睇咗[IRON MAN]鐵甲奇俠

呢輪放大假所以睇咗唔少戲包括呢部,講真心中沒有寄望,因為之前領教過[夜魔俠]同[ghost rider]之類,但女友鍾意睇呢類戲所以又諗住係用燃燒時間同金錢既心態去對待.

睇完之後,第一個感覺唔係太差,起碼故事簡單流暢,雖然羅輯性麻麻,但美式英雄片來睇都合格有餘.故事單線發展,大約係講一個天才(又係天才?)既武器製做家本身又係個花花公子???在一次軍方演習中比人捉走, 一番折磨要佢為恐怖份子做武器, 之後佢在人地既地方靜雞雞做咗一套鐵甲裝再殺出重圍,期間佢老友為咗救佢而比人做低埋,回到美國後發現好多事唔係佢想像中簡單…ok,故事就真係幾老土,三十幾人在一次[意外]中搵番個良心,然後重新做人…不過, 呢部戲最唔同既地方係本片有巨大製作費. 所以本片既特技的確係賞心悅目,由裝甲同飛行,新電腦控制方式…有錢真係好. 所以大家唔想傷神又沉重,呢部戲真係VERY GOOD...

漫畫英雄片係近年美式商業片既主流, 不過唔想部部睇,想揀好野先睇就要學吓美國漫畫英雄排行榜, 名氣愈大製作愈好睇(因為有錢嘛), 之後要注意的除咗再來一次既[HULK]之外,仲有係美國隊長同一套叫[THE SPIRIT]