瞭望台兄一講,又令我記得返一d遺忘左既野
係哦,百冰餐廳有印象了,記得呢度附近係有幾間"餐廳"同"冰室",好熱鬧啊.

瞭望台兄,想問問你記得你講既呢個位置,附近係咪有間賣"小籠飽"既上海店舖呢?
我腦海入面成日記得係家人帶過我去呢度食小籠飽,但又唔敢確定......

跌打佬係咪即係依家仲有行醫果個?

係咪"南昌粥麵"同"南昌燒味"?

近鸞鳳酒家係"南昌粥麵"，"南昌燒味"就近東亞銀行果邊，對嗎？

記得啊,在村口鷥鳳對面,正正當年班馬線前面,
不過就唔知道佢有呢d咁特別既服務,
以前都唔會買報紙睇,最多都係睇超人書,1蚊本,仲記得報紙只係賣2亳.

呢幾張相係由獅子山下老犁中剪貼下來，1978的淺水碼頭村，你認得出嗎？





中間最小的小朋友你記得是誰嗎？



呢條獨木橋係兒時玩樂地方



呢間係我一個朋友既屋企，見返好懷念

呢處就係瞭望台兄所講既下棋地方啦


水井向左邊路再上，就可以去到位仁堂，但係咪真係有中醫就唔記得了


周日清豬欄前面既公廁

瞭望台


米佬舖頭，留意下面個亞伯，記得佢賣咩嗎？


蘭姐個檔口


呢間紅屋是否叫"防火部"呢？

呢隻ｖｃｄ係透過網上訂購既，＄２８蚊，個網頁唔知點解今日入唔到，你入去睇下得唔得啦．
http://www.moviesuper.com/big5/v ... DVD_VCD&hLight=
對呀，亞伯ｄ花生糖同笑口棗好正啊
冇錯，那小孩就係楊同學啦，記得拍呢套獅子山下果陣佢好鍾意去睇人地拍戲，我都有同佢睇過，佢睇到唔肯走，戲入面有兩個鏡頭都見到佢架．

仲有四張，一同懷念下昔日生活既地方啦

呢個位置大約係李記附近，相中黃色招牌就係”黎明記”



油叔個檔口，相中白衫人係咪油叔呢？



財記士多後面個水井，呢度ｄ井水特別清涼啊



水井行上一ｄ既位置，認得出嗎？

西南風兄你入住淺水碼頭村既時間仲早過我好多,我係70年代初先開始居住,所以有好多唔同啊.
黎明記門前個絲爪棚種滿炮丈花,每都新年記會開花,好靚,而黎明記70年代至80年代初係有兩間屋在絲爪棚之間,一間係打麻雀抽水用,一間係士多,二樓係睡房.80年代黎明記曾經引進過一部電子遊戲機,係第一代既"太空侵略者",當年勁多人去玩,諗返起都覺得黎明記真係識"食腦"呀.
你所講既兩個水井其實一個在財記士多上少少,記得細過時候發現過在一埋木板及垃圾堆下,已經封左,早前得知原來曾經發生過不愉快事件,所以要封井.
而夏園之水井我又係無意中發現,當年係藏一堆木板及草叢當中,但都係唔明點解唔用.
西南風兄多d入黎講下以前淺水碼頭村好嗎?因為只有你知道70年代以前呢條村既人和事啊

東華三院第二小學當年地址係香港筲箕灣寶文街六號
即係依家方樹泉社會服務大樓，而想了解多ｄ，就入下面個網頁睇下啦
http://www.twghlchmp.edu.hk/

工廠街的大明渠如果冇記錯大約79-80年改為暗渠的.

多得你同幾位前輩親述先解開小弟多年"栢架山空難執金發達事件"之迷團，西南風兄可否去返該話題內再講多ｄ呢？

引用:

原帖由 瞭望台 於 2008-8-21 22:47 發表
不錯，我們的年代(70s - 80s)，是淺水碼頭村最多人居住的年代.大概在1972年，由於村人口增長得快+治安不好；所以組成互助，並成立瞭望台(斜路紅屋)，又把淺水碼頭村清楚劃分區域，才有系統地區域命名, e.g.水井區、康 ...

