[轉貼]月亮灣大火, 500人被困  

今朝11點到, 係3/f訓教, 訓訓下特然間冇電到, 初時以為電力唔穩定冇理佢, 過左5分鐘,
出面開始傳"火燭呀" 一開度門就見到好大煙. 我同另一朋友就跟住d 煙搵火源. 一去到, 見到近打機隔離間房, 火光紅紅...
再望清楚d 係廚房黎既, 當時有職員阻止我地咁做, 叫我地鎮定d, 番埋位, 好快有電. 我大叫"咪玩啦, 咁大煙(我用電話電筒, 只係睇到1~2左右清楚能見度. 又停電又燒野味. 我唔係bbq呀" 當時好多人係到嘩嘩聲, 話有冇狗錯. 有人順手打破左警鐘, 但冇聲出, 有人拎滅火筒, 但又冇野出.
好多人匆去更衣室拎野走. 我係其中一個, 我一去到, 冇人肯同我開locker, 我爆晒粗係咁鬧, 佢先好唔想咁開. 後黎好多人出黎拎野走, 個服務員又唔肯開(因為怕一走左冇tips) 好多人自己求其搵野爆開個locker.搶鎖匙又有, 踢locker又有....
唔夠5分鐘, 有消防入埋黎, 趕我地走. 話再唔走冇命, 當時好多人著唔切衫走左出去lobby.
一去到lobby, 見到好多人係到, 原因係破璃門比人鎖左. 好多人勁推, 希望整爛把鎖, 有幾個人話幫手拎梳化撞爛度門, 我當時亦都想幫.
個消防走到reception度, 大聲話" 你開不開門" 之後一手掃跌台面d 野, 求其執野扔落個counter 度.
一講完, 轉頭拎斧頭想劈開度門, 突然間有個好似幾高級既人走出黎, "不, 我開門" 成班人先安全疏散. 10分鐘唔夠差唔多500人走出黎.
出到去先知, 原來消防唔知係後門定係雲梯入去救人...
拎晒野既人, 當然係唔比錢即走啦, 我係其中一個....但佢地咁既做法同唔比錢唔駛行出呢個門口有咩分別. 職員又死話冇事, 見我地番原位. 唔好玩啦, 火足呀, 仲收錢先....一出到去好多人都話係disco有焗烟倉經驗. 好多人出到去勁唔惦, 又話供眼, 又話喉嚨干. 咁呢樣我又係其中一個.

月亮灣話晒都唔算係平價塲呀, 再講衰d既係唔比錢冇人可以走得甩. 比左錢既, 亦要避免同人摶混亂唔比走.
唯一可以值得嘉許既, 係消防係未收錢前救人, 相信官方機構都比以前廉潔啦.

http://www.youtube.com/watch?v=9XD5mGXY_7s

引用:

原帖由 peninsula 於 2007-9-4 17:22 發表

Is this the one very close to Lowu border?

都算近,左深圳春風路