小弟初來報到,感謝各位大大無私奉獻同詳盡講解,令小弟大開眼界!
小弟生於70年代,童年在筲箕灣淺水碼頭度過,筲箕灣及亞公岩一帶,就是童年玩樂時常到既地方,
睇見咁多舊照片,真係諗返起好多童年往事,彷彿轉眼間就過左30幾年....
今日筲箕灣,亞公岩已經同30年前大大不同,亞公岩已經再唔可以去釣魚係同捉蟹掘蜆了
一年前左右,無意中試下行去愛秩序村,見佢條路仲可以行上,咪行入去睇下,原來仲保存住當年原路,只係d屋清拆晒,但仲保存住好多當年痕跡,小弟童年時有同學仔住呢度,所以都會常到呢條村玩,
探索當日俾我發現當年的一條大石橋,估唔到佢仲保留係度,20年後可以再踏上去,可惜四周環境已經面目全非,果一刻感覺,真係非筆墨所能形容呀......

引用:

原帖由 choihung 於 2008-7-5 18:50 發表


請問您提及的“大石橋”在哪裏？有空我也去看看。

上左村會見到一條好長既石級,向右手邊行就會見到,
下面張相係我當日用手機拍攝既,所以唔係好清楚,希望可以幫到你啦.
choihung師姐如果去探險記得要小心，話晒都係一條荒廢左既山村，好驚會有蛇，小心．



[ 本帖最後由 ccooww 於 2008-7-6 15:44 編輯 ]

人蛇我估就唔會有囉,不過隔離間健康院經常有大量癮君子聚集,都有d危險性啊

我記得"周強記"呀,佢舖頭入面好似黑市賭場咁,有專呃細路仔果d"濳"紙仔玩,我d零用錢成日比佢呃晒