瞭望台兄其實你所知的比我多，因為那時候我真的年紀太小了

黎明記兩公婆都算係惡死一族，所以我多數去財記幫趁多．
大約1979年，有一次我同個朋友仔到夏園玩，個朋友仔爬樹由樹上跌下來，跌穿左下巴勁流血，當時好驚唔知點算，我扶佢到黎明記叫黎婆打電話叫救護車，點知佢唔打電話不特止仲叫我地走開，話你死你事，但我個朋友仔真係勁流血，行唔到，只好坐在佢舖頭對面．
之後有街坊行過，開始多人留意同關心，好多人聚集佢門口，呢個時候呀黎婆就即刻180度變臉，即刻去慰問我朋友仔，比佢坐係佢舖門口，又打電話報警，之後仲大大聲同班街坊講”我係呢條村呢理事長，咩事我都會理”!
一班街坊同聲稱讚下，黎婆頓時意氣風發，一副洋洋得意模樣．
呢件事我好印象深刻，當時好震驚，一個成年人見到一個十歲未夠小朋友成身血可以唔伸出援手仲趕佢走，但當人群壓力下又別一張咀臉，係我第一次見到大人講大話，第一次見到一場虛偽表演，自此對黎婆呢個人失去信心．
後期我地一班小朋友開始長大，變成青少年，黎婆再唔敢同我地"講惡"了

其實70年代初，村中仲有幾間士多，規模不及財記同黎明記，你記得嗎？

爛地那一家是否叫煜記呢？
再沿爛地後面一段路上有一家有多士同啫哩賣，不過名字就忘記了．

超正!文中所提及既歷史係今日睇到先知,原來開村已經有百多年,
文中所講既"維記",即係我上面所講唔記得咩名既士多,得瞭望台兄呢篇文章,又重拾返一個失去既記憶
食水問題其實80年代都係未解決,住在山上既居民都係依靠山水,好多村民用長長既膠喉從山上將山水接駁入屋,有時打風落雨,山上水喉移左位,就要上山再接駁.
今日山上仍保留住好多呢d膠喉,都算係歷史既見證啊.

好啊,期待你再貼多一d上來一同分享

好珍貴既資料,謝謝瞭望台兄
細圖唔係咁清晰,拍攝位置好像在黎明記,對嗎?
記得當年公佈落實要清拆,我同一班朋友都好唔捨得,
因為搬遷後要各散東西,好難先可以再見面.

每次踏上果段斜路，都會浮現好多回憶，
現在只剩餘瞭望街１號謝記同德記仍然默默留守住淺水碼頭村，
仲有一棵生果佬門前既榕樹，其餘的，已然再搵唔返了．．．
放心，有好野當然會搬上黎同大家分享啦，自己收埋冇意思啊

呢幾張相大約兩年前影,瞭望台兄所講係咪圖中呢條鐵樓梯呢?
呢棵榕樹以前十尺高左右,依家三層樓咁高,時間....真係過得快,一轉眼三十幾年

引用:

原帖由 choihung 於 2008-8-30 00:28 發表


西南風兄還是對“招牌被拆”一事耿耿於懷

choihung師姐你有所不知,我地呢斑老街坊對呢個招牌有一份深厚情意結,
我都想捉拿個兇手歸案

打鐵鋪以前好似係博文門口,係嗎?
汕頭藥房同創興餐廳呢兩個名已經忘記了,瞭望台兄好記性,又再幫我找回已經失去既記憶.
"大傻"剪髮佬記得啊,以前係佢幫我剪髮,每次有汽水飲就會乖乖坐底任佢點剪,有花旗裝同陸軍裝兩款,其實剪左乜野髮型我自己係唔知同唔會理,最緊要快d唔好要坐咁耐就得囉........後其唔再見大傻上村做生意,究竟因咩事呢?
培記你記得嗎?

[ 本帖最後由 ccooww 於 2008-9-2 00:14 編輯 ]

引用:

原帖由 西南風 於 2008-8-31 10:28 發表
從choihung 大姐介紹的網址中發現那幅圖，相當全面及清晰，甚俱參考價值，可資住後討論和對比之用。

786964

好圖!相片拍攝年份是否70年代或更早?

培記我都有幫趁過，細過果陣我地係叫佢做培伯．
培記前身是賣芝麻糊我冇印象了，只有印象培記係70年代中期出現．
佢間舖頭好近你屋企喎，會唔會同培伯好熟呢？
培記在"老犁"入面都出現過一個鏡頭,放上黎俾你睇下