細個仔小六果陣 住晌柴灣 都唔記係得邊一年 隔離左近D大人哥哥姐姐 唔知幾時興起咗一人裸住一本紅簿仔 每晚十幾人就聚集一個單位內 我住果區就已經有唔止一個單位係咁 起碼有三四度 個個都大大聲係度吹水 我行過唔知佢地講乜嘢 呢D唔關我事冇乜問題。但係晌我住緊嘅後面間屋就好唔同 當時D屋係一棑棑依山而建 後面個單位比我地個間屋稍高 距離二十幾尺左右 有一朝睡夢中突然比D好大聲雜音嘈醒 向後窗望出去 嚇然見到佢地屋頂前面裝咗個灰色大喇叭 開行哂一時又播革命歌 一時又大聲叫人咁咁咁 住晌佢前面真係人都癲 唔知點算 以為忍一兩日就冇事 點知過咗四五日都係咁 由朝早七點嘈到夜晚八九點 忍無可忍 終於有日搵埋個朋友仔 一人一個彈叉.....幾分鐘後成條村就回復寧靜 繼續好好溫書。

引用:

原帖由 m2a2 於 2008-3-30 02:27 發表
紅衛兵係大陸有人照，後台硬嘛~~
係香港，港英政府都唔會埋面，屬地下組織，夠胆開會宣傳都算唔錯啦~~

我覺得呢D唔係紅衛兵 應該屬於左派份子 我冇乜反對信仰 但個別騷擾到其他人就唔好囉