 就 同 老 公 閙 哂 交 ， 有 啲 因 為 沉 迷 字 花 而 債 台 高 築 ， 最 後 被 逼 一 走 了 之 。 其 實 賭 字 花 ， 有 另 一 個 雅 號 ， 叫 射 古 人 。 話 說 字 花 係 分 咗 三 十 六 個 號 碼 ， 每 個 號 碼 代 表 一 個 古 人 ， 或 者 三 十 六 種 動 物 ， 甚 至 三 十 六 種 職 業 都 有 ， 每 次 由 開 字 花 嘅 莊 家 ， 即 係 所 謂 字 花 廠 嘅 師 爺 ， 出 一 啲 似 是 而 非 嘅 花 題 ， 就 好 似 賽 馬 嘅 貼 士 一 樣 ， 而 啲 賭 仔 就 依 照 花 題 嘅 意 思 ， 估 吓 師 爺 嘅 心 理 而 落 注 。 其 實 所 謂 花 題 或 者 貼 士 ， 亦 都 俗 稱 口 電 ， 呢 啲 花 題 ， 都 係 一 啲 分 散 買 家 精 神 ， 吸 引 佢 哋 下 注 嘅 技 倆 。 事 關 師 爺 所 畀 嘅 花 題 ， 都 係 模 稜 兩 可 ， 例 如 其 中 一 段 花 題 係 “ 森 羅 殿 ， 閰 君 板 鐵 面 ， 善 惡 分 明 。 ” 而 貼 士 就 係 “ 人 人 心 服 ” ， 咁 你 又 估 係 邊 個 古 人 呢 ？ 另 外 一 個 花 題 係 ， “ 華 清 池 ， 貴 妃 洗 祿 兒 ， 恃 寵 生 驕 。 ” 貼 士 係 “ 引 佢 作 反 ” ， 你 又 估 唔 估 到 係 邊 個 古 人 。 當 年 嘅 字 花 ， 係 一 賠 二 十 八 ， 除 本 之 外 ， 有 二 十 七 蚊 利 潤 ， 所 以 當 年 吸 引 唔 少 人 幫 襯 ， 不 過 字 花 有 三 十 六 瓣 ， 所 以 開 字 花 嘅 莊 家 ， 基 本 上 係 贏 梗 。 而 且 莊 家 鐘 意 開 乜 就 開 乜 ， 無 需 要 向 賭 仔 解 釋 。 莊 家 每 次 開 彩 ， 通 常 都 係 最 少 人 買 嗰 一 瓣 ， 佢 就 開 嗰 一 瓣 。 有 啲 識 字 嘅 賭 仔 ， 當 然 猛 估 啲 花 題 究 竟 提 示 啲 乜 嘢 ， 如 果 唔 識 字 嘅 賭 仔 ， 點 樣 揀 字 花 ， 可 以 講 係 千 奇 百 怪 ， 有 啲 係 靠 夢 境 入 面 睇 到 啲 乜 嘢 ， 作 為 投 注 嘅 參 考 ， 亦 都 有 賭 仔 以 出 門 第 一 眼 見 到 乜 嘢 ， 就 買 乜 嘢 古 人 ， 有 人 用 求 簽 嘅 方 法 ， 或 者 隨 意 問 啲 細 路 買 幾 多 號 ， 靠 撞 口 掛 ， 簡 直 係 無 奇 不 有 。 其 中 一 個 傳 聞 ， 既 可 笑 亦 可 悲 ， 話 說 有 個 婦 人 ， 相 信 一 種 叫 “ 元 寶 蓋 面 ” 嘅 方 法 可 以 求 得 靈 簽 ， 所 謂 “ 元 寶 蓋 面 ” ， 就 係 等 一 個 人 熟 睡 之 後 ， 用 元 寶 遮 住 佢 塊 面 ， 再 點 起 香 燭 去 拜 佢 ， 即 係 將 瞓 著 嘅 人 當 死 人 拜 ， 然 後 即 時 求 簽 ， 聽 講 咁 就 可 以 求 到 靈 簽 ， 結 果 呢 個 女 人 真 係 咁 做 ， 佢 嘅 奶 奶 啱 啱 重 病 瞓 喺 床 上 面 ， 個 女 人 照 辦 煮 碗 ， 求 到 簽 之 後 即 刻 趕 去 買 字 花 ， 但 係 佢 唔 記 得 將 蓋 住 佢 奶 奶 塊 面 嘅 元 寶 攞 走 ， 結 果 個 女 人 雖 然 中 咗 字 花 ， 但 係 個 奶 奶 就 焗 死 咗 ， 呢 個 雖 然 係 傳 說 ， 亦 都 足 以 証 明 當 年 嘅 字 花 點 樣 害 人 。 不 過 政 府 為 咗 打 擊 字 花 ， 喺 1975 年 開 辦 六 合 彩 ， 將 呢 種 民 間 賭 博 活 動 真 正 咁 禁 ?? 。 不 過 ， 賭 嘅 方 法 可 以 禁 ?? ， 但 係 中 國 人 愛 賭 嘅 習 性 ， 又 似 乎 係 禁 之 不 ?? ！

