有呢部機都好犀利，非富則貴，唔知有無Linhoff 或者 Horseman D圖片見識下呢？

想當年大澤商行搞左個嗎媽媽會(萬美雅)攝影會，周不時在中環龍記餐廳聚會，戶外攝影時，全部都喳住部媽咪，甚麼RB67、645呀！好不熱鬧，未知有無師兄去過？

以上所講的機種都是非富則貴的人才買得起，一般平民百姓都是買些平價產品，例如影攝佳、富士三雄 (701,801及901)再窮D就買部海鷗或者買部東德百吉，甚至買部蘇聯仙力都唔錯，雙鏡機對焦時人像上下左右倒轉，所以普通人都是喜歡用單鏡機為主， 又窮又爛引，影完相又心急睇相，唯有自己沖晒，想當年沖晒材料很方便，祖國貨又有(國貨公司)，龍翔、生活都有，相紙我偏愛韓國企鵝牌，價錢同公元牌差不多，但質素好過公元牌，沖藥早期還是用現成的，但現成沖藥開口之後不能保存太久(一星期左右)，後來到荔枝角道有間明興化工原料，買些原材料 (美刀、堅安、布老米、大梳打等等)逐樣逐樣按柯達D-76或D-72配方製成沖藥，放大機用得士配75mm鏡，時間制最初用祖國上鍊鐘，後來用電子零件NE555學人自己做個時間制(價平、好用)黑房當然無啦，唯有用萬能角鐵用二手帆布做臨時黑房，安全燈用神檯燈，時移日久，器材早己丟失，只剩下不鏽鋼沖罐(可沖120/135)和黑布袋，那個時候真是窮風流餓快活，苦中作樂，自得其樂。

果陣時有部萊卡機真係好巴閉架，直到目前為止，只有Leica做到 f = 1鏡頭，其他做到 f = 1.1 都係用電子加膜 (electronic coating )做拾幾層加膜，遇岩發霉就係＼咁先，古老風琴機貴在人工打磨鏡頭，所以古老機都咁值錢，皆因真材實料也。

當年影完膠卷，開藥水沖洗，裁放，如果用光面紙，沖完後過光再跟朋友聊天，說這道那，這種樂趣，非筆墨所能形容，只有親身經歷才能銘記於心，當年人情味比今天濃厚得多，待人接物出於一片真誠，今時今日，只有利字當頭，為了蠅頭小利而出賣朋友比比皆是，我也吃了不少虧，所以才緬懷木屋區那份守望相助的友誼。抱歉把話題岔遠了，歉甚！

Bronica & Nikon 都是石利洛代理的，想當年我有個老友為了見石利洛那位漂亮接待員，不停儲錢買機，甚麼大F，F2，F3................這個Topic確是勾起很多回憶。