呢個呀叔依希記得, 不過唔係好 sure 係 15 定 16 座, 我係 22 座讀書, 有d 印象, 現在看來, 他的 EQ 真高, 逆境自強, 又有無人記得在富美街與橫頭磡東道一帶有個呀叔賣糖通, 戴個超級深近視鏡, 個頭好尖, 幾超現實, 好似漫畫中的外星人 .

當年的鄰里關係比今天強得多, 過去在橫頭磡住的時候, 與附近3, 4 條走廊的住戶非常之熟識, 大大話話幾十戶人, 除時係其他地區踫到, 不像今天的淡薄, 我與側邊個戶人一年也傾不夠10句.

各位街坊有無去 21 座天寶酒樓打躉呀? 我好懷念當年老豆與我去歎茶一盅兩件的日子, 當時d 茶真是一盅盅的 , 16 座的榮興也間中有去!!

[ 本帖最後由 lamlamchem 於 2008-10-6 23:40 編輯 ]

係喎, 應是忠興, 我仲係0個度飲第一啖好 Kang 嘅玫瑰露酒, 係豬膽身型0個隻.

這枝大旗無甚印象, 但逢雙十就到處都係旗就好有印象, 甚至連獅子頭都有, 一句, 舖天蓋地也不為過

我記得 26 座樓下近中間樓梯有間士多賣麵包皮, 又平又好味, 有段時間成為我的午餐

咁又未試過喎, 印象實在太模糊了, 當時仲讀緊小學, 只記得佢地與用香烟紙盒裝住, 我估應該乾淨啩

[ 本帖最後由 lamlamchem 於 2008-10-17 07:56 編輯 ]

各位街坊, 恕我孤陋寡聞, 本區有無出過靚到泵一聲香港小姐之類的靚女, 又或好好打o個d 武打明星呢??

啊, 我也住 18 座, 但出入對佢無印象, 可能唔同年代

[ 本帖最後由 lamlamchem 於 2008-10-18 16:19 編輯 ]

引用:

原帖由 發記大排檔 於 2008-10-19 17:35 發表


我記得他是在18座地下賣粥.

呀, 這檔粥我常常幫襯, 咁見過佢細細個o個陣都未定

我住18座, 日日睇住 "仁, 愛, 勤, 誠"  上上落落, 成日睇住佢地一響鐘, 要個個企定定, 再響鐘先可排隊, 好似好有紀律咁, 印象中好似八十年代初縮班, 同一時間橫頭磡好多project 重建, 約中期結束, 最後d 學生可選到九龍城樂善堂小學繼續升學, 若有錯請多街坊指正, 我則約與你同期小學畢業, 不過是在 22 座美基小學.

我也是逃學大王, 係 22 座美基逃到出晒名, 要見校長, 校監, 真是慚愧 , 幸好無學大壞. , 小小壞免不了

引用:

原帖由 Anti-air-gunner 於 2008-10-24 00:23 發表


返學帶刀之目的不言自明，可以理解，
但帶鹹魚可有什麼玄機？……耐人尋味。

小弟未試過逃學，印象中班裡也沒有同學好此道。
一直有點不明，既然熟識的同學、朋友仔都上學去，
逃學時一個人在街上有乜意義 ...

自由, 因為自由啦, 無拘無束, 也算對填鴨式教育的一點反抗. 說到這裡, 當日情懷如潮湧, 有點想哭...

[ 本帖最後由 lamlamchem 於 2008-10-24 01:06 編輯 ]

gunner 兄有所不知, 當年父母皆出外工作, 需要一所全日的幼稚園及小學, 似乎當年樂善堂及循道無呢類學位, 而且美基中午有得搭食, 咁就讀到畢業了.